¹ Yesu iwaqaytsit hhawateda oo daqare ngina ar iwa ilahhoar duxutiya baraa' xoslumoo i ale. ² Nee /ameenirka ar kwa/oo ar narkuto'o ngina ar ppesay tsar duxut. ³ Idodihe ire oo loemawo tunun babawu /ameeniri ar narkutoo ilahhoa ngina ak dux ta muk hatla sleemeero ba/a. ⁴ Koka sleemeero gar a duxii a moroda a harawarahh baraa ta konang ala /ameniri ar kwalo tam baraa' narkowose toda ninaw kono sleemeero ngina dux. ⁵ Qoomar kwada oo hatla iwa axweesiya as dando doo slingw as idoda kara porotuus ner tla/e hhohho nee ilahhoa ina oo. ⁶ Gawaa' dando morowi ta ge/eer bolo ni xeer ar tam tla/ano wak ku metisikan gawaa' doo asma kin fe/ sleemeero. ⁷ Gawaa idoorihe ngure yahasii itsahhatusumo morowi daqala i tlehharuti? Nee slaqasay ta araan a gala afiqomar morwi birna tsewuy? ⁸ Yesu ina oo ti harmagahhe ar geaaba butunuwa al/ay asma oo yarir nin xaya ner umoee iwa kahiya ana kwada qoma naa tsewur mi dagidelara. ⁹ Idogo kangw slaqwara ubura axaser ma daimitara asma morowi in ger tlehhit alhhe'eseda i tsewa hardahika. ¹⁰ Ire oo Aya nee koqa ti difiya nee wawitiima nee toqa tire difiya. ¹¹ Nee kunselay oo ure'n nee qwari nee tiqitemo hatla i baraa yamu dimba dimbay nee moro dae tlaq ni ti'imit nee moro dae tlaq i gawaa' dawri wa ti'iit. ¹² Ala qomar morosi niwa ti'iitikan kunga nu dabain i qasiya ar tunuwa slahhe'emisi ar tunu wa hubina baraa' sinagogi baraa' jela dir geera wawita nee dir geera mu'k aleslemu koom asma umoee. ¹³ Tii dirhunge (uruu ta lambuunghing kung na kunagwer. ¹⁴ Gawaa idoorihe baraa munemohunge tsawa rala moro ta xwesa kuwa tsewa amohhe'esa'akan. ¹⁵ Asma /aymeeri sagaloa ngi haniis kwada wakuser hing alesi'imawo alesleraka. ¹⁶ Alami tunun sii nee xwayliterhung hhaehung tlahhayhing mulqerhung muu bahhale ngu tsu/uya. ¹⁷ Tunun sii nee umo hee asma umoee. ¹⁸ Ala tam se'emir wak ar baraa sagerhung ar qwar i kahh ¹⁹ Baraa qitlohunge muner hung a ba/amisa. ²⁰ Abara a ande Yerusalemu ka harwer nee askari xuak hhiturutaros a hardat. ²¹ Disihe kwada oo baraa Yudea i ti'ine gawaa tlomii nee kwada oo baraa tla/angw gixisa i tlaye nee kwada oo baraa kijiji mi gemawara iwa dahiya baraa' gixisa. ²² Asma qomari a qomar muhay bu'uungw as kahho moroda sleemeero ta goin iwa bo/i sleemeero. ²³ /a/ee i dir kwad tsihawe nee dir /amenar nunu'umis baraa delosihe asma slahha amayer ur ni xeer gawaa dando yaamu nee slahhemuso ur gawaa mukuwihe. ²⁴ Kina pahhas ner panga nee kire ar talay baraa ayema hatla nee Yerusalemu kare kala/an nee miwa ayemo hatla ay dir qomada ar xordu ire bo/. ²⁵ Slaqasay ku ar gawaa loa slehhengw nee tsetse/ nee gawaa dando yamu slahhaye i deer dir mu'k xordu asma iwa diqe tsatmitiya as xorotlor tlawi nee ar bintlar tlawi muu bahhale tan slapimiit as moroo ti'imit baraa dando yamuwo. ²⁶ Muu bahhale tan slapimiit aas moro ti'imit baraa dando yamuwo asma /uru yamu ku dinkitiis. ²⁷ Aluwo garma hee ku ar baraa' tlafo i ale iwa /ee/eetin neer /uuru nee xirdo ur. ²⁸ Ala morowi qomar bira imu/un ti'imitowo ta sihhita sager tlesag asma ba/amar hung na tsewur. ²⁹ Yesu ngire idabay ner slaqasay kunga ti'ita i qaytak nee xai hatlae sleemeero. harma/ita duxut ka tsahha ilohung ale gidaaba ageng a faak. ³⁰ Iwa harma/ita duxut ka tsahha kilohung ale gidaaba ageng a faak. ³¹ Idoorir kila morowi ubura ande naa ti'iit kunga tsahhak ar gidaaba wawiti'imar Mungu na tsewur. ³² Loemawo nun babaw qariti i warahhakan morowi sleemeero i boo/. ³³ Dawri nee yamu i warahhiya ala /aymuee i balo warahhika. ³⁴ Ala ti kilohung i qaytsite as kahho munerhung makawa al ilouy nee slasla/aru onitime nee dawitamer hota yamuka. ³⁵ Idor tsaxweli asma i gawaa umo hee kwada hot wa gawaa dando yamuka. ³⁶ nee ti amohhe'eese umo qo siwaro firime ar gidaaba ar tuna wa gawden asma morowi sleemeero kuwa harba/aa kwada ti'iit nee sihhitanor dir geera garma hee ³⁷ Nee qomar tlatla/ango in i tsahhatimiis wira baraa' Hekalu nee amsiwo in ti'imit afeni neefiror ay gawaa' tlomada ta bay Mseituni. ³⁸ Nee matlatleda bo/ee kun harati'iit ar kuwa axamiso ay baraa' Hekalu.