¹ Qomarka baraa' sabato Yesu iwa wararahhi ar baraa' tla/angw qamor balangw nee eharuseros nqiuta kana buu karematook baraa' dabain ngire /aayii. ² Alo mu'k Farisayo bahha alero tana oo ihi a mila gar ta tlehhiita bare a gar qoomata balor sabaatoro? ³ Yesu ngina bay aga somusiike idoda Daudi a tleehh iwa qwariti ino's nee hhawateda dinkwa nee ino's? ⁴ Ina amor baraa' do Mungu' kay nee mikateda hhoohhoo ngina tataahh ngire /aay ngire bahh hanis dir mukda nee ino's ti koma kawa /ay toda dir ine harimaaka aqo dir makuhani kilo's. ⁵ Alo ngire ba'y garmaahee an Aako sabaato. ⁶ Balor hatla ar sabaato ina dah baraa' do salongw nee muu ngure intsahhatimiis waamoda heeko i der dako's o /iyay a so/oot. ⁷ Gouuse nee mu'k Farisayo nguna ga/aye ar qeeru gidaaba' iso hee nguhungu/uusi balor sabaato as kahho gidabar kus sakwaslemuut kawa slay as dakusar a tleehh. ⁸ Ala ngi xuu' gar ta hhasliti baraa' ine heeda dakos a sol'oot ngure ba'y sihhiit diiri baraa' tlaangw muu heeda ina tlay ire slhhiit dida. ⁹ Yesu ngina ba'y ani kuunga tunu yahaas i qoonda balor sabaatoro gar hhoo tlehharo laqaa ar tlaakw slafingw hee kuwa ba/amisi la kuwa hhitin? Alo ngina i qaytsiit slee'meero nee heeda ngure bay. ¹⁰ Dakok tumu'uuseek idosi ngina tleehh nee dakos kwa qaro hho'ees. ¹¹ Ala inooin nina qihhiimiitiye munenero tay kiloin i axweesiye dando kilabau gar harimu Yesu kwitlehhi. ¹² Baraa' delosiye Yesu ina gawaa' tlomaa kay as iwa firor ay ina kumiit amsi slee'meero Mungu' firoro. ¹³ Matlatlero eharuusero's ngire /akaa nee oo miba nee tsa'r ngire wagwer baraa' tla/angwi'n wa alero sleeme an kwada a ba'y, "Ya/abuuse." ¹⁴ Umeer ya/abuuseda a koka simu (kwada a ba'y sleeme Petro) nee hhiyaawo's Andrea, Yakobo, Yohani, Filipo, Bartolomayo. ¹⁵ Matayo, Tomaso, nee Yakobo garmaa Alfayo, Simonida ta ba'y Selote. ¹⁶ Yuda qarma Yakobo nee Yuda Iskariote an kwada Yesu ngwaa slii/. ¹⁷ Aluwo Yesu nina/eet dinkwa nee inooin awa gawaa' tlooma iree sihhit baraa' tlapa awa yarir baraa' eharuserose i amoda diri'i ya dinkwa nee mu'k yariir oo Uyahudir daah nee Yerusalemu nee Afee tlawi amo'r Tiro nee Sidoni. ¹⁸ Nguna iar i qasar aye nee tiqtir in kana hhoemiis neee kwada ta dawiitimisi nee Netlaame ngire ho'eemiis sleeme. ¹⁹ Umoo hee baraa' bo/aydae nguna slaa kwatitaro asma /uruu hho'eemis in barawo's daahh nee ngina hhoeemis slee'meero. ²⁰ Aluwo eharuuseeros ngire i qatsiit nee ire oo tuna tsuuq kuunga kwisiiya oo nar kuse asma wawiti'iimar Mungu' a tohuung. ²¹ Tuna tsuuqw kuunga kwisi qwariita hindi asma tunuaxiis tuna tsuuqw kuunga kwisiya /a/amima hindi asma aqasenda. ²² Tuna tsuuqw kuunga kwisi ta waki nee tuna parati nee tunuwa qaseesen gidaaba' kuunga a tlakuse as garmaa hee. ²³ Qwalaala/e baraa' delosiye nee ta baraa/a ar qwala/ asma loemawo bu'uutuhung ku lowaauri gawaa' dawriwo asma idosi a idoda baabi'ii'in na tlehhiye dir aaruuse. ²⁴ Ala ariyanhung kuunga kwisiiya oo daqare asma gurkwa/asurhung aga qaroo slere. ²⁵ Ariyahung kuunga kwisi ta aaxe hindi asma a qwarita aluwo, ariyarhung kuunga kwisi qasesema hindi, asma a wa/a/usa te /a/aaminda aluwo. ²⁶ Ariyarhung burtuna kirfemiis nee muu sleeme asma babi'iin idosi ngina tlehhitiye dir aruser lama. ²⁷ Ala