¹ Aluu Yesu axweesenewo's slee'meero nguwa hhe'ee's ooaro dir mukda axamiis, ire tlay ay Kapernaumu. ² Lawaalimoo' geeraharuusmokoo askaari, kwada' ino's i slai waa lo', i tiiqi waa lo' tsaxwa' gwa'ara. ³ Nee ino's ka'ngw Yesu ngwa axaa's, geeraharuusmooda' qeeraharuusmo' Yahudi, ngure ya/aaw amo'r Yesu as kuwa firin niwa xay lawaalmowoo's nguwa hhoo'ee'sa'r ay maa gwaa'. ⁴ Tawa ngwa harda'h dir Yesu, kure firin waalo' tare oo' " I hariin idoda' heewi kaahi kawa tleehh as ino's. ⁵ Asuma xoorore'n ga slaa' waalo', nee ino's a kwada' doo' saalingw ng'wa tleehh as ate'n. ⁶ Yesu ire komiit hhayumaro dinkwa nee inooin, nee qooma'r tawa hardahiika dir do', geeraharuusmooda oo askaari muko's ng'ure ya/aaw kure ba'y, "Aako, kuu'ng ma dawimitar asuma ani a hariimaka' kuu'ng tawa dat baraa' doo'ee'. ⁷ Asuma ana tsaa'hh amooo' kila' ido'r nir hariimaka' niwa amoro'k kaw, alaa /aymu kilo's na ooeek lawaalmoo'ee' i hhhooa'y. ⁸ Asuma ani sleeme aa hee' taa ura'ay i hariis nee as kaarir ni baal i deer, kwi bura baw, "Tlaw" aqo in tlay, nee kwi bura baw, "Qwalang" aqo nin xa'y, nee lawaalmodee', "idori tleehheek aqo ngin tleehh." ⁹ Yesu idori ngiwa axaa's heedada ngure waa/aoo/ ire warqay amo'r boo/eeda' ino's ngwa digirdeel ire oo " Ani aa kah, tam baraa' Israeliwo, hee' haratlintaaor ur ara idor ti ukwa boloo' ariika. ¹⁰ Nee mukda ta ya/aaw niwa kii/ amo'r do taa harda'h laqaati lawaa/amooda' aa hhooay. ¹¹ Aluu=udae, Yesu ire hhayuut ay ayaako ta ba'y Naini, nee eeharuusero's tire kone, dinka nee boo/ee' ur' oo muu. ¹² Iwa harada'h dir tsufee gixsa, a qaytsiit hee' aa gwaa' ku loohiis, nee ino's aa na/ee' dir aayoorose, kilo's nee aayooro's a kwaalo'o, ino's ti kona dinkwa nee boo/ee' Yariir oo muu kwada baraa' gixsa'r dahha'. ¹³ Aako ngiwa ar ngire i harda'h nar gurtleemuu' ur waa lo' nee ngire ba'y "Ma /aa/amiimara'." ¹⁴ Aluuwo Yesu ire suruu'k bahhi /aampada taatu'ar gagaar, nee mukda /aampa nga gagaar ire sihhiit ire oo' "Garma ani a kah kuu'ng tlawang." ¹⁵ Heedadoo' tuu'a ire tlay, ire axwee's, Yesu ngire hariis dir aayiiros. ¹⁶ Muu slee'meero ire da'aayuu't, tare komiit Mungu' xirfeemisowo tawa kaahi, "Aarusmoo ur naa aayare'n wa ti'iit nee Mungu' muko's ngwa ar." ¹⁷ Idori Yesu aa tleehh kare axaa's baraa' yamuu Yudea slee'meero nee baraa' yamuuda tsewee'n slee'meero oo insla awayda'. ¹⁸ Eeharuuser Yohana kaangwi sleemeero aaa tleehharuut ngure hu'p amo'r Yohana. ¹⁹ Aluuwo Yohani eeharuusero's ar tsa'r ngire /akaa' nee ngire ya/aaw amo'r Aako as kuwa yahaasi ar gidaaba', "Kuung an kwada hardaha laqa hee hatla oo ta daamaan i deer? ²⁰ Inooin tawa hardah dir Yesu ate oo' "yohanida baa timamiis taa ya/aaw amorok i kaahi," kuung ana kwada harda'ha laqa hee hatla oo taa daamaan i deeru? ²¹ Nee siwadar kilae mukuu yariir oo tiqtuuse nee oo baraa' slahh'ee msoo' dimbaadimbay i diria ngire hhooo'eemiis, nee kwada neetlaame aa' eer nee mukdoo' taampu nire qaytsitiiye'. ²² Yesu mukda tina ya/aaw ngure ba'y, "Tlawee' ti taa aande nee taa axase' Yohana ti ooe' gidaaba' taampu i xumisiiya nee mukoo' toqoray i hi' iimiit, mukoo tiqitir tsatmit ku hhohhoemiis, mukoo' xamaa' i axamiis, tu'u ki waasloo/otimiis nire male slafiya, narkuuse ka ya/abto'r hho' i alki/iit. ²³ Nee hee' haratlintaao'r dir'ee' nga mayka as tlehhmii'ii'ee' kwa tsuu'nq. ²⁴ Aluu mukda taa ya/aao nee Yohani tawa kii/ amo'r Yohani, Yesu kaa'ngw Yohani ooin dir boo/eedoo' muu, ngire ba'y, "Tawa tleere' baraa' sla/a gar taa qaytsuu' ee're' aa mila, aa gitsooda'e tur'a i dingitimis? ²⁵ Tawa tlee're ga'r taa qaytsuu' ee're a mila, aa hee' tlabaa hoohoo