¹ Yesu ihharuseros ngina male bay Hee koo wa'k ideer daqarmoo nee hee koo nguna sayin gadiyros i ale nee kunavuutis ar gidaaba hee daa asayin i daqariima roos hhititin. ² Ala daqarmoo hee daa nguna atet ngure bay "Gaari niaxamis tando wage a mila? ³ Sagesihhifusmo daa inaoo baraa munawose Gaar nitlehh a mila asma aakko ee ihenges baraa' gadiyeri aaisayini? /Uuru dosla ukomaka a kilaliq firoroo. ⁴ Axuu ar nitlehh gidaaba birtahenges baraa gadiyer ee ar sagesihhimitawo muu iwakwahhasi baraa' marein i ale. ⁵ Alo sagesihhitismo inuser aakko woos ngina atet sleemeerowo oo geera ngure bay gaar tuwainusi nee aakko ee urewo? I ⁶ Inoo xooslaar di/i kipimanusi tsiry ngurbay slo/i roog tatahhe, iwit neer ganslay miberi koan goimeek. ⁷ Alo kodaa oo hatlaa nguna bay ina rog urewo? Inaoo xaaslu ngano kurpimamin tsiru Ngurebay slo/irog tatahhe miberi dakaat goimeek. ⁸ Aako daa ngunaxirfees sagesihhitusmoo daa asma ngiwa tlehh neer fuqurangw. Asma mu'k dandoyamu kaa fuqrangw uur kukon nee tangadiyus neer fuqurangw nee mu'k in mu'k daa oo gwa/atema ba/a. ⁹ Ani kungaa tungubabaw mulqiima tlehhitaak neer daqariimar hara/untsa daqne bartakayi aluwo birkahh tunduwakwahhasi baraa' hotarir alhheesay koomaka. ¹⁰ Hee daa inkihhim baraa' gaar ninawe wa loo kuinkhim sleeme baraa' ar uree. ¹¹ Bartakay kungaa inkihhimu uu kondaaka baaraa' dagariimar hhituruumaro hee kungaa tunduharatlintii tunduwaqasi dir daqariimar loemawo? ¹² Nee bartakayi inkihhimu ugatlehhiika qomar daqariimar hee ghatlaa kawaargadiyusaa hee tohung ar kilaa ngihariis? ¹³ Ikahh lawalimo ngialeslaw muk tsar ngualeslaw asgadiyeroo asuma o wa'k ngusi nee o hatlaa ngure slaa' laqaa tinohiyaa nee kwi nee kwi ngure waqaa. Aalesleraaka daqariima nee Mungu kiwaasgadiyusa. ¹⁴ Alo mu'k Farisayo koda peesar slaa tisi sleemeerowo kana axas kurewaqaseen. ¹⁵ Ngireba'y a loo kungaa tinganamu i harafadikta geera mu'k wa ale Mungu muni i huung ngixuu. Asuma gaar a xirfuut dir mukko in slasla/aru tlehhit geera Munguhe. ¹⁶ Alaado nee aruse inaderuut ee balo Yohani niwahardah. Imir afqomasiye ya/abiro hhoo ar wawutiima kana alki/it nee umoqo heewo muru ngun ar dah. ¹⁷ Ala kainsahh dawrii nee dandoo yamu iwaqwariyaa taa goir wa'k iwaqwadang ar alqado. ¹⁸ Umoqo hee hareroos ngamay ar hatlaa ngire dux in fuquus sleeme o todaa tagexay ngaduxii aa ffuquusmo. ¹⁹ Heekoo ina deruut o daqarmoo o inqwaro kalay sira/aaten ngudahmamis nee kitanir hhohhoo oo qwal/a/at umoqo deeloro asuma daqariimaroos kawauur. ²⁰ Narkidumo koo wa'k taba'y Lasaro kunaqaas dir tsufe do' nee i inkahhai kon. ²¹ Inos inailatleerus tiwaaxatisi neer meetor huhuum wa baraa' mezar daqarmo da saaye sleeme nire xeer inakahhai woos ngiremahhan. ²² Narkusumo daa iwagwa kunatatahh kurehardahas dir de/ebo Ibrahimu. Daqarmo da sleeme ina gwa kure fo'l. ²³ Nee baraa' gaiwo iwagawta qaytsit Ibrahimu ngunaar imir amor saaw wa ale nee Lasaro baraa' de/ebowoos. ²⁴ Ina/aal ireo Babaa Ibrahimu gurtlawang Lasaro ya/awang sagi ditsa woos ngitikisi baraa' maay tsifrang ee nguqwal/asi asuma tiloowa slahheemis nee asla ti. ²⁵ Ala Ibrahimu inao Garma ee inslawe kuung umo gidaaba baraa' hotawoge moroo hoo unailaot nee Lasaro sleeme o tlakw nguna slay. Ala hindi i diri i dirii i qwalalaa/ nee kuung a salhhahhaa. ²⁶ Neegwaa tisihe bohonto tlaranteer i tla/angwreen i dirii umo gidaaba kwada o amoren ti o amosi keemu slaaa' mindiwaxayee o amosi amosi mingiwakayee. ²⁷ Daqarmo daa inaoo ufiririm Baba Ibrahimu gdaaba ya/aweek amor do baboee. ²⁸ Asuma ikoom hhae koan asuma ngiwagurbui axurumiit niwaxayaa diiri ar slahhaanu. ²⁹ Ala Ibrahimu inao ngikonaa in Musa nee aruse maweek ngiari qasiyee inooin. ³⁰ Daqarmo daa ino Aa idosiyeka Babae Ibrahimu bartakayi hee baraa' gai dahh birngaharadaqay tahhoiin. Ala Ibrahimu ngura bay birngaiari qasiika in Musa nee aruse kibaloilaxafuka tam hee birawasloa/ wa baraa' mu'k a hhan. ³¹ Ibrahimu iri oo Musa nee aa ruuse birka iiari i qaasuko tam hee naa hara muk aa qaatlwa waasleel gurbuuro giaslayka.