¹ Nkota kujhyengera munarome ghoghoro. Bale mn'dheke mojho anda tate ghwino mareke mojho bhakangombo bhanarome hena ni bharongo bhino. ² Mareke mojho bhakeghe bhazee anda mama ghwabhe na bhakeghe bhakangombo anda n'nomba ghwino kwa uchape bhoha. ³ Bhahechimighwa bhajane, bhara bhubhabhi bhajhane kwere kwere. ⁴ Rakine anda mujane abhi na hyana ahu bhachokoro, bhandina kwanja bhajipu nje kuraghiha hechima kwa bhando bha ukajha mwabhe bhene bhareke bhubharepe bhazaze bhabhe ghamaha kwa kubyhe ehe ipende cha parongoro jha Chapanga. ⁵ Rakine n'jane kwerekwere ni jhora jhubha n'dhekite njika chake. Najhwene kubheka ritegemeho ryake kwa Chapanga. Manjobha ghoha huduma. Katika chara na kukuchura uhiko na pamuhe. ⁶ Ata naha, mkeghe jhora jhwichi kwa anacha awire, ata abhera ghome. ⁷ Na kughaubire agha mambo ila hena bhakota kubyhe na rawama. ⁸ Ira anda mundo andamatuzajhe bharongo bhino, uchuchane bhara bhubhabhire ukajha kwake, aikanite himane na ni bhagha anda mundo jhwa iaminejhe. ⁹ Bachi mkeghe ajhandikichwe paa horoza anda jane abhi na amure ukota kupongoka mihaka tichini. na ni n'dhara ghwa munarome jhumonga. ¹⁰ Rajhima bhiha umanyakine kwa matendo ghamaha. Kaibhye ni hena majare hihyana au bhire mukarimo kwa bhaghene, au achambite maghorogha bhibhiamine au achaidihe ambaho bhakibha bhibhitechwa au akajhibhohite kwa rihengo jhohajera jhamaha. ¹¹ Rakine kwa bhara bhajane bhakangombo, nkane kubhajhandikicha paa horoza jha bhajane kwa kubyhe bhijhingira paa pumatamaniho gha kibhere zaide jha Kristo, bhipara kwatorera. ¹² Kwa ndera ejhe kujhingira paa hatiha kwa kubuhe kudenya kujibhoha kwabhe kwa aware. ¹³ Na piha kujhingira paa kuhyombarera uvivo, ghwabhe kutindira nyumba kwa nyumba. Si tu hena ni bhazembe bare piha bhibhye bhache nganaji na ghuna kujhingirira mambo gha bhange. Bhene kuronge mambo ghangatakighwa kuronge. ¹⁴ Kwa hena nenga napwache jha kutitakira kwa kuhenga Zambe. ¹⁵ Kwa sababo bahaze jhabhe bhagheukire chetane. ¹⁶ Anda mkeghe jhohajhora jhwiamine abhajane, bahe na bhichaidiha ila kanicha Hizarahere, ila rihweze kubhachaidiha bhara bhubhabhi bhajane kwerekwere. ¹⁷ Bahe bhazee bhara bhibhitabha maha bhahechibighwa kubyhe bhichitahire hechima maradupu, hacha bhara bhibhichughurika na kupundicha rirobhe rya Chapanga. ¹⁸ Kwa kubyhe majhandiko gharongire "Unkota kunkamu ng'ombe ndomo piryegha napwaka," na "uhenga mahengo bhapeke nchahara ghwake." ¹⁹ Nkota kupokera machitaka zaide jha bhazehe changabye bhabhi bhachaidie bhabhena au bhatato. ²⁰ Mapundiche bhakochihaji palongoro jha bhando bhoha ila bhumahena bhubhahighi rabuda nabhajhogopa. ²¹ Ni n'dhagharakiha kwa zate parongoro jha Chapanga ina parongoro jha Kristo Yecho na mahoka bhabhaghura, hena mitunje maragharakiho agha ubaguze ghwoha ghora, na hena nkotakuhenga rijjhambo ryoryote kwa hupendeho. ²² Mnkota kubhekera mundo jhohajhora mabhoko kajhombeha. Nkotakuchirike za mbejha mundo jhonge. Hitakighwa kujhituma mabhene bhiha chape. ²³ Itakighwajhe kunywe mache njika badara jhake unywa ughembe kandina kwa ajire jha rutumbo na maghonjwa ghino gha hena kwa hena. ²⁴ Zambe za bahaze jha bhando kumanyikana kwa uwaze, na kubharongarera hukumune rakine baaze jha zambe ipwata badahe. ²⁵ Herehe, bahaze jha rihengo ramaha rimanyikana kwa uwaze rakine ata henge naijhobhekanajhe.