¹ Basi watoza ushulu wose na wamwenga wenye ubananzi wakeza kwa Yesu na kumtegeleza. ² Mafalisayo wose na waandishi wakanung'unika wakilonga, ''Munthu yuno huwakalibisha wenye ubananzi na hata hudya nao.'' ³ Yesu akalonga mfano uno kumwao, akilonga ⁴ ''Niani kumwenu, kama ana kondoo mia imwe na akipoteleigwa na imwe wao, sekeawaleke wala tisini na tisa muimbago, na aite akamlonde yula agile hadi amwone? ⁵ Naye akisha kumpantha kumuika muimabega hake na kusekelela. ⁶ Afikapo mui nyumba, huwatanga mbuya zake na jilani zake akawalongela sekeleleni hamwe nanie, kwa kuwa nimempata kondoo wangu agile.' ⁷ nowalogela vivyo hivyo nakuwe na seko kuulanga kwa ajili ya mwenye ubananzi imwe atubuye, zaidi ya wenye haki tisini na tisa ambao webule haja ya kutubu. ⁸ Au kuna mwanamke ilihi mui salafu kumi za fedha, akiyaza na salafu imwe, seke awashe taa na kufagila nyumba na kulonda kwa bidii hadi ahoaipanthe? ⁹ Na kamala akaiona huwatanga mbuya zake na jilani zankhe akawalongela sekeleleni hamwe nanie, kwa kuwa niipantha kaidi salafu yangu nikalile niiyaza. ¹⁰ Hata hivyo nowalongela kuna seko kulongozi ya wasenga wa Mulungu kwa ajili ya mwenye ubananzi imwe atubuye.'' ¹¹ Na Yesu akalonga, ''Munthu imwe kakala na wana waidi ¹² yula mdodo akamlongela tati yake, Tata ninkhe hanthu ha mali yonistahili kulithi. Hivyo akagawanya mali zankhe mgati mmwao. ¹³ Siku si nyingi yula mdodo akakusanya vyose kovimiliki akaita nchi ya kutali, na huko akatapanya hela zankhe, kwa kugula vinthu asivyo vihitaji, na kutapanya fedha zankhe kwa anasa. ¹⁴ Nae akalile katumila kale vyose nzala iingila nchi ila naye akandusa kuwa katika uhitaji. ¹⁵ Akaita na kujiajili mwenyewe kwa imwe wa laia wa nchi ila, naye kamgala mumgunda kumwake kulisha nguluwe. ¹⁶ Na akawa akitamani kujigutisha kwa maganda wadile nguluwe kwa sababu kubule munthu amwinkhile kinthu chochose apanthe kudya. ¹⁷ Ila yula mwana mdodo azingatile muumoyo mmwake, akalonga 'ni watumgwa wangahi wa tati yangu wodya kingi cha kutosha na niie na hano, noanganika na nzala! ¹⁸ Nanihalawe na kwita kwa tati yangu, na kumlongela, 'Tata nibananga kuchanya ya ulanga na kulongozi ya meso yankho. ¹⁹ Sistahili kutangigwa wanago kaidi; nitende gesa imwe wa watumigwa wankho.'' ²⁰ Ndipo akahalawa akaita kwa tati yake. Akalile angali kutali tati yake alimuona akamwonela huluma akaita mbio na kumkumbbatila na kumbusu. ²¹ Yula mwana akamlongela, 'tata nimekosa kuchanya ya ulanga na kulongozi ha meso yankho sistahili kutangigwa mwanago.' ²² Yula tata akawalongela watumigwa wanhe, 'Digaleni haluse vazii dililo dinogile, mkamvike mgaleni na pete muikidole na vilatu muimigulu. ²³ Kamala mgaleni ndama yula aonile mkamchinje chidye na kusekelela. ²⁴ Kwa kuwa mwanangu kakala kadanganika naye yu hai. Kakala kaga nae kaoneka wakandusa kusekelela. ²⁵ Basi yula mwanage mkulu kakala kumgunga. Akalile akeza na kuikalibia nyumba akahulika lwangi ya wila na michezo. ²⁶ Akatanga mtumigwa imwe akamuuza mbuli zino maana yake mbwani? ²⁷ Mtumigwa akamlongela mdodo wako keza na tati ako kamchinjila ndama anonile kwa sababu kabwela goya.' ²⁸ Mwana mkulu akakasilika akalema kuingila ndani na tati ake akalawa kunze kumsihi. ²⁹ Ila akimjibu tatiyake akilonga, 'Lola nie nikutumikila miaka mingi, wala sikosile amli yako, lakini huninkhile mwana mbuzi, ili nidahe kushehelekea na mbuya zangu. ³⁰ Lakini ezile yuno mwana wankho atapanyile mali zako zose hamwe na makahaba kumchinjila ndama anonile. ³¹ Tata akamlongela, 'Mwanangu, weye u hamwe nanie siku zose na vyose nilivyo navyo ni vyankho. ³² Ila ikala goya kumwetu kutenda shelehe na kuseka, yuno lumbu dyako kakala kadanganika, na sambi yu hai; kakala kaga naye kaoneka.''