¹ Boloo deelor qwala/ ar mukaleeda omkete ta mamahaasi ikang nee hardat, tada ta baabay pasaka. ² Geeraaharuuser saalingw muk Yahudi idor Yesu kur gaasi asma mu kuna da'aayut. ³ Neetlaangw ina dah hee wak baraa Yuda Iskariyote alaxwee's baraa eharuuseeda mibaa nee tsar. ⁴ Yuda ina daqay axweesani ngina ay na uruuser geeraharauser saalingw nee uruuse idor ngur hariisi Yesu diriin. ⁵ Tana qwalaa/ naa tare ya/an hela harisaro. ⁶ Ino's ina ya/an na idoo ngina leeleehh pa/angw ngur haris Yesu dirin qoomar muu kuwa saaw. ⁷ Bolor deelor mukate ta mamahhasikang in a hardat na boloosihe agar sla'amuu be/eir pasaka kawa duuxi. ⁸ Yesu Petro nee Yohani nginaya/aaw ina oo tlawse moroo /ayma qomesar'awak oo pasaka daqate bir'naxawan nguwa/ayan. ⁹ Nguna yahasi a diila dir ta slaa disi ngiwa tleehhaan. ¹⁰ Axweesani ngina kilis qoomar baraa date baraa gixsa hhawatoo siriir gagaariim ar ma'aay tidoga nee kuunga digir deelaak ay dir doo idahii. ¹¹ Daqate Aako do ku idaabeta intsahhatusmo i mola dir dahaye dida pasaka ngiwa/ayan naee itsaahhatuusor'e? ¹² Ngi laqaan ikaahi gawaa tada aqar bu'ut. Ti-amoohhe'eese wa baraesi. ¹³ Aluuwo ina daqaye na tawa harda umoo umo gaaro aqo doda ngar oo. Aluwo fa/ar pasaka ngina qomeesi. ¹⁴ Qoomar awa hardat ina iwiiti na eharuuseeda. ¹⁵ Aluuwo ngina idabay, "Anaa qwala/o ur o deelors qwela/ ar opasaka ne kuunga qomar ani niwa-kuhhatiit slahhaeemi sowo. ¹⁶ Asma slaqsaywi tundu babaw umale /ayaka ay dir kui boo/eesi wa bara waawuti'iimar Mungu. ¹⁷ Aluuwo Yesu xooslmoo wahatangw nguna tatahh na qomar iwa slufumisi ina oo tatahhak ti nee qasisaak kunga kilohung slaqasagwi. ¹⁸ Asma tundu babaw ubo/oo wahakang /aamu sabibu ay dir waawuti'iimar Mungu ni i xer. ¹⁹ Aluuwo mukatmwoda nguna tataahh naa qoomar iwa slufumis nguna parahhas na nguna hariis ina oo ti dwox a slaqwatee'e tada ta duxu asma kuunga. Idoori /isak asma ani iwa inslaasleera. ²⁰ Xooslumoodoo warhaangw nguna tataahh qoomar fa/ar amsi ina oo xooslmoo wahangw oo alqador /aben baraa tserereene, tada a kuut asma kuunga. ²¹ Ala xuumise kwada ani aaski/i dir wa'k idiriian. ²² Slaqas hinti na/e Adamu Loeemawo in tlay idori doda kara wagweer. Ala kangos kwada qawaawose na/e Adamu kwa askii/! ²³ Tina idirii'ii yahamiso owo inooin kiloin gidaaba ama adir inooine hee gar dor ti ngi tleehh. ²⁴ Aluuwo tlanka nina tiit watla/arewin gidaaba kwada ta ilaqamin gidaaba ahee urdir muu sleemero. ²⁵ Ngina idabay waawitoo xoordu a ma'a a baaluuse na mukda ure kooma gawaine kin/akaka gidaaba xirfuuse. ²⁶ Ala ka slaikang lo wa ale idosi dirhunge idoosi maweh kwada ange ur tla/ahungea idor hee , na kwada geera ganaamu koom a idor gaduyusumo. ²⁷ Asma a gala hee oo ur a kwada iwiti gawa/ehhi Laqaa Pehhi? Na ani sleeme akahhatiti tla/ahung i ale a gadiyuus. ²⁸ Ala kuunga an kwada koomita na ani baraa iaraarohunge. ²⁹ Tundu qaw kuunga waawuti'iimaro idori doda ani baba a waawuti'iimangarhariis, ³⁰ Daqate gidaaba /ayma nee wahaang kawa sleera wa baraa waawuti'iimaree kiwa salawasileemuta , na tare iwita baraa kileeriidoo waawutiimaree nee tlahhe ii nee tsar oo Israeli. ³¹ Simoni, Simoni, xue gidaaba Neetlaangw ngina firini daqate tundu buruqumis wa idor a ngano. ³² Ala ani kuung awaaletiriim gidaaba haratlintaorok maka ba/. Qoomar birna kil hhaeqwok muko ki /muruu i qaas. ³³ Petro nguna idabay Aako ani akaya/aam tawa tlawan nakuung baraa' doo segimis tam baraa gwaara. ³⁴ Yesu ire oo un'babaw Petro kokumo iwaa uu bili ani kuung satlank sagawamara tam gidaaba i xuaka. ³⁵ Aluuwo Yesu ngina yaas gidaaba qoomar tundu wa yalaaw peera iwa kahh laqaa tlakwamu ya/ata, aluuwo dir hunge?Gar a /aaruuri deero Tana oo, "Ikahh. ³⁶ Aluuwo ngina idabay hinti aluuwo umoo heewo tlakwee kooma ngu huuwi dir wak nee kikapu moroo/ayma kwada upangar tlawuwos nguwa werisi ngiwa tlaxwi dir wak. ³⁷ Asma tundu babaw tada sleeme ta gooin asma ani ina naka boo/eesaro kwan harafaar dirhura nee tlakuuse, na kunao tlay asma tada. ³⁸ Aluuwo tana oo Aako, qaytsit! Pangaduu tsa'r ikoka diri na ngina idabay, "A idoo". ³⁹ Qoomar falar amsi iwa kahhatit Yesu ire tlay aqo doda /iimamisi umoo qoomar ire daqaye ay tloomar miseituni nae ehharuserose nguna digir deel. ⁴⁰ Qoomar tawa hardah ngina bay firiime gidaaba ma dahara baraa iwa ar. ⁴¹ Ina tlay dir saw nae inooin ido'r kwahhata tla/ano ina guruunguree iit ina/ firin. ⁴² Ina oo, Baaba aa bar slaa, kooslun=moowo wahaangu/ala a idoode'eek ami ni slaa aqo idor kuuwa ta slaa. ⁴³ Aluwo malaykar gawaa dawri daahh nguna haratiit nguna /uuruu i hariis. ⁴⁴ Qoomar iwa baraa tiqitir sla/amaaye idirii ina firin nar slahhaamu loi wa ale nee tsufowos a idor tsaqangw uren oo tseere oo paahh yaamu. ⁴⁵ Qomar nawa tlay wa baraa firimoros ninakay amor eharuuseeros nee iharda awa hardah a guui' ii agui asma gurhamir'in. ⁴⁶ Aluuwo ngina yahas amila masa guuee? Tlawari firime gidaba ma dahara iaraa'ar baraa ar. ⁴⁷ Qoomar axweesanto iwa axweesi i daqata qaytsit i daqata yariir ur ar muu niatiiti nee Yuda, ahee wa'k baraa ya/abuuseda mibane tsa'r kinga geeraaaharnae Yuda nina xay ina saap dir Yesu asma nguwa maasi. ⁴⁸ Ala Yesu nguna yahaas Yuda xay un askilaag Adamu nar maasa? ⁴⁹ Qoomar kwadatseew dar Yesu idooda ar kawa niwa hi'iitiya tana oo Aako xay idifana nar pangadu? ⁵⁰ Aluuwo hee wa'k tla/angwin as gaduyuusumoo geeraharusmoo saalingw oo nguna tahh, i ar dako /uyay ngina tsaat. ⁵¹ Yesu ina oo ti ibuut na i ngina kwatiit ngina hhooees. ⁵² Yesu ina oo dir geeraharusmoduroo saalingw ur na dir ur user nee dir bariseeida naxaye Ti slaslawa'aaka nee ino's ngire yahaas gidaaba xayse nina xeere slaqwara idor nee muk slaaqw nar guhilii nee pangadu? ⁵³ Qoomar tawa dir wak nee kuunga deelo sleeme baraa doo saaling dabahung ikaqasiikang gawaa ani, "Ala gari qwomarok nee alessleemu /ona nee aleslemu /ona." ⁵⁴ Nguna ohi nguna gerahari ngunahuwi dir do geeraharuusmoo saalingw digir deel ur. Aluwo Petro nguna digirdel wa amor saw. ⁵⁵ Qoomar asla kawa o hhiis ohiswa baraa afeenidar baraado nee qoomar tawa iwif yaamu dir wak Petro ina iwit tla/ain tla/ang'ir. ⁵⁶ Gaduyuusumoo wak oo /ameeni Petro nguna aan qoomar iwa iwiit asma /awakeema asla nguna ge/eer nguna idabet, heesi sleeme nee kuunga tikondaa. ⁵⁷ Ala Petro ina tlaank ina ina oo ani ani uxuuat. ⁵⁸ Qoomar nina wawa waarah hee hatla nguna ar ina oo, Kuunga a hee wake ala Petro nguna bay hhawata ani aha wakeekang. ⁵⁹ Qoomar wimaww awa waarahh hari ador saa wak hhawatoo wak ina oo, Aloema lo gidaaba heewi sleeme nee kuunga tikonda asma a hee galilaya. ⁶⁰ Ala Petro ina oo hhawata axuakang kuung garta ooin, qoomar iwa axweesi kokumo ina uu. ⁶¹ Inawaraqay Aako Petro nguna iqaytsit, nee Petro /aymo ngunaislay oo Aako dida nguwa idabay, qoomar kokumo awikang bili ani i aleesi sagawa tam. ⁶² Petror ina ti'iit afeeni are /a/aa/mini warlo. ⁶³ Aluuwo hhawateeda Yesu xuuma ngunakiliqimisi nee ngwe difii. ⁶⁴ Qoomar nguwa ila tundunkii nguna yahasii ta kaam , hee ama a kuung hee ataahhi? ⁶⁵ Tana aaxweemaamisii moroo yaarir lo wa ale morooda gawaa qoang Yesuwo nee kure gotliit ino's. ⁶⁶ Aluuwo qoomar matlatle niwa hardahi bariser muu tina burumbut dir wa'k aruuse geeraa haruuser salingw nee goouse nguna huuwi baraa doo kwasleema. ⁶⁷ Tana oo baraa kuung a Kristo oo ang diren ala ino's ngina gidaaba bir ngi oo i haratlintiaaaka. ⁶⁸ Na sleeme burtundu yahaas /ayma ngu ki/isaaka. ⁶⁹ Ala amir hinti tare komitaa nee delor hiita Garma Adamu daqate aiwiiti dako Nuunu oo Mungu. ⁷⁰ Sleeme tana oo idosiye kuunga a na/e Mungu he? Nee Yesu ngina idabay kuunga anaoe ani ainos. ⁷¹ Tana oo, asma mila gar alakalaa/ngw hatla ku as slaan? Asma ate kiloren akaaxasaan wa baraa afkos kilos.