¹ Akawatanga wala kumi na waidi hamwe, akawenkha udaho na mamlaka nchanya ya mapepo yose na kuhonya utamu. ² Akalagiliza waite kuhubili umwene wa Mulungu na kuhonya watamu. ³ Akawalongela, ''Sekemsole chochose kwa ajili ya nthambo yenu wala mbalati, wala mkoba, wala mgate, wala pesa, wala sekemsole kanzu mbili. ⁴ Nyumba yoyose molonda muingile, kaleni humo mpaka aho muhalawe hanthu aho. ⁵ Na kwa wala wasio hokela, aho muhalawe mji huo, jikung'uteni vumbi katika migulu yenu kwa ushuhuda nchanya mmwao.'' ⁶ Wakahalawa na kwita kufosela muivijiji, wakitangaza mbuli zinogile na kuhonya wanthu kila hanthu. ⁷ Lelo Helode, mtawala, kahulika yose kuwa yakilawila alitaabika nkhani, kwa sababu ilongeka na baadhi kwamba Yohana mbatizaji amefufuka kulawa wefile, ⁸ na bahati kwamba Elia akalawilakale, na kwa wamwenga kwamba imwe wa walotezi wa umwaka amefufufka katika wefile kaidi. ⁹ Helode akalonga, ''nimchinja Yohana, lakini yuno ni niani nomuhulika mbuli zake? Na Helode kalonda nzila ya kumuona Yesu. ¹⁰ Wakati abwelile wala watumigwe, wakamlongea kila kinthu watendile. Akawasola hamwe naye, akaita mdumwe katika mji wotangigwa Bethsadia. ¹¹ Lakini matinkhano wakahulika kuhusu dino wakamkola, na aliwakalibisha, na akalonga nao kuhusu umwene wa Mulungu, na wawahonya wala walondile uhonyaji. ¹² Siku ikandusa kumala, na wala kumi na waidi wakaita kumwake na kulonga, ''Watawanye matinkhano kwamba waite katika vijiji vya haaguhi na mijini wakalonde mahumulo na ndiya, kwa sababu tupo hanhu ha mbago.'' ¹³ Lakini akawalongela, ''Mweye wenkheni kinthu cha kudya.'' Wakalonga ''Chabule zaidi ya vipande vitano vya migate na somba waidi, isipokuwa chiite a kugula ndiya kwa ajili ya kusanyiko dino da wanthu.'' ¹⁴ Kukala na wanawalume wapatao elfu tano hadya. Akawalongela wanahina wake. ''Wakalisheni hasi katika makundi ya wanthu wapatao hamsini kwa kila kundi. ¹⁵ Kwa hiyo wakatenda hivyo wanthu wakalale hasi. ¹⁶ Akasola migate mitano na somba waidi na akalola kuulanga, akavibaliki, na kuvimega katika vipande, akawenkha wanahina wankhe ili waviike kulongozi ya matinkhano. ¹⁷ Wose wakadya na wakaguta, na vipande vya ndiya visigale vidondoligwa na kumemeza visege kumi na viidi. ¹⁸ Nayo ikawa kwamba, akala akilomba mdumwe, wanahina wankhe wakala hamwe naye, na akawauza akilonga, ''wanthu hulonga nie ni niani?" ¹⁹ Wakajibu, wakalongo, ''Yohana mbatizaji, lakini wamwenga hulonga Eliya, na wamwenga hulonga imwe wa walotezi wa nyakati za umwaka amefufuka kaidi.'' ²⁰ Akawalongela, ''Lakini mweye molonga nie ni niani?" Akajibu Petro akalonga, ''Kilisito kulawa kwa Mulungu." ²¹ Lakini kwa kuwaonya, Yesu akawaelekeza kutomlongela yeyose nchanya ya dino, ²² akalonga kwamba mwana wa Adamu lazima ateseke kwa mbuli mengi na kulemigw na walala wa Makuhani wakulu na waandishi, na akomigwe, na siku ya nthatu atafufuka. ²³ Akawalonela wose, ''kama munthu yeyose akilonda kunikola, lazima ajikane mwenyewe, asole msalaba wankhe kila siku, na anikole. ²⁴ Yeyose kogezaye kuyaokola maisha yankhe naayaze, lakini yeyose koyaza maisha yankhe kwa faida yangu, atayaokola. ²⁵ Je nakimfaidile mbwani mwanadamu, kama akiipata isi yose, lakini akayaza au akapantha hasala ya nafsi yake? ²⁶ Yeyose kolonda nionela chinyala nie na mbuli yangu, kumwake yeye mwana wa Adamu naamuonele chinyala atakapokuwa muna utunyo wamkhe, na utunyo wa Tata na wasenga watakatifu. ²⁷ Lakini nowalongela ukweli, kuna baadhi yenu wotimalala hano, seke waonje umauti mpaka waulole umwene wa Mulungu.'' ²⁸ Ikalawila yapata siku nane baada ya Yesu kulonga mbuli ziya kwamba akawasola hamwe nae Petro, Yohana na , Yakobo, wakakwela muumlima kulomba. ²⁹ Na akalile muna kulomba, muonekano wa cheni yake ubiduka, na mavazi yankhe yakawa meupe na ya kung'aa. ³⁰ Na lola, wakalaaho wanawalume waidi wakilonga naye! Wakala Musa na Elia, ³¹ waoneka katika utunyo. Walonga