¹ Ohumuu ser koodi slemeero nee tlakuuse Yesu kure i tseewuuquy kuwa iiar i qaasi. ² Muk Farisayo nee intsaahhatuuser hara eyar Musa tay qunuunuu/ ta kaahi, "Heewi mis tlakuser kwahhamiis nee inooin i a/ayna". ³ Giri slaqsay ⁴ Hee wak bara tla/angwhuge baribir naxes bee/angw Tsuru kon Aqo bee/angw mibeeros gwaleel nee gwa leel ngun geexay bara qawo nee ir tlay tada aa qwat ngire leelehhituu ay ay dir ngi slay. ⁵ Birnga slay iri qwalalaa/ngire gawaa sumi ii wos i qaas. ⁶ Ay dir do mulqeero's ngire ateet nee inslaawywose iri ooi qwala la/are dinkwa nee ani asma bee/ir ee tada aa qwat ngaa slaaw. ⁷ An akah gawa dawriwo sleemee ta idoorir qwalalaa/as hee wak oo tlakusmo oo aa hhooin muk mibeeri gwaledl nee gwaleel ba/a oo gari a mukuu koom oo hhooii iing ngu slaa a ka! ⁸ Laqa a/ameenir wak iber shiling mibangw koon oo wak bira gwaar idir i/iisi a idola? Aqo tsaasi ngin da/ do ngwe fits shilingmooda ngure hhit ay dir ngu sleer. ⁹ Sleemuuwo burngwa hhe'ees mulqeeros ngire atet nee inslaawaywose, ngire bot qwalala/are dinkwa nee ani asma shiling moo ee kwada aa qwaar ukwa slaw. ¹⁰ Ani kah tam malaykar Mungu sleeme i idoodar qwalaala/ as hee llakusmo oo wak a hhoin Yesu. ¹¹ Iri oo, Heeko wak i deer daaqay daaqoo tsar ngu koom. ¹² Kwada niinaw baaba moroowok kwad ani wa hariim qaiisang moroowo's kwala kon ngure nooin i qasimis. ¹³ Deelor niina iwa waarahh garmaada nina moroowo's ngure guri dekwar qaas sleemero iri hhayuuy baraa yamuu saaw. Amodoodae moroowo's ngure hhitaatindinkwa ar urdu gana a aaka. ¹⁴ Moroowo's sleemeero nguwa faak giyer ur nire tleer baraa yaamuudae inos sleeme ire Waasla'aamuut. ¹⁵ Inos ire tlay ay amor heeko oo yaamuuda inos ngure baraa' qaymoooros i huuw bayno ngiwa /aymiisi. ¹⁶ Inos qa fooda bayno i/ay ngire wa tlakwees ngiwa qwarkos ar tse'eemusi asma hee ngwa gar i hariis i kaahh! ¹⁷ Inos tire aldakuu't muuroowose ire oo sagadiyuuser dir doo baabuu ee wa gadiyuus a maga ar meetor geexaxaw nee an qwari baraaka wa gaamiis. ¹⁸ A tlaw niwa amor baabuu ee kaw nee ngure baw baaba an aka tlakwees geera munguhe nee geeraawoge. ¹⁹ A hari imaa ka alkwii tawa garmaa wok ar ateetin hara faarang amor sagadeyuu seer i ale. ²⁰ Ina tlay ire amor baabaawos iwa amor qa saw i kahh kure ar nee baaboowo's kure gurtlay Baaba iri amooro's itiiaa' in guri slaqwato's i oh, ngure ma aas. ²¹ Garma ire oo baaba aka tlakwees geera munguhe nee geeraawoge, ahariimaaka alkwi'i tiwa garmaawok ar ateetin. ²² Ala baaba la waa leeros ngure bay in qwaarir hhoo huuwaere nar ganslaay, utsuusaak dakos saxaamoo' qaasaaka ya a ya/a tai dahaasaak. ²³ Awuu aa yaatli huware ku gasa aten daqate a/ay ri maan tare qwalala/aan. ²⁴ Asma garmaa ee kwi geeraawo aa gwaa nee hinti na wasloo/ geemawo aa qwaar hinti ukwa slaw bara/kure ii mu/iin. ²⁵ Garmaada ur i baraa qaymor i dirii niwa kii/ amor doo i ale iwa tsee wuy afor daa aa ngw nee/aatso gana axaas. ²⁶ A sagadiyusmoo ngure ateet ngure yahaas kangwi a mila? ²⁷ Ngure bay hhiyaawok na harda nee haaboowok ngula awuuda yaati i gaas asma nguwa male slay iwa slafi. ²⁸ Garmaada ire buuhh dahamuu baraa doo ngure sii aluuwo baaba nire baraa doo wa ti iit ngure harhheehhe'misoo ay. ²⁹ Ire baaboo ilawaats ire oo, Ga/aa weeka ani kuung unaa sagadiyumamiis kureeriika sleemeero nee qoomar hara'ayaro'k ngiwa waqaa i kahh ala tam deelmoo lee oo naa ani i hariis i kaahh niwa qwalala/a an nee mulqere'ee. ³⁰ Ala garmaawok kwi niwa hardah oo moroowok ngwa a faak dinkwa nee /ameen=ar tsaatuuse ukwa awuudaa yaatlii i gas. ³¹ Baaba ire oo garmaa'ee' ani nee kuung a dinkwa umoo deelooro nee gar an niqo kooma atok. ³² Ala tawa qwalala/aan nee tawa bara/aan i qoon asma hhiyaawok kwi geeraawo aa gwaa hinti naa waasloo/ geeraawo aa qwaar naa hinti ukwa slawaa'n.