¹ Aluwo Yesu iwahaatsii Qeeru hoohhooe nina kii/ amo'r yaa'er Yordani wa alero, kunagerhaar nee Qeeru wa baraa' yamui duruq. ² Har delor' mebeeri tsiya'hh nee amodae kuna iaara'ar nee netlaangw, qomasiye gara /aa'y i kahh nee alhhe'eesewo ina qwariit. ³ Kunaba'y nee Netlaangw "Bar' kuung garma Mungu' tla'/anowi baweek moroo/ayma tleehhiit." ⁴ Yesu ina oo, "Kaa gooin hee' ihotiika ner moroo/aymaa' kilo's. ⁵ Aluwo kuna gerhaar nee Netlaangw ay gawaa' tsinita tloma, nguree' wawiitima sleeme ilaqan ar dando yaamu ner qomar nina kilo's. ⁶ Netlaangw ire oo' baal slee'meero ngi hariis ar wawiitimari slee'meero kawa sawawiti'iin nee xirfoowose. Idosii a aleesla'w tleehharo asma slee'meero kinga dir' ee i sayin ngiwa baal, nee aleesla'w ngiwa haniis dir hee' haniisaro ongir slaa'. ⁷ Gawaa' idosiye bar iga igurengeriit nee ire ilaiwa/ameeri tleehh moroowi slee'meero ngu hariis tawa ko'g. ⁸ Alo Yesu ire oo' Aniakah ka gooin Munguwo'k ilaiwaa/ee'k nee ino's sagadiyuuse'k. ⁹ Aluwo netlaangw nguna gerhar ay Yerusalemu ngure tsa/aa's didar gawaa' wa lo' ar doo slingw ngure ba'y bar kuung a garmaa Mungu' ti kwahh yaamu i ale wa imiir dirii. ¹⁰ Asma ka gooin malaykaero's ngi adba'y uwaa'amoohhe'eesiya' nee uwaa xu'na. ¹¹ Nee u gawtioohhiya ner dabaa'in as gidaaba' ya'awo'k kiwa slehhe'eesaaka gawaa' dandoo' tlaa/a. ¹² Yesu ire oo,' "ka oo' Aako Munguwo'k mu iaraa'r." ¹³ Netlaangw iwa hhe'ees Yesu iara'aduwo ire tlay ngure geexay ay qooma'r hatla'. ¹⁴ Aluwo Yesu ire kii/ Galilaya ner /uruu' Qeeru, nee kangw dandowo's umoo' diro kure axa'as baraa' ayeemoo' inslaweeda slee'meero. ¹⁵ Ina intsahhatimiis wa baraa' maree' Saalingiiw kure xirfeemiis nee umoo' hee'. ¹⁶ Balokaa wake ina Nasaretir ka'y gixsada' kuwa umiin ire ura'y. Idoda /isirko i/imamiisi ina da'hh baraa' doo saahingw balor huungu/uuma nee ina sihhiit /aymu ngure soomin. ¹⁷ Kuna kitabu arusmoo Isaya i hariis aluwo nguree' gweer nee di ngina leleehh artaagooin. ¹⁸ Qeeru Aako i gawaa' dandooe' asma ani ina di/itar imbilaax ya/abto'r hho' ngiwa alki/iit dir narkuuse, inaya/aaw as gweramor mukda ta tsegiit ngiwa ooar' aw nee kwada Tampu' xu'miisa'aaka' iwaa malle qaytsiitiya. Nee kwada ta hara/utsintsin harimar'in ngiwa slaya'. ¹⁹ Kuruuku' Aako hho'aaro's ngiwa Laqa'n nguwa oo'. ²⁰ Alo nguna tsee'g ngure ki/iis amor geraharusmoo doo' saalingw, nee ire iwiit yaamu (ilaa) mukda baraa' doo' saliingw slee'meero ino's ngure ga/aye'. ²¹ Ngina ba'y bilih gooiri ka bo/ee's baraa' ii ahuunge. ²² Umoo hee' didaae' ngina axaa's tada Yesu a oo' awa yariir baraiine ngina wa/oo/iye axwenida ar sagaloa tada ti'iimiit wa baraa' afko's. Ikahiya' kwih a garmaa Yusufuwoke? ²³ Yesu ngina ba'y loemawo tia o' aa' dir anii qwaslarmoo ti kilog hho'ee's. Umoo' ar na axaasani arta tlehhiit amorqa ar Kapernaumu tlehheek iwa diriir ayaawo'k slee'me. ²⁴ Sleeme' ngina ba'y loemaawo tunubabow ii kahh