kuhusu kuhalawa kumwake, mbuli ambadyo alikalibia kuditimiza Yelusalemu. ³² Lelo Petro na wala wakalile hamwe naye wakala katika nthongo mzito. Lakini waamkile, waliuona utunyo wankhe na wanawalume waidi wakalile waimalala hamwe nae. ³³ Ikalawila kwamba, wakalile wakihalawa kwa Yesu, Petro akamlongela, ''Mndewa, ni goya kumwetu kukala hano na inatupasa chitengenenze makazi ya wanthu wanthatu. Chitengenenze imwe kwa ajili yako, imwe kwa ajili ya Musa, na imwe kwa ajili ya Eliya.'' Haelewile kakala kokilonga. ³⁴ Akalile akilonga hayo, dikeza wingu na dikawagubika; na wakaogoha waonile wazunguukigwa na wingu. ³⁵ Lwangi ukalawa mudi wingu ikalonga, ''Yuno ni mwanangu mteule. Mtegelezeni yeye.'' ³⁶ Lwangi ihanyamalile, Yesu kakala mdumwe wakala hupi, na katika siku hizo hawamlongele yeyose dyodyose mgati mwa wayaonile. ³⁷ Siku iinzile, baada ya kulawa muumlima, kusanyiko kulu da wanthu dinthinkhana nae. ³⁸ Lola, mwanamulume kulawa mui kusanyiko kalila kwa lwangi, akilonga, ''Mwalimu nokulomba umlole mwanangu, kwa kuwa ni mwanangu wa mdumwe. ³⁹ Koona roho ihile humtoza, na mala huguta nyangi, na pia humtenda achanganyikiwe na kulawigwa povu muumulomo. Nayo humlawa kwa shida, ikimsababishila maumivu makali. ⁴⁰ Naliwasihi wanahina wako kuikemela ilawe, lakini hawadahile.'' ⁴¹ Yesu akajibu akalonga, ''Mweye kizazi kisichoamini na chagile, mpaka lini nanikale namweye na kusolana namweye? Mgale mwanago hano.'' ⁴² Mbwanga akalile kokwiza, roho ihile imlagaza hasi na kumtikisa kwa fujo. Lakini Yesu kaikemela ila roho ihile, kamuhonya mbwanga, na kumkabidhi kwa tati yake. ⁴³ Wose washangazigwa na ukulu wa Mulungu. Lakini wakalile wakistaajabu wose kwa mbuli zose zitendekile, akalonga kwa wanahina wankhe. ⁴⁴ ''Mbuli yawakale muimagutwi mmwenu, kwa kuwa Mwana wa Adamu naalavigwe muimikno mwa wanadamu.'' ⁴⁵ Lakini hawakuelewa maana ya mbuli ziya, na yafisigwa mmeso pao, ili sekeweze wakadielewa. Wakaogoha kumuuza kuhusu mbuli idyo. ⁴⁶ Kamala mgogolo uwandusa ulawika mgati mmwao i nchanya ya niani angekuwa mkulu. ⁴⁷ Lakini Yesu amanyile wakalile wakihojiana muimioyo mmwao, akamsola mwana mdodo, na kumuika upande wankhe, ⁴⁸ na akalonga, ''kama munthu yeyose akimhokela mwana mdodo gesa yuno kwa zina dyangu, konihokela nie pia, na yeyose akinihokela nie, kamuhokela pia anitumile, kwa kuwa aliye mdodo kati yenu ndiye alie mkulu'' ⁴⁹ Yohana akajibu akalonga, ''Mndewa, chimuona munthu akiwinga pepo kwa zaina dyako na chikamlemesa, kwa sababu haambatani na cheye.'' ⁵⁰ Lakini Yesu akamlongela, ''Sekemumzuile, kwa kuwa asiye kibidu na namweye ni wa kwenu'' ⁵¹ Ikalawila kwamba, kulingana na siku zikalile zahaguhi siku zankhe za kwita kuulanga, kwa uimala alielekeza cheni yak Yelusalemu. ⁵² Akatuma wajumbe kulongozi yake, nao wakaita na kuingila katika kijiji cha Wasamalia ili wamtayalishie hanthu. ⁵³ Lakini wanthu huki hawamuhokele, kwa sababu kakala ameelekeza cheni yake Yelusalemu. ⁵⁴ Wanahina wankhe Yakobo na Yohana wadionile dino, wakalonga, ''Mndewa kolonda tuamulu moto uhulumuke hasi kulawa kuulanga uwateketeze?" ⁵⁵ Lakini akawabidukila akawakemela. ⁵⁶ Kamala wakaita muikijiji kimwenga. ⁵⁷ Wakalile wakiita muna nzila yao, munthu imwe akawalongela, ''Nanikukole kokose ukokoita.'' ⁵⁸ Yesu akamlongela, ''Mbweha wanamabugo, ndege wa angani wana viota, lakini mwana wa Adamu kebule pakugoneza mutwi wake.'' ⁵⁹ Ndipo akamlongela munthu imwenga, ''Nikole.'' Lakini yeye akalonga, ''Mndewa, niluhusu kwanza niite nikamzike tati yangu,'' ⁶⁰ Lakini yeye akamlongela, ''Waleke wefile wawazike wefile wao, lakini weye genda ukautangaze umwene wa Mulungu kila hanthu.'' ⁶¹ Pia munthu imwenga akalonga. ''Nanikukole, Mndewa, lakini niluhusu kwanza nikawalage walio katika nyumba yangu.'' ⁶² Lakini Yesu akamlongela hebule munthu, kogela mkono wankhe kulima na kulola kunyuma kofala kwa umwene wa Mulungu.''