¹ Ikalawila siku ya Sabato, akalile akiita ukaya kwa imwe wa vilongozi wa Mafalisayo kudya mgate, nao wakala wakimchunguza kwa haguhi. ² Lola, hadya kulongozi yake kakala munthu ambaye kosumbuuigwa na uvimbe. ³ Yesu akauza wataalamu muna ishelia ya Wayahudi na Mafalisayo, ''Je, ni halali kumhonya siku ya Sabato, au sivyo?'' ⁴ Lakini wao wakala hupi, kwa hiyo Yesu akamtoza, akamhonya na kumluhusu aite zake. ⁵ Naye akawalongela, ''Ni niani mgati mmwenu ambaye ana mwana au ng'ombe kotumbukila muikisima siku ya Sabato seke amvute kunze mala imwe?" ⁶ Wao hawakalile na udaho wa kulava jibu kwa mbuli zino. ⁷ Wakati Yesu agunduile jinsi wala waalikigwe kwamba wasagula vinthi vya heshima, akawalongela mfano, akiwalongela, ⁸ ''Wakati ahomoalikwa na munthu muihalusi, sekeukale katka nafasi za heshima, kwa sababu yodahika kaalikigwa munthu ambaye ni wakuheshimigwa nkhani kufosa weye. ⁹ Wakati munthu awaalikile mweye waidi akifika, atakulongela weye, ''mpishe munthu yuno nafasi yako,'' na kamala kwa chinayala nauanduse nafasi ya uhelelo. ¹⁰ Lakini weye ukialikigwa, genda ukakale hanthu ha uhelelo, ili wakati yula akualikile akeza, adahe kukulongela weye, 'Mbuya, genda kulongozi zaidi.'' ndipo utakuwa umeheshimika kulongozi ha wose wakalile hamwe nawe muimeza. ¹¹ Kwa maana kila ajikwezaye atashushigwa, na yeye ajishushae naakwezigwe.' ¹² Yesu pia akamlongela munthu amualikile, 'Ahokolava ndiya ya imisi au jioni, sekeuwaalike mbuya zako au lumbu zako au jamaa zako au majilani zako matajili, ili kwamba wao sekeweze wakakualika weye ukapantha malipo. ¹³ Badala yake, ahokotenda shelehe, waalike masikini, vilema, viwete na vipofu, ¹⁴ na weye naubalikiigwwe, kwa sababu hawadaha kukuliha. Kwa maana naulinkhigwe katika ufufulo wa wenye haki.'' ¹⁵ Wakati imwe wa wala wakalile muimeza hamwe na Yesu ahulikile hayo, naye akamlongela, ''Kabalikiigwa yula kolondaadye mgate katika Umwene wa Mulungu!" ¹⁶ Lakini Yesu akamlongela, ''Munthu imwe aliandaa shelehe nkhulu, akaalika wanthu wengi. ¹⁷ Wakati shelehe ikalile tayali, kamlagiliza mtumigwa wankhe kuwalongela wala waalikigwe, 'Inzoni, kwa sababu vinthu vyose viikigwa kale.' ¹⁸ Wose, wakandusa kulomba ladhi. Wa mwanduso akamlongela mtumigwa, 'Nigula mgunda, lazima nite kuulola. Tafadhali unisamehe.' ¹⁹ Na imwenga akalonga, 'Nigula jozi tano za ng'ombe, na nie noita kuwageza. Tafadhali uniwie ladhi.' ²⁰ Na munthu imwenga akalonga, 'Nisola mke, kwa hiyo sidaha kwiza.' ²¹ Mtumigwa akabwela na kumlongela mndewa wankhe mbuli hizo. Yula mwenye nyumba alikasilika akamlongela mtumigwa wankhe, 'Genda haluse muimitaa na katika vichocholo vya mji kuawagale hano masikini, vilema, vipofu na walemavu.'' ²² Mtumigwa akalonga, 'Mndewa, hayo uyalagilize yatendeka kale, na hata sambi kunkhali kuna nafasi.' ²³ Mndewa akamlongela mtumigwa, 'Genda katika nzila nkhulu na vichocholo na uwashulutishe wanthu wangile, ili nyumba yangu imeme. ²⁴ Kwa maana nowalongela, katika wala waalikigwe wa mwanduso hapana kolondaaionje shelehe yangu.' ²⁵ Lelo umati mkulu wakala woita hamwe naye, naye akabiduka na akawalongela, ²⁶ 'Kama munthu akeza kumwangu naye hamchukii tati yangu, mami yangu, mkangu, wana wangu, lumbu zake walume na wanawake- ena, na hata maisha yankhe pia -hadaha kuwa mwanahina wangu. ²⁷ Munthu asiposola msalaba wankhe na kwiza kunyuma yangu hadaha kuwa mwanahina wangu. ²⁸ Maana ni niani mgatu mmwenu, ambaye kotamani kuzenga mnala sekeakale kwanza akadilie ghalama wa mahesabu gesa ana kila kokilonda ili kukamilisha hidyo? ²⁹ Vinginevyo, baada ya kuika msingi na kupotigwa kukomeleza, wose waonile nawanduse kumdhihaki, ³⁰ wakilonga, Munthu yuno kandusa kuzenga, akawa hebule nguvu a kukomeleza.' ³¹ Au mwene ilihi, akilonda kwita kutoana na mwene imwenga katika vita, ambae sekeakae hasi kwanza na kusola ushauli kuhusu kama naadahe, hamwe na watu elfu kumi kutoana na mwene imwenga kokwiza nchanya mmwake na wanthu elfu ishilin? ³² Na gesa sivyo, wakati jeshi da wamwenga dinkhali diko kutali, hulagisa balozi kulonda mashaliti ya amani. ³³ Kwa hiyo basi, yeyose mgati mmwenu ambaye sekealeke vyose awile navyo, hadaha kuwa mwanahina wangu. ³⁴ Munyu ni unogile, lakini ikiwa munyu yaza ladha yankhe, jinsi ilihi yodaha kuwa munyu kaidi? ³⁵ Yabule matumizi kwa udongo au hata mbolea, hukwasigwa kutali. Yeye akalile na maguti ya kuhulika, na ahulike.''