¹ Pamilavo ilijuva ilya kwanja ilya ndungu, vakujigile kutitu uMaliamu Magidalena akalutile kulipumba akalivona iliwe lihejiwe pa lipumba. ² Akanyila fijo ukuluta kwa Simoni Petro na kunkongi uyunge yuywa uYesu akankelile po akavavula, "vantolile Untwa kulipumba nayufwe satumbwene kunu vambikile." ³ U Petro nu nkongi uyunge vakahuma, ukuluta kulipumba. ⁴ Voni vakanyila pamo pene; uyunge unkongi akanyilile kyongo ukuntola uPetro akale va kwanda. ⁵ Akimile alinkulilola ilipumba; akayivona isanda umwenda gwa kusyilila ugwa kitani yigonile umwene sakingila n'gate. ⁶ Na yu Simoni Petro akafika akingila n'gate ndipumba. Akaguvona umwenda gwa kusyilila gwa kitani gugonile pala ⁷ na kikitambala kikyo kikavile kuntwe kamwene sagukale pamopene nu mwenda gwa kasyilila gwa kitani ila gikale palukanji gyenye. ⁸ Unkongi uyunge akingile n'gate ndipumba; akavona na kuamini. ⁹ Ulwakuva unsiki gula vakava savagamanyile amasimbo ukute yinogiwa uYesu ajuke kuvavwe. ¹⁰ Avakongi vakaluta kange kuvene. ¹¹ U Maliamu akimile palipumba alinkulila, akava ikwendelela ukalila akalola kulipumba. ¹² Akavavona avasuhwa vavili avavalafu vatamile yumu kuntwe yumu kumalunde baho uYesu akagonile. ¹³ Vope vakambula, "Ndala, kiki wilila?" Vope akambula, "Ulwakuva vantolile Untwa vango, nayune sanimbwene uku vambile." ¹⁴ Aavile ajovile ago, akasyetuka akambona uYesu imile. Sakalumanye ukuta uyu yu Yesu. ¹⁵ Vope uYesu akambula, "Iyava kiki wilila? Vukundonda uveni?" Vope akata n'din'dilila ikyalo akambula, pamo uveve Ntwa untolile, mbula kunu umbikile une, nikuntola." ¹⁶ U Yesu akambula, "U Maliamu." Vope akasyetuka akambula ku Kiaramu, "Raboni," evo kukute "Mmanyisi." ¹⁷ U Yesu akate, "Usyiome, ukunibata ulwakuva sanilutile kwa taye; ukavavula avakambango ukute niluta kwa Taye yayo Taye vinyo, Nguluve vango Nguluve vinyo." ¹⁸ U Maliamu Magdalena akija kukuvavula avakongi, "Nimbwene Utaye," ambulile imbombo iji. ¹⁹ Vuyivile kemihe, isiku iyo, isiku iya kwanja iya ndungu, jope inyiji jikava jidindiwe kukwo avakongi vavile valinkwogopa ku Vayahudi, U Yesu akija pagati pavene akavavula, "Ulutengano luve kulyumwe." ²⁰ Akava avavulile ago akavavonesya amavoko na luvafu lwa mwene. Vope avakongi vavambwene Utaye vakahovoka. ²¹ U Yesu akavavula kange, "Ulutengano luve paninie numwe. Ndulu Utaye akanumile unene, vuvavo unene nikuvatuma umwe." ²² U Yesu vuajovile ago, akavapulila akavavula akate, Pokela Umepo Umbalaje. ²³ Vovosa ava muvasyikile imbivi, visyikiliwa; avakiva mukuvadindila vadindiliwe." ²⁴ U Tomaso, unine va vala kumi na vavili akale vi Didimasi, sakale na vakongi vanine uYesu vu ijile. ²⁵ Avakongi avange vakambula pongela, "Tumbwene Untwa." Vope akavavula, "Linga sanikukivona ukimanyilo kya misumali numavoko ga mwene, nukuvika inyove jango mu vimanyilo, nukuvika ikivoko kwangu paluvafu sanikwiduka." ²⁶ Amajuva nane avakongi vakale kugate kange, vope u Tomaso akale pamupene navene. Unsiki inyiji vavadindile uYesu akimile pagate pavene. Akate, "Ulutengano luve paninie." ²⁷ Akambula uTomaso, twala ulwove lavako ulole amavoko gako uvike kuluvafu lwangu; usite ukuva nduyu idike." ²⁸ Vope uTomaso akambula akate, "Ntwa vangu nu Nguluve vangu." ²⁹ U Yesu akambula, Ulwakuva umbwene, widike. Vasayayiwe vavo avavikwidika, kisita ukulola." ³⁰ U Yesu akavombile imbombo nyingi kuvakongi va mwene, ijisajigelile ukwandikiwa nkitabu iki; ³¹ iji jisimbiwe ili muve nu lwidiko ukute uYesu yu Kilisite, mwana va Nguluve, nukute vumwidike muve nu wumi n'ditawa ilya mwene.