¹ Yesu inadaha ire warahha ner tla/angw Yeriko. ² Nee disiye heeko wak ider kubay Sakayo inos a uruusmoo mukda amer ohiim slante a hee daqaarumoo. ³ Gerho nginaslaa Yesu nguwa ari a hee idola ala idor ngur ari nga sleyka asuma bolay muu asuma inos ku qoqomamar walo. ⁴ As idosiye ina tiaain wa geraa muu ira tsa/an gawaa' /antsi as nguwa ari asuma Yesu a nakaa/ iwa uruwaasir waraahhi. ⁵ Yesu iwaharda dida inaqaytsiit gawaa' nguna bay Sakayo aweerang ner gaslaay asuma bili ani a dir doog i deel. ⁶ Inamutliit ina aweer ngure kwahhaas ner qwalaa/. ⁷ Muu sleemeero tisi kawaa ar tare humuma tare bahhuus ta kahi a amor do hee iru ngusmoo kay. ⁸ Sakayo inasihhiit ire oo Aako qaytsiit Aako daqari'iimar ee' a tla/aqasiis ngire haniis dir narkuuse nee bar hee naa ga hayo deir aki/iis saga wa tsiyahh. ⁹ Yesu ina oo bili ba/amaa na hardat dir doowi asuma inos sleeme a garma Ibrahimu. ¹⁰ Asuma garma hee ninaxay nguwalelehhi nee ngiwa ba/amiisi mukda a qwaar. ¹¹ Tisi ngiwa axaasiye inakumiit awento nee slaqasaay ngure oo asuma ku tseew amor Yerusalemu nee inooin kawaxui wawiiti'iimar Mungu na naka/ awaa ari ner gaslay. ¹² Ngina bay urusmoko wak inatlay aya sawa as wawiiti'iima ngiwa ilaoohi alo nirekii/. ¹³ Sagadiyuusero's mibangw ngina /akaa ngire aleerii mibangw haniis ngina bay laqwaltisaak. ¹⁴ Alo muk ayaawo's nguna waki nee ngwe mu'k iya/awi nguwa digindeliiya ngwabaye sla'aanaaka heewi tuwasawawiiti'in. ¹⁵ Alo iwa kii/i amor do aluu kuwa wawiiti'imar i haniis ngina bay sagadiyuseda a pesar i haniis /aka'are as ngiwa tsahhi umoo heewo gar na slay baraa' toda a laqwatlisi. ^{17 16} Hee geera ina oo Aako toda na haniis ileeri mibangw oo hatla nga huup. i qoond sagadiyusmoo hhoo' Asuma inkihhimo ugatlehh dir gar nina uray u sleer gawaa' gixsadu mibangw. ¹⁸ Hee tsar ninaharda iree oo Aako ileerida oo hatla kooan nga huwiiye. ¹⁹ Urusmooda ina ooo yray o heek dando gixsudu kooan. ²⁰ Oo hatla ninaharda ina oo Aako Pesarok ti aga amohhe'ees baraa' warqamo. ²¹ Asuma anadaiiyunt kuung a dihh ahenges toda ta amohhe'eesika nee abu'uun ar ta dahasiika. ²² Urusmoda ina oo ner axwenitok ar kila un sakwasleemunt kuung sagadiyuusmo tlaakw axuu gidaaba ani a hee tlaakw atatahh ar na qasiika nee abu'uum ar na dahaasika. ²³ Hhe'ee pesar' ee masaqasiika dida kawaa laqwaltimiisi as ani birnakii/ ngiwar tlaw dinkwa nee slaslawaaro's toda na sleer. ²⁴ Uruusmoda mukda a sihhiit nguna bay ilaangwsi hayohaak ku haniisa dir koqa oo ileeri mibangw. ²⁵ Kuna bay Aako inos ileeri mbangw ngi kon. ²⁶ Tunubabaw umoo heee gar koom ku qemuuhee'ees ala hee gar koomaka tam toda i koon ka hayoo. ²⁷ Ala wakuusr'ee kwada nga si'iiye ani tawaa wawiitmoo huware dir geraae tsu/aak. ²⁸ Aluu tisi oo aro ngiwaa hhe'ees ina geray kumiit iwatsa/aa/an Yerusalemu. ²⁹ Iwaa nakaa/ Bestage nee Besania Isapoo tlamar misetuni eharuseero's tsar ngina ya/aaw. ³⁰ Ngina bay tlawoe baraa' (gixsanq) kijihirqa ar isalaway baraa' ate gureediir daqway a haraatio ta ar ta i tsa/aanika nee hee gwerare ngi huba amor'ee. ³¹ Bar hee tuna yahaas amila musgwadita ta o aa Aako ngun slaa. ³² Mukda ta ya/aw ninatlaye gurendi ngire ariiye idoda Yesu ngura oo. ³³ Qoomar nguwa gwaditiiya muk gureendi loo tana oo mila idori gureediri mas gweediita? ³⁴ Tana oo Aako ngu slaa. ³⁵ Aluwo ngure huwiiye amor Yesu inqwarooin nguna hhafyee dando gureediir daqway Yesu kure tsa/aas dandoda. ³⁶ Iwahi'iiti muu inqwarooin kuna hhaf baraa' balabaala. ³⁷ Iwaa awdiiti tlomar miseituni eharusero's sleemeero tana qwalaala/ Mungu kure kirfeemiis ar afor ur as kangw ure'n na ariiye. ³⁸ Ikahiiya kwada ta tsuq wawutmoo hi'iit ar umoo Aako wayda gawaa' dawri nee kirfu gawaa'! ³⁹ Mu'k Farisayo bahha aleero baraa' baraa' Ba/aydae nguna bay malimu eharuserok to xasliite. ⁴⁰ Yesu ngina bay nubabaw koka tla/u afoo ngi tlesiya. ⁴¹ Yesu iwaa nadaa/ dir gixsa ngina alee/aa. ⁴² Ina oo' tsini gerho bar xu baraa deloriihe ar bili kangw waydowi huwaahuuw ala hindi anahhaat ilawoge. ⁴³ Asuma balo nihardat ar wakusmoowak sluma ngiwaa tlehh dir islaweewok nee tureharweer nee tureminqiis badu sleemeero. ⁴⁴ Ture daahh yaamu kuung nee na/aawake. Tam tla/ano wak kugexayka dando kwaqa asma agatsahhiika qomar Mungu uwaba/aamiisar slai. ⁴⁵ Yesu ina dah baraa doo saliingw ngina gusiisin kwoda weriimiisa. ⁴⁶ Ngina bay ka gooin dooe a doo saliingw ala kuunga ugaa doo qwatluuse tleehhe. ⁴⁷ Gawaa idosiye Yesu ina intsahhatimiis wa baraa saliingw daqiislem uruuser uren ar saliingw nee malima haraa'aya nee geraa haruuser muu nguna sla'iiye gasaro. ⁴⁸ Ala uruswar ngur gaasiya nga slayi'iika asma muu sleemeero kwa lo wa iiar iqaas.