¹ Ilawila muda mguhi baadaye kwamba Yesu kandusa kusafili katika mji na jiji mbalimbali, akihubili na kutangaza mbuli zinogile ya umwene wa Mulungu na wala kumi na waidi waita hamwe naye, ² vilavila wanawake fulani wakalile wahoyigwa kulawa kwa roho wehile na utamu mbalimbali. Wakala ni Maliamu atagigwe Magdalena ambaye kakala kalavigwa pepo saba. ³ Yoana mka wa Kuza a meeja wa Helode, Susana, a waawake wamwenga wengi, walavile mali zao kwa ajili yao wenyewe. ⁴ Na baada ya umati wa wanthu kukusanyika hamwe, wakiwemo na wanthu wezile kumwake kulawa miji mbalimbali, akalonga nao kwa kutumia mifano. ⁵ ''mhandaji kaita kuhanda mbeyu, akalile akihanda, baadhi ya mbeyu hizo zikalagala hankhanda ya nzila zijatigwa hasii ya migulu, na ndege wa angani wakazidya. ⁶ Mbeyu zimwenga zikalagala nchanya ya udongo wa miamba na ahoziotile na kuwa miche ziholoza wkwa sababu hakukalile na unyevunyevu. ⁷ Mbeyu zimwenga zilagala mui mibiki ya miwa, nayo hiyo miwa, inyala hamwe na zila mbeyu na zisongigwa. ⁸ Lakini mbeyu zimwenga zilagala mui udogno unaofaa na zikaeleka mazao mala mia zaidi. ''Baada ya Yesu kulonga mbuli zino, kaguta nyangi, ''Yeyose aliye na magutewi ya kuhulika na ahulike.'' ⁹ Kaidi wanahina wankhe wakamuuza maana ya mfano huo, ¹⁰ Yesu akawalongela, ''Mwinkhigwa upendeleo wa kumanya sili ya umwene wa Mulugu, lakini wanthu wamwenga nawafundishigwe tu kwa mifano, ili kwamba 'wakiona sekewaone na wakihulika wasielewe.' ¹¹ Na ino ndiyo maana ya mfano uno. Mbeyu ni mbuli da Mulungu. ¹² Mbeyu zila zilagale hankhanda ya nzila ndiyo wala wanthu wodihulika mbuli, na baadaye mbananzi kinyamkela hudisola kutali kulawa muumoyo, ili kwamba sekewaamini na kuokoigwa. ¹³ Kamala na zila zilagalile mui mwamba ni wanthu wala wohulika mbuli na kudihokela kwa seko lakini webule mizizi yeyose, woamini tu kwa muda mguhi, na wakati wa majalibu hulagala. ¹⁴ Na mbeyu zila zilagalile mui miwa ni wanthu wohulika mbuli, lakini wanapoendeleaa kukula husongigwa na huduma na utajii na ubola wa maisha yano na hawaeleka matunda. ¹⁵ Lakini zila mbeyu zilagalile mui udongo unogile ni wala wanthu, ambao ni wanyenyekevu na mioyo inogile, baada ya kudihulika mbuli huditozelela na dikawa salama na kweleka matunda ya uumilivu. ¹⁶ Lelo, kubule hata imwe, kowasha taa na kuigubika ka bakuli au kuiika hasi ya komwa. Badala ya kuiika mui kinala cha taa ii kwamba kila imwe koingila apate kuilola. ¹⁷ Kwa kuwa hebule nakiifise ambacho sekekimanyike, au chochose kilicho silini ambacho sekekimanyike kikiwa mui bunkhulo. ¹⁸ Kwa hiyo kuwa makini unapokuwa kotegeleza. Kwa sababu akalile nacho, kumwake naaongezeigwe nkhani, lakini ebule nacho hata kila kidodo alicho nacho nakisoligwe.'' ²⁰ baadaye mami yake Yesu na lumbu zake wakeza kumwake hawakalibile kwa sababu ya umati wa wanthu. ¹⁹ Na akalongeligwa, ''Mami yako na lumbu zako wako hadya kunze wokulonda kukulola weye. ²¹ LakinI, Yesu akajibu akalonga ''Mami yangu na lumbu zangu ni wala wodihulika mbuli da Mulungu na kuditii.'' ²² Ilawila siku imwe kati ya siku zila Yesu na wanahina wankhe kakwela mu mtumbwi, na akawalongela, ''Na tuvuke ng'ambo ya pili ya ziwa.'' Wakaandaa mashua yao. ²³ Lakini waandusile kuhalawa, Yesu akagona nthongo, a dholuba kali yenye mbeho, na mashua yao ikandusa kumema mazi na wakala mui hatali nkhulu nkhani. ²⁴ baadaye wanahina wankhe wakeza kumwake na kumwamsha, wakilonga, ''Mndewa mkulu! Mndewa mkulu! cha haguhi kudanganika!" Akaamka na akaukemela mbeho na mawimbi ya mazi vikatulia na kukawa na utulivu. ²⁵ Kaidi akawalongela, ''Imani yenu yakulihi?" Wakaogoha, Walishangaa, wakalongelana kila imwe na miyage, ''Yuno ni niani, kiasi kwamba koamulu hata mbeho, na mazi ha humtii?" ²⁶ Wakafika mui mji wa Gelasini iliyo upande wa nyuma ya galilaya. ²⁷ Yesu ashukile na kujata mui aldhi, munthu fulani kulawa mji, akatinkhana naye, na yuno munthu kakala na nguvu za ziza. Kwa muda