¹ Yesu akawalongela kaidi wanahina wankhe, ''Pakala na munthu imwe tajili akalile na meneja, na katalifiigwa ya kwamba meneja yuno kotapanya mali zankhe. ² Hivyo tajili akamtanga, akamlongela, ''Ni mbwani noya ihulika nchanya mmwako? Lava hesabu ya meneja wankho, kwa kuwa hudaha kuwa meneja kaidi.' ³ Yula meneja akalonga muumoyo mmwake, Nitende mbwani, maana mndewa wangu konilavila sankhani yangu ya umeneja? Nabule nguvu za kulima, na kulomba noona yano. ⁴ Nomanya nolondaniditende ili ahonilavigwe katika sanhani yangu ya uwakili wanthu wanikalibishe ukaya mmwao. ⁵ Hivyo wakili akawatanga wadeni wa mndewa wankhe kila imwe akamlongela wa mwanduso, 'kodaigwa kiasi kilihi na mndewa wangu? ⁶ Akalonga vipimo mia imwe vya mavuta akamlongela 'sola hati yako kala haluse andika hamsini.' ⁷ kamala akamlongela imwenga na weye kodaigwa kiasi kilihi?' akalonga 'vipimo mia imwe vya unga vya ngano.' Akamlongela 'sola hati yako andika themanini.' ⁸ Yula mndewa akamsifu meneja dhalimu kwa vila atendile kwa weleu. Kwa kuwa wana wa isi ino ni welevu nyingi na hushughulika kwa ujanja na wanthu wa upande wao kufosa walivyo wana wa bunkhulo. ⁹ Nie nowalongela itendeni mambuya kwa mali ya udhalimu ili ahoilongeke wawakalibishe katika makao ya milele. ¹⁰ Aliye mwaminifu katika lililo dodo nkhani huwa mwaminifu katika dililo kulu pia, na aliye dhalimu katika dililo dodo huwa dhalimu miuna dililo kulu pia. ¹¹ Gesa mweye hamuwile waaminifu katika mali ya udhalimu ni niani kolonda awaamini muna mali ya kweli? ¹² Na gesa hamuwile waaminifu katika kutumila mali ya munthu imwenga ni niani naawenkhe iliyo yenu wenyewe? ¹³ Hebule mtumigwa kodaha kutumikila wandewa waidi, kwa maana naamsukile imwe na kumbweda imwenga, ama atatozelezana na yuno na kumdhalau yuno. Hamdaha kutumikila Mulungu na mali.'' ¹⁴ Basi Mafalisayo, ambao wakala wobweda fedha wayahulika yano yose na wakamdhihaki. ¹⁵ Na akawalongela, ''Mweye ndiyo mojidai hadi kulongozi ha wanadamu, lakini Mulungu koimanya mioyo yenu. Kwa kuwa ditukukile kwa wanadamu huwa chukizo kulongozi ha Mulungu. ¹⁶ Shelia na walotezi vikalahano mpaka Yohana ezile. Tangu wakati huo, mbuli zinogile ya umwene wa Mulungu hutangazigwa , na kila munthu hugeza kujiingiza kwa nguvu. ¹⁷ Lakini ni lahisi kwa ulanga na isi vihalawe kufosa hata helufi imwe ya shelia ikosekane. ¹⁸ Kila amlekae mkake na kumsola mke imwenga kozini, naye amwooaye yeye alekigwe na mulumake kozini. ¹⁹ Pakala na munthu imwe tajili avalile nguo za langi ya zambalau na kitani safi na kakala akisekelela kila siku utajili wankhe mkulu. ²⁰ Na masikini imwe zina dyake Lazalo kaikigwa mdigeti mmwake, na ana vilonda. ²¹ Naye kakala akitamani kugutizwa kwa masigazo yalagalile muna imeza ya yula tajili hata mbwa wakeza wakamlamba vilonda vyankhe. ²² Ikawa yula masikini kadanganika na akasoligwa na Msenga mpaka muikifula kwa Ibrahimu. ula tajili naye akadanganika akazikigwa. ²³ Na kula kuzimu akalile katika mateso akayainula meso yankhe akamuona Ibrahimu kwa kutali na Lazalo muikifula mmwake. ²⁴ Akalila akalonga, 'Tata Ibrahimu, nihulumie umlagize Lazalo achovye ncha ya kidole chankhe muimazi, aubwedeze ulimi wangu; kwa sababu notesigwa katika moto uno. ²⁵ Lakini Ibrahimu akalonga, 'Mwanangu kumbuka ya kwamba katika maisha yako kuyahokela mbuli zako zinogile, na Lazalo vivyo kapantha yehile. Ila sambi yuko hano kofalijiigwa na weye kolumizigwa. ²⁶ Na zaidi ya hayo, kuikigwa bugo kulu na tali mgati mmwetu, ili wala wolonda kulawa huku kwita kumwenu wasidahe wala wanthu wa kumwenu sekewavuke kwiza kumwetu.' ²⁷ Yula tajili akalonga, 'Nokulomba Tata Ibrahimu, kwamba umlagize ukaya kwa tati yangu ²⁸ kwa kuwa ninao lumbu watano ili awaonye, kwa hofu kwamba wao pia naweza hanthu hano pa mateso.' ²⁹ Lakini Ibrahimu akalonga, 'Wanao Musa na walotezi. Waleke wawategeleze wao. ³⁰ Yula tajili akalonga, 'hapana, Tata Ibrahimu, lakini kama ikawaitila munthu kolawa kwa wefile watatubu.' ³¹ Lakini Ibrahimu akamlongela, 'wasipo wahulia Musa na walotezi sekewashawishiigwe hata munthu akifufuka katika wefile.