¹ Yesu eharuseros nginaidabay, moroomuu iringe kawaslehhiti iqotiimamit, akangos kwada ngi tslehhit. ² Geera iwaqond alomaso heesi kuritla/ano xoslingwi itseg slami gawaisa kure kwahha baraa tlawi tahhiya owak baraa koka ninakwe nguwa ilaxafi baraa iringedar ale. ³ Tixundee ado'r hhiyawok uburasadakusu igahhate, sleeme gurtlemu burngwafirin gurtlawek. ⁴ Burasadakusafi ki/mafaqwa bara delor wake naxayi de losi wak dirok ale ikayi gurtlawang gurtla wek. ⁵ Ya/abuse ngunaber Aako, haratlintaaore'n dogang. ⁶ Aako inaoo gera bar takahi haratlintao'hung abar ado'r ilimo haradarii, geraa aaslera xaan owi o/atsi kwaidabeta, tu/utu tiitar awy bara tlawi daqane sleeme tundaiari qaa's. ⁷ Daqane ama'aa' di'r kuungae kwada lawalimo kom oqayimor doslo na sleeme be/aw ngudeem ngure idabay bir naki/i wabara qayimo qwalang nargaslay iwit moroo/ayma /ayek? ⁸ Aluuwo nguidabayake, moroo/ayma qomasang /aymaro nihhees mkanda tsege asqwiluyusak ayidir moroo /ayima ngwihhes nee wahang baraa hheese wadisi a/ayinda te wahanda? ⁹ Sleeme iqonda kuwanaasario lawalumosi asma ng'a tlehhe tada kuwaidabayi? ¹⁰ An idosi sleeme kuunga akatlehhee tada tinda o oak ate'n alawaler harimaka. Anatlehhan tadaa kilo's qom waaten tlehharo. ¹¹ Inatiit argidaaba qomar iwahhayumiti Yerusalem, inawarahha nar qamar Samaria nee Galilaya. ¹² Qomar iwadahi baraa kijiji wak, amosi tinado gi nee muku mibangw o ukomar koma tanasihhit amor sawu. ¹³ Tanau u tanao "Yesu, Aako tundugurtler: ¹⁴ Qomar ngiwaar nginabay, tlawuse lilaqandee wa dir makuhani inooin sleeme qomar iwadaqaqayaa' kin'amohho." ¹⁵ Diriine o wak iwaqatsiti gidaaba ahhoay, inaki/i ner u'umor lowa u'r slufay ngure ki/imis dir Mungu. ¹⁶ Inagurungureit baraa yaa Yesu ng'weslufunisi, ino's ange are Samaria. ¹⁷ Yesu ngina mu/ewats inaoo aluwo aamohhoayike sleemero mibango? Imola kwadohatla gwalel? ¹⁸ Tam'owak ikahh oaar' aki/i oslufay ngwaki/isi dir Mungu, aqo dahayumo kilos?" ¹⁹ Ngunaidabay, watlawo tlatlaw haratlintaao'rok aba/amis. ²⁰ Kuwayahas nee Mafarisayo mfamle o Mungu daqala mixer, Yesu mu/ewats inao, "wawiliimar Mungu agarkarokang gidaaba tage/era. ²¹ Sleeme mu kaoinakang qatsiti diri! laqa Qayitsi amor qaa asma wawitiimar Mungu ibarahu'ng. ²² Yesu eharuseros nginaidabay, qoma ihardat toda tasla kawaonda balor wak ar na/e Adamu, ala aandaakang. ²³ Tundubay, Qayitsite, amorqa! qaytsitee disi! ala maqatsitar' awaraa, sleeme midigir delaraa. ²⁴ Ado'r mankarita gwa/at tsaamis waga wa dawri wamor kaamir wak ay toqa ar hatla, idosihe sleeme na/ay Adamu nixay nar slaqasesi balo delorose. ²⁵ Aluuwo sleeme iharin bade nguwa/ay wa baraa moro yarid sleeme kwisi nee garti. ²⁶ Ado'r baloda ar Nuhu, daqane slaeeme ado'r baloda ar na/e Adamu. ²⁷ Tana/ayin tewahan, tanaduxun na keduxut ayidir baloda Nuhu iwadaha baraa Safina na qarika ninaxer' tanahhan sleemeero. ²⁸ Sleeme a doda balo delo lutuuwo, tana/ayin tarewa, tanatlaxun kewerimis, tanadoslo marayi ketlehhit. ²⁹ Aluuwo balo Lutu iwatlay Sodomaro, inatlutuwe asla nee kiberiti ogawadawuridahha kinatsu/u sleemee'ro. ³⁰ Daqane sleeme aqodosi balo delor na/ay Adamu burkwagehhoes. ³¹ Balosihe maya/amara ogawadarir diri ar do iwaaweri xoslumowos nguwatatahhi wabarado, na sleeme maya/amar obara qaymor' diri iwaki/i amor'do. ³² Islawimak hare Lutu. ³³ Umohe ngiaraar gidaaba hutariros ngitu/um ngiqo qwares, sleami kwada ngiqwaremis hutariros ngitu/u. ³⁴ Un'babaw, qomasiye muku tsar ider gawa qatow wake wak kurtlay, na ohatla kuge xay. ³⁵ /Amenar' tsa'r ider ar balang xoslim ar wak, wak kar tlay nee ar hatla kagexay. ³⁶ Mu'k tsar oo baraa' qaymori dirii wa'k ku'r tla'y oo wak ku gexay. ³⁷ Kuna yahaas a amola Aako? Ngiwa ba'y dir tuaa i dirii ana dir gware's ii burumbunt. ³⁷ They asked him, "Where, Lord?" He said to them, "Where there is a body, there will the vultures also be gathered together.