arusmoo ta yaa/aan baraa' Ayawo's oo kila'e. ²⁵ Ala ani kuung tunubabo'w loemawo' gidaaba' kwa'eeli ki yarir baraa' ayaa Israeliwo' qoma'r Eliyawo qoomar dawri kiwa tseeg tluwaay miwa tluu' kurreri tam nee slehheeri lahhoo' qoomada' qwar niwaatla'y yaamu slee'meero. ²⁶ Ala Eliya kwa ya/aawiika tam dir hee' wa'k baraa' tla/angwi'ine, ala dir kwalo'oor wa'k kilos ar a hoo't wa ayaa' sarepta isapay gixsar Sidoni. ²⁷ Sleeme mu'k tiqtir tsatimiit ku yariir baraa' ayaa Israeliwo qoma'r aruusmoo' Elishawo, ala tam oo wa'k baraaine tahhooes i kaa'hh aqo har Na'aamani hee aya Siriya. ²⁸ Muu' slee'meero baraa doo' saalingw tana qihhimiit munero tisi slee'meero kawa axaa's. ²⁹ Tana siihhit kure i tlay gono'omswo ay afeeni, kure du'ux baraa' gixsaro, nee kure huuw ay kankir tlomar gixsar'in tada ta tleehh gawaa' dando tlooma as kuwa kwahhi yaamu i alero'. ³⁰ Aluwo ino's ire tla/angw'in ar waraahh ire tla'y tam gar ngwa ee'r i ka'hh. ³¹ Aluwo ire /eet ay Kapernaumu bar gixsar Galilaya debaa wa'k ar Sabato ire intsahhatiimiis wa baraa' doo' saliingw. ³² Intsahhasaro's kana wa/oo/ asma ina intsahhatiimiis idor hee baliir koo'm. ³³ Qomasiye' baraa' doo salingo heeko netlame'r koom i deer balosiye ina uu' ar afor u'r. ³⁴ Ani nee kuu'ng gar ta kooman amila Yesu Nasareti? Tundunaqwareesa'r eeri? A xuu' kuu'ng ma'aa' kuu'ng a kwada hhoohhoo' oo' Mungu'. ³⁵ Yesu netlameeda ngina i gahhaat ngina ba'y "xasliit afa tsegeek, ti'iit baraa' heesiye'" netlameeda heeda' ngure kwa'hh yaamuu baraa' tla/angw'in wa ale inati'iit tam slahha'aamaye'r ngwa eer i ka'hh. ³⁶ Muu slee'meero tana wa/oo/ nee axweeni aqo tisi kilo's ka'n axwee's umoo' hee nee koqa i kaahiiya' axweenita idor ti an gala? Neetlamee ngini igahhamiit ner /uru nee i reti'iimiit. ³⁷ Idosiiye kangw dando Yesu ina diyaya/aa't umoo' diro baraa' ayaadae. ³⁸ Alo Yesu inatla'y baraa' gixsadae ire daa'h baraa' doo Simoni. Aayo'r hare Simon i tiq ukuriito i lo' wa sla'hha' kure hanah ngiwa hho'eesi. ³⁹ Idosiiye Yesu ngina haraasuruuk unkuriidar aayoda ngire i gahhaat ire hhooeer, ire gansler sihhiit ngire sagadiiyu's. ⁴⁰ Looa iwadaraat muu tiqtuuser umoo idooro' kana huwahuu'w amo'r Yesu, dabawo's ngire qamiin gawaa' umoo hee' mama/a ngire hho'ee's slee'meero. ⁴¹ Neetlaame sleeme' ina ti'iimiit dir mu'k yariire baraa' tla/angwine ii u'uumiin ner afor ur i ka't "kuu'ng a gamaa Mungu'!" Yesu netlaameda ngina i gahhaat nee nga aleya/aniika iwa axwe's asma ngi xu' ino's idor tar Kristo. ⁴² Qooma'r ini iwapa/ iretla'y amo'r muu iwaakahhi bo/ay muu nguna lelehhiiti ire amoro's kay' dida i diri'i ngure baye' masaweemiisa'r direne'. ⁴³ Ala ngina ba'y ii hariind sleeme' ya/abto'r hho ar wawiiti'iimar Mungu' ngiwa alki/iit baraa' gixsuudu hatla'e. Oo yaariir asma ti an gar ani tisaya/aa'w diiri. ⁴⁴ Aluwo ire kumiit ya/abto'r hho alki/tuwo' baraa' maree saliingw awa ayaa Yahudi slee'meero.