¹ Qooma nina xee'r muu Yesu kuwa i burumburiit nee ngure harweer as /aymuu Mungu' nguwa ian amina qoomar iwa sihhiimiti afkoo tlawta Genezareti. ² Malaalama tsa'r ngina ar afkoo ttlawi ka sihhiitis mukda samakir ohiim ta ti'iit ii baratsufay in hamtliitiya. ³ Yesu ire da'h baraa malaalimoo wa'k, nee malaalimoosi oo Simoni nee ngure firin nguwa huuwi baraa' ma'aay dir alge saaw nee yaamu kahaar alo ire iwiit ire intsahhatimiis awa baraa' malaalimo. ⁴ Axweento iwa hhe'ees Simoni ngure ba'y Malaalimowo'k huuwe ay tla/aangw tlawi baratsufeewok ku /eetis baraa' tlawi as samaki kawa ohiinda'. ⁵ Simoni ina oo Aako gadiye ana tlehhitaan Amsi sleeme gar naoohaan, ii kahh as oarok ok tisiye baratsufa'y uu /eetiis. ⁶ Idosi ngiwa /isiiye samakir yarir kana burumbur nee baratsufa'y tsatmiit ngure /asiin. ⁷ Alo mukda algadumamisa nee inooin kire tsanguus ar dawa kwada baraa' malaalimoo' hatsa ii diriia' as kiwa ale/iisi nire xaaye malaalima slee'meero ngire dala/ane ire alo /e/etiine baraa' ma'aay. ⁸ Alo Simon Petro idoda ngiwa ar ire hhu dir ya'aa Yesu ire oo' dir'eene tlaaw asma ani a hee iri ngusmo. ⁹ Asuma ino's nee mukda dinkwar i diriia tana wa/oo/ as samakida ta oohiin. ¹⁰ Idoori sleeme Yakobo nee Yohani Daqe Zebedayo ngina haraga's kwada nee Simon algadiyumamisa. Nee Yesu nguna ba'y ma daimitar imiir hindi wa tlemu kuung muu nguna huwahup amo'r ee. ¹¹ Malaalimain kingiwaahuuw amor yaamu kahaar moroo slee'meero kure gexay Yesu kure digir deel. ¹² Iwaa baraa' gixsarka wak i dirii heeko a haa'ts tiqtir tsatmiituwo i amodda i dirii qomar Yesu nguwa ar ina huu getse/awo's ngire mahhatiis ee yaamu nee ngure firiin iwa kaahi Aako bar kuung a sla' i alesler iwa hhohhoe's. ¹³ Alo Yesu dako's nguna tumu'uus ngure kwatiit ire oo a slaa hoohoouuw nee aqo qomaasir kila tiqitiidar tsatimiit ngura gemeer. ¹⁴ Nguna ba'y tisi ma oo'ar dir heewo ala nguna ba'y tlaatlaw ti laqaand dir gerharuser salingw (Makuhani) nee ilahhoar hhohhoesar ak duxeek idoda Musa haraa'aya ngar hamis as lamabu'uung dir une. ¹⁵ Kangw dandowo's ire diyaya/aat ay amo'r saw wa lo boo/ay yariir oo muu nire harda amoroos i alero intsahhasaros kawa iar ii qaasi nee tiqitiriin kawa hungu/uusi. ¹⁶ Umoo qooma'r tin partliit as iwa firoor ay. ¹⁷ Balor wa'k baraa' delor intsahhasarrose mu'k Farisayo nee intsahhatuser haraa'aya, ta iwiit disi oo na hardahi oo amor gixsadu yariir dahha oo baraa' Galilaya, nee Yudea nee sleeme oo baraa' gixsar Yerusalemu dahha' /uruu Aako ii dinkwa nee ino's ire hhoemiis. ¹⁸ Mukko nina harda hee tiqitir solomiit ngwa gagariye ar hhafti pa/aangw kur dahaasi geera Yesu ngure lelehhiye. ¹⁹ Pa/angw ngwa slayi'iika oo kur