¹ Kumbambo iji uYesu akiviika pavuvalafu kange kuvakongi Kuulisiva iilya Tibeli; ulu ndulu akivikile pavuvalafu umwene: ² U Simoni Petro akale paninie nu Tomaso ikwilangiwa Didimas, Nadhanaili uva kana iya Galilaya, umwana uva Zebedayo na avakongi vavili ava Yesu. ³ U Simoni Petro akavaviila, "Uunene niluta kukulova isamaki." Vope vakambula, "Ufwefwe, twiluta muve." Vakaluta nu kwingila mumashua, ulwakuva ikilo iyo yosa savakakivona kyokyosa. ⁴ Pamilavo vukukile, uYesu akima mumfyiko, vope avakongi savakalumanye ukute akilo vi Yesu. ⁵ Kange uYesu akavavula, "Valumiana, muli ni kyakulya?" Vope vakate, "M'ma." ⁶ Akambula, "Isya avavilova isamako uluvafu ulya kun'wa lwa mashua, na yumwe mwipata kidebe." Kuili vakisya avalova isamaki ulyakuva uyungi. ⁷ Ulwakuva unkongi uYesu akankelile akambuula uPetro, "Yu Ntwa." Vope uSimoni uPetro wapulike ukute Untwa, akapinya imwenda ga mwen (ulwakuva gakafyalile vuunonu), kange akilaha mundiswa. ⁸ Avakongi avamwene vakaluta kumashua (ulwakuva savakale kutali na kupuani, yuva mita miamoja ukuhuma mufyeko), vope valinkulusa untego gugwo jimemile iisomba. ⁹ Vuvafikile mufyeko, vakalola umwoto pala na pakyanya iyene pakale ne somba paninie nunkate. ¹⁰ U Yesu akavavula, "Twala apa isomba iji mulovile unsiki ugu." ¹¹ U Simoni Petro akatoga nukuhola untego ugu gukamemile isomba imbaha, isomba mia moja hamsini ni idatu; vakale vingi, untego gula sagukadiefuike. ¹² U Yesu akavavula, "Mwije mwipata iikiinywaji." Asikuli nu yumo uyu alikumbuja, "Uve veve veni?" Vakalumanyile ukute yuNtwa. ¹³ U Yesu akija, akatola gula unkate, kange akavapa, akavomba vulavula kujila isomba. ¹⁴ Ili likale lya datu kwa Yesu pavuvalafu kuvakongi avamwene kunsiki ugu akajukile ukuhuma kulipumba. ¹⁵ Vuvalawike uYesu akambula uSimoni Petro, "Simoni umwana va Yohana je, uveve un'gelile?" U Petro akate, "Llweli, Ntwa; "Uveve ulumanyile ukute nikukelile." U Yesu akambula, "Lisya ing'osi jangu." ¹⁶ Aakambula ulwavile, "Simoni umwana va Yona, je, uveve un'gelile?" U Petro akambula, "Lweli, Ntwa; Uveve ulumanyile ukute unene nikukelile." U Yesu akambula, "Lisya ing'osi jangu." ¹⁷ Akambula kange ulwadatu, "Simoni, mwana va Yohana, Uveve un'gelile?" Vope uPetro akakalile kulila ilya akambulile kadatu, "Lweli uveve un'gelile?" Vope akambula, " Uvintwa ungamanyile gosa; ulumanyi;le ukute nikukelile." U Yesu akambula, Lisya in'gosi jangu. ¹⁸ Edika, idika, nikukuvila, uuluukale ndumiana ukapuvile uukufyala imwenda yuve nukuluta kyokyosa kunu winogwa; akiva uvile uselupe wigolosya ikivoko kyako ni kwa ikukufyalija imwinda nukukutwala kunu sawiganile." ¹⁹ U Yesu ajovile aga ukute uvufye wa ndakiko uwu uPetro aikuginia Unguluve. Vu ajovile aga, akambula uPetro, "Un'gonge." ²⁰ U Petro akasyetwiike nukundola yula unkongi uYesu uyu akankelile nukuvakonga- Uyu yuyo akegime pakifuva ikya Yesu unsiki ugwakyakulya ikyanikimihe nukumbuja, "Untwa, vei uyuikukubeda." ²¹ U Petro akambona kange akambuja uYesu, "Untwa, Uyu umunu ivomba kiki?" ²² U Yesu akambula, "Linga ninogwa asigale mpaka akiva nikwija, ilyo likukugataja kiki?" Ng'onga." ²³ Ihabali iyi ikavalile muvala avakambe vosa, ukute unkongi uyu sifwa. U Yesu sakambule uPetro ukute, unkongi uyu sifwa, "Linga ninogwa umwene ajige mpaka akiva nikwija likukugataja kiki? ²⁴ Uyu yu nkongi uyu ipanga ulupango ulwa imbombo iji, yuywa animbile imbombo iji, tulumanyile ukute ulupango ulwa mwene lwa yelweli. ²⁵ Kuli nimbombo ijinge nyingi iji uYesu avambile. Ukute kila munu ngale lyandikiwe, nisaga ukute ikilunga kyosa ngale sakitosije ukufifika ifitabu ifi ngale vyandikiwa.