¹ Kwa wakati huo, kukala na baadhi wanthu wamtaalifile nchanya ya Wagalilaya ambao Pilato kawakoma na kuchanganya danu yao na sadaka zao. ² Yesu akajibu na kuwalongela, ''Je modhani kuwa Wagalilaya hao wakala na ubananzi kufosa Wagalilaya wamwenga wose ndiyo maana wapatigwa na yehile hayo? ³ Hapana, nowalongela, lakini msipotubu, mweye namuangamile vivyo hivyo. ⁴ Au wala wanthu kumi na nane muna i Siloamu ambao manala ulagala na kuwakoma, mofikili wao wakala wenye ubananzi zaidi kufosa wamwenga katika Yelusalemu? ⁵ Hapana, nie nolonga, lakini gesa msipotubu, mweye wose pia namuangamile. ⁶ Yesu akawalongela mfano uno, ''Munthu imwe kakala na mtini uhandigwa muna mgunda wake na kaita kulonda matunda kuchanya lakini hapatile. ⁷ Akamlongela mtunza bustani, 'Lola, kwa miaka minthatu niza na kugeza kulonda matunda mui mtini uno lakini sipatile. Uukanthe. Kwani ugale ubananzi wa alidhi? ⁸ Mtunza bustani akajibu na kulonga, 'uleke mwaka uno ili niuhalile na kuiika mbolea nchanya mmwake. ⁹ Gesa ukieleka matunda mwaka wizao, ni goya; lakini kama sekeuweleke, uukanthe!" ¹⁰ Lelo Yesu kakala akiundisha katika imweaho ya Masinagogi wakati wa Sabato. ¹¹ Lola, kakala aho mama imwe ambaye kwa miaka kumi na minne kakala na roho ehile wa udhaifu, na yeye kakala amepinda na kebule udaho kabisa wa kutimalala. ¹² Yesu amuonile, akamtanga, akamlongela, ''Mama, umekuwa hulu halawa mui udhaifu wankho." ¹³ Akaika mikono yankhe kuchanya mmwake, na mala mtufi wake akajinyoosha na akamtukuza Mulungu. ¹⁴ Lakini mkulu wa sinagogi alikasilika kwa sababu Yesu kakala kamuhonya siku ya Sabato. Hivyo mtawala akajibu akawalongela matinkhano, ''Kuna siku sita ambazo ni lazima kutenda sankhani. Inzoni kuhonyigwa basi, si katika siku ya Sabato.'' ¹⁵ Mndewa akamjibu na akalonga, ''wanafiki! Hebule kila imwe wenu kufungula punda wako au ng'ombe kulawa mudizizi na kuwalongoza kumgala kung'wa siku ya Sabato? ¹⁶ Hivyo pia mndele wa Abrahamu, ambaye Kinyamkela amemfunga kwa miaka kumi na minane, je haimpasile kifungo chankhe sekekifunguliigwe siku ya sabato?" ¹⁷ Akalile akillonga mbuli zino, wala wose wampingile waliona chinyala, bali matinkhano wose wa wamwenga washangilila kwa ajili ya mbuli ya ajabu atendile. ¹⁸ Yesu akalonga, ''Umwene wa Mulungu wofanana na mbwani, na nodaha kulinganisha na mbwani? ¹⁹ Ni kama mbeyu ya haladali aisolile munthu imwe na kuihanda muumgunda mmwake, na ikamela ikawa biki kulu, na ndege wa kuulanga wakazenga viota katika matawi yankhe. ²⁰ Kaidi akalonga, ''Nifananishe na mbwani umwene wa Mulungu? ²¹ Ni gesa chachu ambayo mwanamke kaisola na kuchanganya mui vipimo vitanthu vya unga hata ukaumuka.'' ²² Yesu akagenda kila mji na kijiji muinzila akiita Yelusalemu na kuwafundisha. ²³ Munthu imwe akauza, ''Mndewa, ni wanthu wadodo tu nawaokoigwe?" Hivyo akawalongela, ²⁴ ''Iyohe kuingila kwa kufosela mlango msisili, kwa sababu wengi nawageza na sekewadahe kuingila. ²⁵ Mala baada ya mmiliki wa nyumba kutimalala na kuvugala mlango, basi namtimalale kunze na kutoa hodi muumlango na kulonga, Mndewa, Mndewa, chivugulile yeye atajibu na kuwalongela, siwamanyile mweye wala ukomolawa.' ²⁶ Ndipo namlonge, Chidya na kung'wa kulongozi kumwako na weye ulifundiha katika mitaa yenthu.'' ²⁷ Lakini yeye atawajibu, 'nowalongela, siwamanyile, halaweni kumwangu, mweye watenda yehile!' ²⁸ Nakuwe na kililo na kusaga mazino wakati mtakapowaona Abrahamu, Isaka, Yakobo na walotezi wose katika umwene wa Mulungu, lakini mweye wenyewe mkwasigwa kunze. ²⁹ Watafika kulawa Mashaliki, Maghalibi, Kaskazini na kusini, na kuhumula katika meza ya ndiya cha jioni katika umwene wa Mulungu. ³⁰ Na tambula dino, wa uhelelo ni wa mwanduso na wa mwanduso atakuwa wa uhelelo.'' ³¹ Muda mguhi baadaye, baadhi ya Mafalisayo weza na kumlongela, ''Genda na uhalawe hano kwa sababu Helode kolonda kukukoma.'' ³² Yesu akalonga, ''Gendeni mkamlongele yula mbweha, 'Lola, nowawinga pepo kutenda uhonyaji dielo na igolo, na siku ya nthatu nitatimiza lengo dyangu. ³³ Katika hali yoyose, ni muhimu kwa ajili yangu kuendelea dielo, igolo, na siku iinzile, kwa vila haitogoleka kumkoma mlotezi kutali na Yelusalemu. ³⁴ Yelusalemu, Yelusalemu, niani kowakoma walotezi na kuwatoa mayuwe wala watumigwe kumwenu. Mala ngahi nilonda kuwakusanya wana wenu gesa via nguku anavyokusanya vifalanga vyankhe hasi ya mbawa zankhe, lakini hamdilondile dino. ³⁵ Lola, nyumba yako itekelezigwa. Nie nowalongela, hamdaha kuniona hata ahomlonge ' Kabalikiigwa huyo kokwiza kwa zina da Mndewa.''