dahasi asma boo/ay, alo tana tsa/aan gawaa' dando do' kure aweriis ar pa/angw dir geera kila Yesu. ²⁰ Yesu haratlintaor'iin ngiwa ar ina oo hhiya iringero'k ka gurtlay. ²¹ Gouusee nee muk Farisayo te yahasiye kiloin ale ta kahi kwi aa maa' Mungu' /os/is/iim? A ma'aa oo iringe gurtlemuwo' ngi aleslaw aqo har Mungu' kiloseeke? ²² Ala asma Yesu ngiwa tsahha ar hhaslitiya bara ine ngiwa ba'y ihii aa mila mas idosi kate baraa' mungemahunge? ²³ Gar inslahh oaro' a gala iringeroka gurtlay laqa gidaaba' sihhiit hi'iit? ²⁴ Ala xuaak gidaaba' garma hee idor aleslemu ngur kon baraa yaamuwo oo iringe gurtlemu, an kuung u babaw tlaw hhaflirok gagaareek watl amor do'ok. ²⁵ Qoomasir kila ire geraain wa sihhiit nee hhatliro's ngire gagar toda ai qaat gerho alo ire kii/i amor do'os ii Mungu xirfemiis. ²⁶ Umoo hee ina waa/oo/ nee Mungu' kure xirfemiis da'aayeeer yariir ngire eer ta kahi bilii kangw wa/o/aamo uga araa'n. ²⁷ Aluu kangwsi iwa ti'iit Yesu ina tlay amosiye nee ohumusmo kodi nguna ar oo ta ba'y lawi a iwiit dir kodi ngiwa burumburin nguna ba'y digidelang. ²⁸ Idosiye lawi ina sihiiti Yesu ngure digindel umo garo ngina geexa'y alu. ²⁹ Aloo Lawi moro/amar yariir nguna tlehh asma Yesu dir do'os wa alero nee ohumuuser yariir ar koodi ne mu'k hatla oo ta al /ayiin nee inooin dinkwa. ³⁰ Aloo hhe'ee muk Farisayo nee gouse inooin Eharuuse kareiqumuu/ kibabay mas al/aynda nee mas wahaanda nee ohumuser koodi nee mu'k hatla oo iringuse? ³¹ Yesu ngina ba'y mu'k slaqoo hho qwaslarumo ngu lelehhitiaka aqo koda mamaa/a an muk ngu lelehhiit. ³² Naxawiika as mu'k gana nguwa /akaa iwa hho'iina ala as iringuse tawa hho'uun. ³³ Kuna ba'y eharuuser Yohani qomar yaride in tsegagina nee infiririna nee eharuuser Farisayo sleeme aqo idosi kan tlehhiit hhe'ee eharuusero'k bere in /ayiin nee in wahaa'n. ³⁴ Yesu ina oo ii ya/amta hee mu'k naa baraka sikukuu duuxo ka'y nguwa ila/i /aymar iwagwawiina qoomar bart dinkwa nee Aako duuxo? ³⁵ Ala balo ni xeer oomar Aako duuxo kuwa hengeesi dir ine Daqate baraa' delosiiye in gwaawina. ³⁶ Aluwoo Yesu ina axwees amo'r inale slaqsaay. Hee i kaahh o inqwari /aven ndi fehhiis warqamooda ngure waraaqa ar inwarir gareen bar idosi nga tlehhe ingwarir /aben ngi fehhiis, nee waragamo inqwarir /aben nee inqwarir qareen ti sla'y Aako. ³⁷ Hee i kaahh o difai/aben ngi qaasi baraa' tlakwii qaren, bar idosi nga tleehh difair /aben tlakwiisi ngi fehhamis nee difai ire ku'uut nee tlakwisiye ire hhiturumitiiya. ³⁸ Ala difai /aben dir iwa hariin qasaro a baraa' tlakwi'ii /aben. ³⁹ Nee hee i kaahh alu difai hamaat bir nga hhe'ees wahato ire mar ila tleruus amo'r toda /aben asma i kahi ar hamat in lo wa tsu'.