¹ Aluuwo Yesu ngina ii tsahhatimis asma inooin gar iwa harina Mungu ngun firina dello sleem asma mata diqetsatit. ² Mata waoo har ohusumo baraa gixsarkaa ider imos Mungu' Uaiwawa/ika. ³ Nee baraxsadee hharka ider ar kwaloo ino ngun kwaslemari ee ar ngiwa ale/isi dir wakusumowose tada inos wa hariim ngiwa sleer. ⁴ Nee har ohusumoda ire ala sii, aluwo iri baraa muunowosi io aning a Mungu ilaiwa/a/ataka slamti muu'u garari xuaka. ⁵ Nee kwaaloon ani idaawitimis bira idon domit aning aluwo islaaqati dawitimso nee garkas hhoo ani an alee/is. ⁶ Ako ire oo Harohusmooda gari amu tlehhiitaaka uka axasi'iike idor aa kah. ⁷ Xay Mungu mukos kwada aa tsawar ngu ak alee/iisika hariimarin ngiwa slay kwada inos ngui /aa/amima tlatla/angw nee amsijo inos iregawduya ngiwa alee/isii? ⁸ Ani aka hari'i marin aka haniis ar gaslaay, tam adoorihe qoomar garmoo hee binda kii/ haratlintaao ngi ari barakaa yaamuwo? Kii/ haratlintaao ngi ari. ⁹ Yesu slaqsaywi nguna male dinin oo as mukko ta kiloon harafaar tawa muk hota banaa muk hatla sleemeero kure waqaqaa ngire bay. ¹⁰ Muk tsar ina tsa/an amor doo Mungu ta saalingw ay oo wak a hee Farisayo nee oo tsar a ohumusmo koodi. ¹¹ "Hee Farisayo in silihiit ire adoorir firin kilos ala Mungu' an kuung u sluufimus asma aning a ador mu'k hatlaeeka aador fisuuseeroka nee ador al/aymuuseroka nee ador fuqeiy seeroka laqaa a ador ohomusamoowu koodi rooka. ¹² Aning an gwaawawiim baraa' wikir wake sagaawa tsar. A ila hhooar hanimaamis baraa daqaarimamar ee sleemeerowo ar wak baraa' mibaango tawa ar Mungu. ¹³ "Ala ohomusmodui kood, amorqa" saaw gana isihhit sleeme tam iwa gawti gayti nga qiitliika ago har da/ebowos ngina pupuxumiis iri oo Mungu' ani gutlawag aning a hee tlakweemaa koom. ¹⁴ An a kah kwi iri watil amor doos kwi kilos an kuda taa ganamii harafaar asma kuda ti kilos ureomiis kunimawees nee kuda ti kilos ninaweemis ku ures. ¹⁵ Na/aa ninakw kina amor Yesu ii huw asdabaawo's ngiwa gawaaiini qaasi nee ngiwa tsuuqi ale eeharuuse adoda ngiwa aan mukda na/aa koom ngure igahhomit. ¹⁶ Ala Yesu ngire ateet amooro's ire oo na/aaaninak mawaagay ni amoree ihardiluye mi ila/aamara asma awa idor koka wawutiiman Mungu atoin. ¹⁷ Anan kah hee waawutiimar Mungu ngaa ya/aanika ador na/oo nena wa ale i baloo dahika baraa' wawiitimarhiye. ¹⁸ Heko ur Yesu nguna yahaas intsahhatusumoo hhoo ador ni /is a idoda ar slafing alhheeesay wasl ngur aal? ¹⁹ Yesu nguna bay mis hhooeemar atitiin? Hhe hoo i kaahh aqo har Mungu kilo's. ²⁰ ihhi bare haraaya axu fuqi ma awar hhee mugaasaar gar hee ma fiisar hee mu laamataitsatar baabuu wok nee ayirok ilaiwawa/eek. ²¹ ire oo tising aka boo/ees sleemeero iimir na/uumaree wa ale. ²² Qoomar Yesu ti ngiwa axaas ngure bay tam nami gar wak awa/arur muruuda ta koon sleemeero weeriseeka nee peesa da ta sleer ka narkusir i qasmis dadqaaruiimarko a gawaa' dawri eer. ²³ Nee inos ti ngiwa axaas iri lo wa gurhaamiit asma inos lo wa daqaarum. ²⁴ Yesu gari tsaahh idor ira gurhhamiit iri oo ga/aawak ador dagaare kar gawit dahaamaa baraa' wawutiimar Munguhe. ²⁵ Kainslaahh ngamia iwa wararahh ner baraa' forxar lagwa ta daqaarumo iwa baraa' waawutiimar Mungu i dahi. ²⁶ Mukda aa xaas tari oo ala barqo idoosing hee ba/am a maa? ²⁷ Yesu ire oo tadaada dir muko ya/aamaka dir Munguhe i ya/aan. ²⁸ Petro ire oo ba/aawaak aten mororen sleemeero umo geexaawaan kuung ure eaharan. ²⁹ Aluwo Yesu nginaidabay, amin, tundubawo hee tamowak ikahha odo' ngwagexay laqa hare laqa he doin laqa xwaylite laqa na/a, asma wawutima'r Mungu. ³⁰ Kwada moroo yard nguilaoh lowaale wa bara dando yamuka, sleeme wa baraa yaamu hiita slafing alhheesekomakang. ³¹ Qoama'r ngiwa haragas kwad mbane tsa'r nginaidabay, qatsite, a tsa/a/aman adoqaqaw an Yerusalemu na moroo sleeme kwada tagain na aruse as gamaa Adamu kubuutis. ³² Asma kuqas baraa dabaa' muku abangan ika kumoroo slasla/aren i tlehhe na tlakwema, sleeme kwaitsuqun. ³³ Qoma'r burngwahheesi diftar ngugasiya na balor tam iwasloo/. ³⁴ Moroowi ngwatshhiikang na /ayimuwi kwa lu/u wa inooin na garatsahhi ikahha gawa tada taoi ni. ³⁵ Qoma'r Yesu iwaharaharnda Yeriko he wak o tampa aiwit bahhi uruwa iale/isefirini. ³⁶ Qoma'r ngiwaaxas bohhar mu iwararahha ngi naifahas garnatiit amila. ³⁷ Kunaidabay gidaba Yesu o Nazareti iwarwahh. ³⁸ Aluwo heda o tampa ina/a nar /uru, ha/e Daudi ale/isang. ³⁹ Kwada ang hiita nguna igahhati hesi o tampa, ngunaidabaye xasliti. Lakini ino's ina aka/a nar afoo uren, me/e Daudi, ale/isang. ⁴⁰ Yesu inasihhit nginaidabay keqa huwari dirie aluwo heda o tapa nguwa haratsewuy, Yesu ngunayahas. ⁴¹ Garita slaa amila nitlehh? Inao, Aako, ganisla ana xumisi. ⁴² Yesu ngunidabay, xumso slaweka tlaratli ntaorok aba/amis. ⁴³ Aqodisi xumso ngina slay Yesu nguna digirdel amorihe Mungu nguslufe ik/imis. Tisi ngiwa ari, mu sleeme Mungu nguna xifesi.