¹ Baada ya mbuli zino, Mndewa akasagula sabini wamwenga, na kuwatuma waidi waidi wamlongole katika kila mji na hanthu alilotalajia kwita. ² Akawalongela, ''Mavuno ni mengi, lakini watenda sankhani ni wadodo. Hivyo basi mulombeleni Mndewa wa mavuno, ili kwamba atume halaka watendasankhani katika mavuno yake. ³ Gendeni katika mji. Loleni, nowatuma kama kondoo mgati ya mbwa mwitu. ⁴ Sekempape mfuko wa pesa, wala mikoba ya wasafili, wala vilatu, wala sekemulamse yeyose muinzila. ⁵ Katika nyumba yeyose molonda muingile, mwanduso longeni, 'Amani iwe katika nyumba ino.'

⁶ Gesa munthu wa amani kahadya, amani yenu naisigale nchanya mmwake, lakini kama siyo, naibwele kumwenu. ⁷ Sigaleni muna inyumba hiyo, dieni na mng'we wolondawakilave, kwa maana mtendasankhani kostahili mshahala wankhe. Sekemuhame kulawa nyumba ino kwita imwenga. ⁸ Mji wowose muingilao, na wakawahokela, dieni chochose kiikigwe kulongozi mmwenu, ⁹ na honyeni watamu waumo humo. Longeni kumwao, 'Umwene wa Mulungu wiza haguhi mmwenu' ¹⁰ Lakini katika mji wowose namuingile, na wasiwahokele, gendeni kunze katika nzila na longeni, ¹¹ 'Hata vumbi katika mji wenu dinatile migulu mmwetu chidikung'uta dhidi yenu! Lakini tambuleni dio, Umwene wa Mulungu uhaguhi.' ¹² Nowalongeleni kwamba siku ya hukumu itakuwa ni usitahimilivu nkhani kwa Sodoma kufosa mji huo. ¹³ Ole kumwako Kolazini, Ole kumwako Bethsaida! Kama sankhani nkhulu zitendeke mgati mmwako itendekile Tilo na Sidoni, Wangelitubu umwaka nkhani, wakikala ndani ya nguo za gunia na majivu. ¹⁴ Lakini itakuwa usitahimilivu nkhani siku ya hukumu kwa Tilo na Sidoni zaidi yenu. ¹⁵ Weye Kapelnaumu, Kofikili nauinuligwe mpaka Kuulanga? Hapana, naushushigwe hasi mpaka kuzimu. ¹⁶ Kolonda awategeleze mweye konitegeleza nie, na yeyose kolonda walema konilema nie, na yeyose konilonda nie komlonda anitumile'' ¹⁷ Wala sabini wakabwela kwa seko, wakilonga, ''Mndewa, hata mapepo wotutii katika zina dyako.'' ¹⁸ Yesu akawalongela, ''Nimuona Kinyamkla akilagala kulawa kuulanga kama ladi. ¹⁹ Lola, niwenkha mamlaka ya kujata mazoka na nge, na nguvu zose za adui, na hapana chochose kwa nzila yoose cholondakiwazulu. ²⁰ Hata hivyo sekemsekelele tu katika dino, wamba roho zowatii, lakini sekeleleni nkhani kwamba mazina yenu yaandikigwa kuulanga.'' ²¹ Katika mda ulaula akasekelela nkhani katika Roho Mtakatifu, na kulonga, ''Nokusifu weye, Tata, Mndewa wa kuulanga na isi, kwa sababu kuyafisa mbuli zino kulawa kwa wenye hekima na akili, na kuyagubula kwa hawanafundishigwa, kama wana wadodo. Ena, Tata, kwa kuwa ilipendeza katika mmeso pako.'' ²² ''Kila kinthu kikabidhiigwa kumwangu na Tati yangu, na hebule komanya Mwana ni niani ila Tata, na hebule komanya Tata ni niani ila Mwana, na yeyose ambaye Mwana hutamani kujigubula kumwake.'' ²³ Akawabidukila wanahina, akaonga muifalagha, ''Wabalikiigwa woyaonayo yano ambayo mweye moyaona. ²⁴ Nowalongela mweye, kwamba walotezi wengi na wamwene walitamani kulola mbuli moyaona, na hawayaonile, na kuhulika moyajulika, na hawayahulikile.'' ²⁵ Lola, mwalimu fulani wa shelia ya Kiyahudi katimalala na kungeza, akilonga, ''Mwalimu, nitende mbwani niulithi ugima wa milele?" ²⁶ Yesu akamlongela, ''Kiandikigwa mbwani katika shelia? Koisomaze?'' ²⁷ Akajibu akalonga, ''Naumbwede Mndewa Mulungu wako kwa moyo wankho wose, kwa roho yankho yose, kwa nguvu zankho zose, na kwa akili zankho zose, na jilani yako gesa nafsi yako mwenyewe.'' ²⁸ Yesu akalonga, ''Umejibu kwa usahihi. Tenda vino na utaishi.'' ²⁹ Lakini mwalimu, akitamani kujihesabila haki mwenyewe, Akamlongela Yesu, ''Na jilani yangu ni niani? ³⁰ Yesu akajibu akalonga, ''Munthu fulani kakala akihulumuka kulawa Yelusalemu kwita Yeliko. Akalagalila mgati ya wanyang'anyi, wamnyang'anyile mali yake, na kumtoa na kumleka haguhi akiwa nusu mfu. ³¹ Kwa bahati kuhani fulani kakala akihulumuka katika nzila hiyo, amuonile akafosa upande umwenga. ³² Vivyo hivyo Mlawi pia, afikile hanthu hadya na kumuona, akafosa upande umwenga. ³³ Lakini Msamalia imwe, akalile akisafili, akafosa hadya akalile munthu huyo. ahoamuonile, kasukumigwa na huluma. ³⁴ Alimkalibia na kumfunga vilonda vyankhe, akamtilila mavuta na divai nchanya mmwake. Akamkweleza nchanya ya mnyama wankhe, na kumgala katka nyumba ya wageni na kumhudumia. ³⁵ Siku iinzile akasola dinali mbili, na akampatila mmiliki wa nyumba ya wageni na kumlongela, 'Muhudumie na chochose cha ziada kolonda utumile, nanikulinkhe nikabwela.' ³⁶ Ni ilihi kati ya wano watanthu, kofikili, kakala jilani kumwake yeye alagalile mgati ya wanyang'anyi?" ³⁷ Mwalimu akalonga, ''Ni idya alagisile huluma kumwake.'' Yesu akamlongela, ''Genda na ukatende vivyo hivyo'' ³⁸ Lelo wakalile wakisafili, wakaingila muna ikijiji fulani, na mwanamke imwe zina dyake Maltha alimkalibisha ukaya kumwake. ³⁹ Kakala na dada atangigwe Maliamu, akalile muimigulu pa Mndewa na kutegeleza mbuli dyake. ⁴⁰ Lakini Maltha kajinkha shughuli nyingi za kuandaa ndiya. Akaita kwa Yesu, na kulonga, ''Mndewa, haujali kwamba dada yangu kanileka nihudumu mdumwe? Hivyo basi mlongele anisaide.'' ⁴¹ Lakini Mndewa alimjibu na kumlongela, ''Maltha, Maltha, kosumbuka nchanya ya mbuli mengi, ⁴² lakini ni kinthu kimwe tu cha muhimu. Maliamu kasagula kinogile, ambacho sekekilavigwe kulawa kumwake.''