¹ Ilawila wakati Yesu akalile kolomba hanthu fulani, imwe wa wanahina wankhe akamlongela, ''Mndewa, tufundishe cheye kulomba kama Yohana awafundishile wanahina wankhe.' ² Yesu akawalongela, Msalipo, longeni, 'Tata, zina dyako ditukuzwe. Umwene wankho wize. ³ Uchinkhe mgate wenthu wa kila siku. ⁴ Uchisamehe ubananzi wenthu, gese cheye ivochowasamehe wose wachibanangile. Sekeuchilongoze muna a majalibu.'' ⁵ Yesu akawalongela, ''Ni niani kumwenu atakuwa na mbuya, ambaye naamwitile ichilo, na kumlongela, Mbuya niazime migate minthatu. ⁶ Kwa sababu mbuyangu kanimanya sambivi kulawa muinthambo, nanie nabule cha kumuandalia.' ⁷ Na yula akalile mgati akajibu, sekeunitaabishe, Mlango ufungigwa kale, na wana wangu, hamwe nanie chigona kale mdikomwa. Sidaha kuamka na kukwinkha weye migate. ⁸ Nowalongela, japo kuwa haamki na kukwinkha migate kama mbuyake, kwa sababu ya kuendelea kumgongela bila chinyala, ataamka na kukwinkha vipande vingi vya migate kulingana na mahitaji yako. ⁹ Nie pia nowalongeleni, Lombeni, mweye namwinkhigwe; londeni, namweye nampanthe, toeni hodi namweye namfunguliligwe. ¹⁰ Kwa kuwa kila munthu kolomba naahokele, na kila munthu kolonda atapata, na kila munthu kotoa hodi, mlango nauvuguligwe kumwake. ¹¹ Ni tata ilihi mgati mmwenu, mwanage akimulomba somba naamwinkhe zoka badala yake? ¹² Au akimulomba yai naamwinkhe nge badala yake?. ¹³ Kwa hiyo, ikiwa mweye mlio wabananzi momanya kuwenkha wana wenu zawadi zinogile, je si zaidi nkhani Tati yenu wa kuulanga waba atawenkha Roho Mtakatifu hao wamuombao?" ¹⁴ Baadaye, Yesu akawa kokemela pep, na munthu mwenye pepo kakala bubu. Ikiwa pepo dimlawile, munthu huyo kadaha kulonga. Umati wakastaajabu nkhani. ¹⁵ Lakini wanthu wamwenga wakalonga, yuno kohalava mapepo kwa Beelzebul, mkulu wa mapepo. ¹⁶ Wamwenga walimjibu na kumlonda awalagise ishala kulawa kuulanga. ¹⁷ Lakini Yesu kayatambula mawazo yao na kuwalongela, ''Kila umwene utakaogawanyika itakuwa ukiwa, na nyumba iliyo gawanyika nailagale. ¹⁸ Gesa Kinyamkela naawe kagawanyika, umwene wankhe nautimaleleze? Kwa sababu molonga nolava mapepo kwa Beelzebul. ¹⁹ Gesa nie nlava mapepo kwa Beelzebul, je wayenu wolava mapepo kwa nzila ilihi? Kwa sababu ino, wao watawahukumu mweye. ²⁰ Lakini, gesa nolava mapepo kwa kidole cha Mulungu, basi umwene wa Mulungu uwazila. ²¹ Munthu mwenye nguvu na silaha akilinda nyumba yankhe, vinthu vyake navikale salama. ²² Lakini akivamiigwa na munthu mwenye nguvu zaidi, Yula munthu mwenye nguvu atamnyang'anya silaha zake, na kuzisola mazli zankhe zose. ²³ Yeye asiye hamwe nanie yuko kibidu nanie, na yeye asiyekusanya hamwe nanie hutapanya. ²⁴ Pepo ehile komlawa munthu, huita na kulonda hanthu pasipo na mazi ili ahumule. Atakapokuwa amekosa, hulonga, 'nanibwele nilawile. ²⁵ Akibwela na kutinkha nyumba ifagiligwa na ikala goya. ²⁶ Hivyo huita na kulonda mapepo saba walio wehile kufosa yeye mwenyewe na kuwagala weze wakale hanthu pale. Na hali ya munthu huyo kuwa iha kufosa ikalile mala ya mwanduso.'' ²⁷ Ilawila kwamba akalile akilonga mbuli zino, mwanamke fulani akaguta nyangi yankhe nkhani ya wose mui mkutano wa wanthu na kulonga ''Dibalikiigwa munda dililo kweleka na matiti unyonyile'' ²⁸ Lakini yeye akalonga, wabalikiigwa wala webule mbuli da Mulungu na kuditunza. ²⁹ Wakati umati wa wanthu wokusanyika na kuongezeka, Yesu akandusa kulonga ''Kyelesi kino ni kyelesi cha ubananzi. Sekeufute