kuunga kwisiya aning iar i qamiima tlakuserhung sla'aak nee ho'eema tlehhitaak dir kwoda tunuahhita. ²⁸ Hhoeema tlehhitaak dir kwada kuunga tunuafufuwa kwada tunubara manusa alefiri'rima'k. ²⁹ Kwada tlaqarmuwak ngwa taahh oo tsar ti warqees bar her inqwarir ok nga hayo shati haniise sleeme. ³⁰ Hee a qofirini qaweek bar hee garok nga hayo, mfirimar ngiwa ki/iisi. ³¹ Idoda ta slaa muu ngiwa tlehhi dirhung kuunga idosir kila na tlehhaak dir' in sleeme. ³² Abar mu'k ta slaah a kwoda kuunga tunu slaa kilas, qartardimbay a mila kuunga? Asma tam mukda oo iringuse sleeme mu'k inooin ngi slaa ngu sla'iia sleeme. ³³ Abar hhoa aga tlehhe dir kwada kuunga tunu hhoar i tlehhita gar ta taqande a mila? Asma tam iringuse aqo idosi ngin tlahhit. ³⁴ Abar mu'k ta qeqeera kir kimero a kwada kuunga ta harafadita gidaaba' ngi ki/iisiya, daqite ar dimbay ta laqando a mila? Ta'm mu'k iriguse aqo idosi ngin tlehhitiya sleeme as tisir kila kawa ki/iisi. ³⁵ Ala tlakuserhung sla'aak ar hho' ti tlehhite kirkitimisa nee ki/isa ma gurhamara, nee qemuhung ku lowa Ur A na/aa kwada qawti dirii tlehhita, asma inos oo kila ku hhoo' dir kwoda na'aasar koma'aaka nee lakusero. ³⁶ Gurtlemu komaak idor babohung ir gurtlemu kon. ³⁷ Muu msakwaslemutara kuunga tunusakwaslemutika, malu'umisara kuunga tunulu'usika oo hatla gurtlawaak, kuunga tunugurtlay. ³⁸ Qaqawaak, oo hatla, kuunga tunuq qemuu kurhhoa artaharsiis kure saxw kure /umama ire ku'uut ire ku'uut gawaa' gurengeihung asma qomeda tar qomemesa an qomesi o kila kungun kuungr qomees. ³⁹ Alo ngina slaqasay ba'y sleeme' xay hee tampa hee hatla oo tampa ngu aleslaya gerharto? Gerho bar idosi nga tlehh, daqate sleeme na pahhiiye baraa' bohonto xay ii pahhiya Aake? ⁴⁰ Hee ta intsahhatimisi ku ureka dir kwada ngu intsahhatimisa, ala umo hee burkwa intsahhatiisa hhe'eesa ar idor ganaa' alo a idor intsahhatusmowo's. ⁴¹ Nee a mila mas susurir baraa' ilta hhiyawo'k an ga/eer ala waqaasir baraa' iltok a (tsatsahhandaka) ge/eraka. ⁴² Idor hhiyawoo'k kur alesler bemuwoo hhiya ufiririim, susurisi ngiwa henge baraa' iltoge nee kuung wanqasi baraa' iltofe a ge/eeraka? Hhahhafusumo kuung waqasisi baraa' iltog hengeseek daqate a ara hhe'ees susurir baraa' ilta hhiyawo''k. ⁴³ Asuma ii kaahh xaano hhoo oo /amuu tlakw, ngu laqwaal, laqa xa'ano tlaakw oo /amuu' hho ngu laqwaal. ⁴⁴ Asuma umoo xa'anowo gax kur tsahh a /aamuwo's asma muu /atsi ka bu'naka wa baraa' laqaya sleeme sabibu ku bu'uka' wa baraa' laqaya. ⁴⁵ Hee hhoo' baraa' qasida hhoo ar munawose gar i duxuti ar hho nee hee tlaakw bana qasida tlaakw ar munawose ar duxuti ar tlakw, asma afkos ariaxweesi a toda munawo's ngwa hatsiis. ⁴⁶ Ihii a mila ani mis babera Aako aako nee toda ni o iim a tlehhita'aaka? ⁴⁷ Umoo hee na amor' ee kay nee axwentae nga axaas ngire tleehh ngu laqaam idor i diri'ii. ⁴⁸ A slaqamiis nee hee do'oos ngwa tleehh ngure fola hhe'ees baray nee mapariros ngina fool gawaa' dando mari'ir ur wa/eeri nina wa/iiye ma'ayo doda kure hatsiis ala kwa dingitisika asma kwa tlehhamo qomees. ⁴⁹ Ala umoo hee /aymue ngwa axaas ngure sii slaqasewoo's a heed do ngwa tlehhe dando hhape mapari nga foolika yae niwaawa/ ner /uru doda ina gwagwa'an ir fingala/amiit wa lo.