mtali kakala havala nguo, na kakala haishi mui Nyumba, lakini aliishi mui maziala. ²⁸ Amwonile Yesu akalila kwa lwangi, na akalagala hasi kulongozi yake. Kwa nyangi nkhulu akilonga, Nitenda mbwani kumwako, Yesu mwana wa Mulungu aliye kuchanya? Nokusihi, Sekeuniadhibu nie'' ²⁹ Yesu akaamulu roho ihile imlawe munthu yula, kwa kuwa mala nyingi kapagawa. hata kama kakala kafungigwa minyololo na kubanigwa na kuikwa hasi ya ulinzi, kabena vifungo na kuendeshigwa na mapepo mpka mudijangwa. ³⁰ Yesu akamuuza, ''Zina dyako niani?" akajibu akilonga, ''Legioni'' Kwa maana mapepo mengi yaingila kumwake. ³¹ Wakaendelea kumsihi sekeutuamulu chite mudi bugo. ³² Kundi da nguluwe dikala dikichungigwa kuchanya ya kilima, wakamsihi awaluhusu wakaingile kwa hau nguluwe. Na akawaluhusu kutenda hivyo. ³³ Kwa hiyo wala mapepo wakamlawa munthu yula na kuingila kwa wala nguluwe, na dila kundi dikakimbila mui mwinuko wa mlima mpaka ziwani na wakazama humo. ³⁴ wala wanthu wakalile wochunga wala nguluwe waonile kilawile, wakakimbila na wakalava taalifa hadya mjini na kunze katika mji iwazungulikile. ³⁵ Wanthu wahulikile hayo wakaita kuona kilawile, na wakeza kwa Yesu na wakamwona munthu ambaye mapepo yakala yamlawa, kakala kavala goya na mwenye akili timamu, kakala mui migulu ya Yesu, na wakaogoha. ³⁶ ndipo imwe wao aonile kilawile kandusa kuwasimulila wamwenga jinsi yuno munthu akalile koongozigwa na mapepo ivoahonyigwe. ³⁷ Wanthu wose wa mkoa wa Wagelasi na hanthu yazungukile wamulomba Yesu ahalawe kumwao kwa sababu wakala na hofu nkhulu. Na akaingila mui mtumbwi ili abwele. ³⁸ Munthu yula alawiligwe na pepo alimsihi Yesu kwita naye, lakini Yesu akamlongela aite na kulonga, ³⁹ ''Bwela mui nyumba yako n uhesabu yala yose ambayo Mulungu kakutendela'' Yuno munthu akahalawa, akitangaza kos katika mji wose yala yose ambayo Yesu ayatendile kwa ajili yankhe. ⁴⁰ Na yesu akabwela, matinkhano wakamkalibisha, kwa sababu wose wakala womgoza. ⁴¹ Lola akeza munthu imwe kotangigwa Yailo ni imwe kati ya vilongozi katika sinagogi. Yailo akalagala muimigulu pa Yesu na kumsihi aite ukaya kumwake, ⁴² kwa sababu kakala na mwana mndele imwe tu, mwenye umli wa miaka kumi na miidi, na kakala katika hahli ya kudanganika. Na akalile akiita, matinkhano wakala wakisongama dhidi yake. ⁴³ Mwanamke mwenye kulawigwa damu kwa miaka kumi na miidi kakala hadya na alitumia pesa zose kwa wagaga, lakini hebule amuhonyile hata imwe, ⁴⁴ keza kunyuma ya Yesu na kutoza pindo da vazi dyake, na ghafla kulawiligwa damu kukakoma. ⁴⁵ Yesu akalonga, ''Niani ambaye kanitoza?" Walemile wose, Petro akalonga, Mndewa Mkulu, umati wa wanthu wokusunkha na wokusonga." ⁴⁶ Lakini Yesu akalonga, ''Munthu imwe kanitoza, maana nimanya nguvu zilawa kumwangu.'' ⁴⁷ Mwanamke aonile ya kuwa hadaha kufisa akitendile, akandusa kugudemeka, akalagala hasi kulongozi ha Yesualitangaza kulongozi ya wanthu wose sabahu zitendile amtoze na vila ahonyigwe ghafla. ⁴⁸ Kamala akalonga kumwake, ''Mndele, imani yako ikutenda uwe mgima. Genda kwa Amani.'' ⁴⁹ Akalile akiendelea kulonga, munthu imwe akeza ulawa mui nyumba ya kilongozi wa sinagogi, akilonga, ''Mndele wako kadanganika. Sekeumsumbule mwalimu.'' ⁵⁰ Lakini Yesu ahulikile hivyo, alimjibu, Usekogoha. Amani tu, na ataokoigwa.'' ⁵¹ Kamala ahoaingile mui hiyo nyumba, hakuluhusu munthu yeyose kuingila hamwe naye, isipokuwa Petro, Yohana na Yakobo, tati yake mndele, na mami yake. ⁵² Lelo wanthu wose wakala woomboleza na kulava lwangi kwa ajili yake, lakini akalonga, ''Sekemgute nyangi, hadanganikile, lakini kagona tu.'' ⁵³ Lakini wakamseka kwa dhalau, wakimanya kuwa kadanganika. ⁵⁴ Lakini yeye, akamtoza mndele mkono, akatanga kwa lwangi, akilonga, ''Mwana, inuka'' ⁵⁵ roho yake ikambwelela, na akainuka wakkati huohuo. Akaamlisha kwamba, enkhigwe kinthu fulani ili adye. ⁵⁶ Wazazi wankhe wakasangala, lakini aliwaamulu sekewamlongele munthu kikala kilawile.