ishala, na hebule ishala wenkhigwe zaidi ya ila ishala ya Yona. ³⁰ Maana gesa Yona akalile ishala kwa wanthu wa Ninawi, ndivyo na Mwana wa Adamu atakavykuwa ishala kwa kyelesi kino. ³¹ Malkia wa kanisa naatimalale siku ya hukumu na wanthu wa kyelesi kino na kuwahukumu wao, kwani yeye kalawa katika uhelelo wa nchi ili eze ategeleze hekima za Solomoni, na hano aliye mkulu kufosa Solomoni. ³² Wanthu wa Ninawi nawatimalale katika hukumu hamwe na wanthu wa kyelesi kino siku ya hukumu watakihukumu, kwani wao walitubu kwa mahubili ya Yona, na lola, hano yuko aliye mkulu kufosa Yona. ³³ Hebule munthu yoyose, awashaye taa na kuiika hanthu ha hasi yenye ziza isiyooneka au hasi ya kisege, ila huwasha na kuika nchanya ya kinthu ili kila munthu aingile adahe kuona bunkhulo. ³⁴ Ziso dyako ni taa ya mtufi. Ziso dyako dikiwadinogile basi mtufi wankho wose utakuwa mui bunkhulo. Lakini ziso dyako dikiwa dihile basi mtufi wankho wose nauwe mudi ziza. ³⁵ Kwa hiyo, mjihadhali ili bunkhulo ulio mgati mmwenu sekeutangwe ziza. ³⁶ Hivyo basi, kama mtufi wankho wose uko mui bunkhulo, na hebule hanthu iliyo katika ziza, basi mtufi wankho utakuwa sawa na taa iwakayo na kulava bunkhulo kumwenu.'' ³⁷ Akomelezile kulonga, Falisayo alimwalika akadye ndiya ukaya kumwake, naye Yesu akaingila mgati na kuwa hamwe nao. ³⁸ Na Mafalisayo wakashangala wka jinsi ambavyo hanawile kwanza kabla ya ndiya cha jioni. ³⁹ Lakini Mndewa akawalongela, ''Mweye Mafalisayo moonesha kunze ya vikombe na bakuli, lakini mgati yenu mmema tamaa na ubananzi. ⁴⁰ Mweye wanthu mubule na ufahamu, Je yeye aumbile kunze haumbile na mgati pia? ⁴¹ Wenkheni masikini yaliyo mgati, na mbuli zose yatakuwa safi kumwenu. ⁴² Lakini ole wenu Mafalisayo, kwani molava zaka ya mnanaa na machicha na kila aina ya mboga ya bustani. Lakini mleka mbuli ya haki na kumbweda Mulungu. Ni muhimu nkhani kutenda yaliyo ya haki na kumbweda Mulungu, bila kuleka kutenda na hayo yamwenga pia. ⁴³ Ole wenu Mafalisayo, kwa kuwa mobweda kukala katika vinthi vya kulongozi mui masinagogi na kulamsigwa kwa salamu za heshima mudisoko. ⁴⁴ Ole wenu, kwani mofanana na maziala yebule na alama ambayo wanthu hugenda kuchanya mmwake pasipokumanya.'' ⁴⁵ Mwalimu imwe wa shelia za Kiyahudi akamjibu na kumlongela, ''Mwalimu, ikochilonga chotuuzi pia cheye.'' ⁴⁶ Yesu akalonga, ''Ole wenu, waalimu wa shelia! kwani mowenkha wanthu mizigo mikulu wasiyodaha kuipapa, walakini mweye hamtoza mizigo hiyo hata kwa imwe ya vidole vyenu. ⁴⁷ Ole wenu, kwa sababu mozenga na kuika kumbukumbu mui maziala ya walotezi' ambao wakomigwa na mababu zenu. ⁴⁸ Hivyo mweye moshuhudila na kutogolana na sankhani wazitendile mababu zenu, kwa sababu hakika wawakoma walotezi ambao mozenga kumbukumbu katika maziala yao. ⁴⁹ Kwa sababu hiyo pia, hekima ya Mulungu yolonga, 'Naniwatumile walotezi na mitume nao watawatesa na kuwakoma baadhi yao. ⁵⁰ Kyelesi kino kitawajibika kwa damu ya walotezi wakomigwe tangu kwandusa kwa isi, ⁵¹ Kulawa damu ya Abeli hadi damu ya Zakalia, akomigwe mgati ya madhabahu na patakatifu. Ena, nowalongela mweye, kyelesi kino kitawajibika. ⁵² Ole wenu waalimu wa shelia za Kiyahudi, kwa sababu msola funguo za ufahamu; mweye wenyewe hamuingila, na wala wolonda kuingila mowazuila.'' ⁵³ Baada ya Yesu kuhalawa hadya, Waandishi na Mafalisayo walimpinga na kubishana naye nchanya ya mbuli mengi. ⁵⁴ wakigeza kumnasa kwa mbuli zake.