nga dahasi? Qaytsiit mukda tlabaa' waawiti'iima ngi dahamamiisa nee hotaa lehhooa inooin ta baraa' maree' waawita. ²⁶ Tawa tleere ga'r taa qaytsuu' ee're aa mila, Aa aarusmowo? Ar loo' ani a kah an kwada ur taa aarusmoba/a. ²⁷ Kwi an kwada ti kasa gooin, "Qaytsiit, ya/abuusmooee' ngu ya/aaw wa qeerahung', kwada urwar'ee ngi amohhe'ees asuma ani. ²⁸ Ani a kah, dir kwada taa laqwal nee /ameena, hee' u'r idor Yohana i kaahh, alaa hee' taa ninawe's waa lo nee ire hoot' nee Mungu' dida i dirii, ino's ku ur Yohana ba/ati. ²⁹ Muu slee'meero dinkwa nee mukda koodir ohahiim idori kawa axaa's kare alki/iit gidaaba' Mungu' aa hee' gan'amuu' koom. Tla/angw'ine i daya' kwada taa baatimiis ner baatismoo Yohana. ³⁰ Ala mu'k Frisayo nee intsahhatuuser hara'ayea'r mu'k Yahudi kwada taa baatimisiika sagaloar Mungu' ngine sii dandoo ine. ³¹ Nee mukoo' deeloori slaqsee ngur qoomees a mila? Nee ga'r ngir slaqsi'is a mila? ³² Inooin a slaqa's nee ma/ii /atsa' wa baraa' boo/aay, ta dida wa /ahakiiya tiwa waketina tawa kaahi, "Filimbi ngiwa ifahhaan asuma kuunga, nee aga /atsiika, ana hhimausaan nee kuu'nga aka /aa/i'iika. ³³ Yohanada baatimamiis niwa harda'h i mikater /ayiika nee difaa ngi wahahanka, nee kuunga tare oo'e, "Aa nee tlaamuu't." ³⁴ Garma niwa hardah i /ayiin nee i wahani nee kuunga a kata' "Qaytsiit a hheehhusmo nee i xufmamiit, muko's a mukda' koodir ohahiim nee tlakuuse. ³⁵ Ala sagalooar' Mungu' aa geehhoou'r ar gidaaba' i gan'amko koo'n dir na/awo's slee'meero. ³⁶ Hee' wa'k oo Farisayo Yesu nguna firin as tawa /aymaa'r ay dir doos dinkwa nee ino's. Aluu Yesu iwa da'h baraa' doo' heedadoo' Farisayo, ire iwiit as tawa /ayiin. ³⁷ /Ameenirka wa'k ar baraa' gixsada' ar tlakuuso'o i deer. nguwa axa's nee nguwa tsa'hh iwa baraa' doo' heedadoo Farisayo chupiito'odar di/itaa' mooyangw ngina hu'p. ³⁸ Ire sihhiit dir aluu' Yesu dir bahhii ya'awo's amorihe i ngire fitsit ner se'eengw sago's nee ya'aa Yesu ngire ma'amis nee ngire slikiit ner mooyaangw. ³⁹ Heedadoo' Farisayo kwada Yesu ngwa kwahhas idoda ngiwa ar ire baraa' munawo's i oo' "Heewi barta kaahi an aaruusmo, geera nga tsaahh idor tar ma'a nee a /ameenir idola ar ng'u kwatimiit, asuma ino's a tlakuuso'o. ⁴⁰ Yesu ire axwees ire oo' "Simoni ga'r ni diro'k i ooar wa slaa ideer, Ngure ba'y, "Intsahhatusmo ooang." ⁴¹ Yesu ire oo' "Tlatuuserka tsa'r ideer peesa kana lee'hh dir hee wa'k. Hee' wa'k ku tlatuus shiliingi tsiire koan nee oo tsa'r ku tlatuus siliingi mbeeri koan. ⁴² Inooin ngiwa harslaqatii bu'utuwo ngire gurtla'y slee'meero. Hee hindi dir mukwi tsare haee' a slaa waalo' a ma'aa? ⁴³ Simoni ire oo' "Anga/aw a kwada taa gurtlay waalo." Yesu ire oo' "Agaa kwasleemiit ner ido'r ganaa'." ⁴⁴ Yesu ire warqay amo'r /ameenida nee Simoni ngure ba'y, "/Ameeniri a ge/eera. Ani ana da'h baraa' do'wo'k, me'ee ya'aaee' nga' hariisika, ala ti ya'aaee' ngina naa/a's ner hhirhheeriwo's nee ngire fits ner Se'eengw sago's. ⁴⁵ Kuung ani iga ma'asika, ala inos iimir iwa dat baraa' do ya'aaee' gaa baloo meerika ma'aasaro. ⁴⁶ Kuung ya'aaee' iga imbalaxka' di/ito, ala ino's ya'aaee' ngina imbalaxa ner mooyaangw. ⁴⁷ Gawaa' idoorihe, ani kuung un baw /ameeniri tlakweenaa' yariir ngi koon nee kaa gurtlay waalo' nee sleeme kaa slaa' waalo'. Ala kwad gurtlemu' ninaw ngwa slay, sla'aaros kaa ninaw. ⁴⁸ Aluuwo /ameenia ngire ba'y, "Tlakweemawok kaa gurtlay." ⁴⁹ Mu'kda taa iwiit dir moroo' /ayma dinkwa nee ino's tare kiloin axwee's ta kaahi, "Mosowi oo kila a ma'aa' tam iwa tlakweemaa' gurtlatlay?" ⁵⁰ Nee Yesu /ameenda ngire ba'y, "Haratlintaaoro'k iga ba/aamiis, tlaw ner wayda.