¹ Qoma'r baraa' kuruku miba nee kooan oo wawiti'iimar Kaisari, Tiberia, qomar Pontio Pilato tawa ga/awusmoo mu'k Yahudi, Herode tawa urusmo yamuu Galilaya nee Filipo hhiyawo's a urusmoo yaamuu Iturea nee Trakoniti nee Lisania a urusmoo yamuu Abilene. ² Nee qomar uruser uren ar salingw tawa Anasi nee Kayafa, /aymu Mungu' ina harda dir Yohana garma Sakaria baraa' xanxay. ³ Inahi'iimiit yaamu slee'meero yaer Yordani ngire harweer /Aymu nguna alki/iit iwa kahhi hhoi'iime tunuwabatimisi as gurtlemu kuwa slera oo iringe. ⁴ Idoda karagooin baraa' kitabu axwenta arusmo Isaya, afor hee /a/amiim wa baraa' darma uruwa'r Aako amohhe'eesak nee warhhamuwo's tlehhaak oo a tumuu'. ⁵ Umoo wa/ango (kun tiip|) hatsiis umoo tlomaro nee ge/aewo kin alqomees halbaladu a qombimiit aki tum'uu's urudu guhhuguhha'y koma kin natstse'ees. ⁶ Muu sleeme ba/amar Mungu' ka'ar. ⁷ Alo Yohana bo/ayda yariir oo muu a amoro's ka'y as ino's nguwa batisi nguna ba'y, kuunga xwayla'r amato/ir qaruku koo'm hee' tunagurubuu' munenerqa hi'iit kawa ilagoba? ⁸ /Amu laqwalaa'k oo ti kooma nee hoi'iingw' nee slamti makahara baraa' munerhunge, Ibrahimu u kooma'n ino's an babooren asma tunu babow gidaaba', Mungu aleslemu' ngu ko'n Ibrahimu nguwa na/ii i slay ta'm ner tla/uuka'. ⁹ Tso'oo ka qaroo' qaa's baraa' de/aroo' xaa'i. Idosiye umoo xa'no /amuu hho laqwalimaka' kutsat nee kure kwahh baraa' asla. ¹⁰ Aluwo muu baraa bo/aydae kunahaas kunaba'y hindi idor ta /iisan a idola? ¹¹ Ngina ba'y Bar hee tlabaa' tsar ngi kon tlawuu' wa'k ngu hanisi dir koda ngu idaa komaaka' nee hee' moroo/ayma'r koom idosir kila ngi tleehhi. ¹² Alo ahumuser koodi bahha ale nina xa'ye kiwa batisi sleeme nee nguna baye Itsahhatusumoo idor ta /isan a idola? ¹³ Ngina ba'y Pesar har qomayda kilo's hariim na ohimak ma tlahhamisara'. ¹⁴ Akari bahha'alero sleeme nguna baye' ate'n a idola Idor ta /iisan a idola? Ngina ba'y pesar hee ma /urur qwatlara nee hee' mu kwasleema'r lamti hara/untsimara bu'utuhuung ar hhe'eesa'kl ¹⁵ Ai/kwa'aari asma muu ta qwal/oo koon oo Kristo kuwa damaran kwada ni xaaw, umoo hee i baraa' munawo's i axwee's dando Yohana laqa ino's an Kristowo'. ¹⁶ Yohana ngire ba'y slee'meero ani kuunga nun batimiis ar ma'aaye ala kokoo wa'k ni hi'iit oo /uruu koo'm te aniye nee ta'm a hariimaka' himer ya/atawo's ngiwa gweer ino's kuunga nun batimiis ar qeeruu hhoohhoo ner asla. ¹⁷ Impero's i baraa' dako's as dida ngiwa hhohhoesa hhe'eesi ar bala kuwaburuqumii si nee balangw nguwa buruumbur baraa' kuntiro's. Ala munday ngun da/ ar asltla gwa'aakang. ¹⁸ Sleeme ar gurbu'uung yaariir oo hatla' muu nguna ya/bto'r hho' i alki/iit. ¹⁹ Yohana Herode nguna igahhaat wawtumoda ur as Herodia ngiwa duux hare hhiyawo's nee as moroo' slasla/are'n oo hatla Herode a tlehhiit. ²⁰ Ala aludae Herode slaslaro hatla ak ur nguna tleehh Yohana nguna tseeg baraa Tella. ²¹ Aluwo qomarka muu slee'meero kuwa batimiisi nee Yohana, Yesu sleeme kuna batiis qomar iwafiriirin dawri nina qwriitye. ²² Qeeruu hhoohhoo ina /eet gawawo's i ale ner slaqsay slaqwa idor tlawi, qomasir kila afo nina dawriwa ilawats ikaat kuung a garmaae oo sla'a rusmo' oo ani sla'atimiis wa lo'. ²³ Alkwa'ariko Yesu ino's oo kila intsahhatisa ngiwa imu/uun kureriwo's a mibeeri ta'm muu kuwa xui a garmaa' Yusufu, garmaa' Eli. ²⁴ Garmaa' matati garmaa Laawi garmaa' Melki garmaa' yana garmaa Yusufu. ²⁵ Garma Mataria garmaa' Amosi, garmaa' Nahumu garmaa' Esli garmaa' Nagai. ²⁶ Garmaa' ma'ti armaa' Matatisa, Garmaa' semeiri garmaa' Yusufu gamaa Yuda. ²⁷ Garmaa' Yoanani garmaa' Resa, garmaa' Serubabelu garmaa' Sheatlieli garmaa Neri. ²⁸ Garmaa' melki, gamaa' Adi, garmaa' kosamu garmaa Elimadamu garmaa Eri. ²⁹ Garmaa' Yoshua garmaa' Elieseri garmaa' yorimu garmaa' matati garmaa' Laawi. ³⁰ Garmaa' Simeoni garmaa' Yuda grmaa' Yusufu garmaa' Yonanu, qarmaa Eliyakimu. ³¹ Garmaa' melea, garmaa' mena, garmaa' matata garmaa' Natani garma Daudi. ³² Garmaa' Yese, garmaa' Obedi, garmaa' Boasi garmaa' salmoni garmaa' Nashoni. ³³ Garmaa' Abinadabu, garmaa' Aramu, garmaa' Hesroni, Gamaa' Peresi garmaa' Yuda. ³⁴ Garmaa' Yakobo garmaa' Isaka garmaa' Ibrahimu garmaa' Tera, gramaa' Nahori. ³⁵ Garmaa' Serugi garmaa' Ragau garmaa' Pelegi garmaa' Eberi, garmaa' Sala. ³⁶ Garmaa' Kenani garmaa' Arfaksadi, Garmaa' Shemu, garmaa' Nuru, garmaa' Lameki. ³⁷ Garmaaa' Metusela, garmaa' Henoko, garmaa' Yaredi gramaa' Mahalaleli garmaa' Kenina. ³⁸ Garmaa' Enoshi garmaa' Seti, garmaa' Adamu garmaa' Mungu'.