¹ Bhare bhoha bhubhabhi pahe jha nira anda bhatumwa matorerajhe bhangana bhabhe anda bhuna hechima jhoha, bhitakighwa kuhenga naha ila rihina rya Chapanga na mapundicho ghakota kuligha. ² Bhatumwa bhuna bhangana bhibhiamine makota kwazaraho kwa sababo bhene ni bharongo. Barada jhake, matumihe zaide kwa sababo bhangana bhubhachaidiha rihengo ryabhe ni baamine na bhipara kupundicha na kughatangacha mambo agha. ³ Ata mundo purane ipundicha kwa upotofo na aghapokejhe maerekecho ghito ghina kuhaminika ambagho ni marobhe gha Bhambo ghwito Yecho Kristo, ata bhigheketejhe mapundicho ririhongoza paa utabhara. ⁴ Mundo ojho iroka na amanyejhe chohachera. Badala jhake abhi vurugo na mabichano panane jha marobhe. Marobhe agha kupapa bhwiho, ugombe, marigho, chuke mbajha. ⁵ Na vurugo za mara kwa mara kate jha bhando bhuna marango ghughaharabike bhireka kwere. Bhipikiriha hena utabhara ni ndera jha kubyhe matajhire. ⁶ Hena natendakukoma na kurichika ni pwaida ngoronga. ⁷ Kwa mana takahiketejhe na chohachera padunihane. Wara tiwezajhe kutora chohachera kubhoka padunihane, ⁸ Barada jhake titocheke na chakuryegha na ngobho. ⁹ Hena abha bhibhipala kubhyegha na mare kughwegha katika majharibho, katika ntambo. Kughwe katika upumbafo ghumahena na tamaha mbajha, na katika kirebhe chohachere chibhikihenga bhando bhimirye katika mahangamize na uharabipo. ¹⁰ Kwa kubhye kupara bhijha ni chanjo cha hahina hyoha za uhovo bhando ambaho hitamane ejhe bhapotwiche kutare na imane na bhijhi jhochite bhene huchune jhimahena. ¹¹ Rakine mwenga mundo ghwa Chapanga, mughatire mambo agha, pwate hake na koma uhaminifo, uparwa, uvumirivo na upore. ¹² Ntobha vita jhamaha hya himane. Nkamurire huzima ghwa mirere ghubhankemirajhe. Jhakibha ni kwa sababo ejhe hena makabhohite uchuuda parongoro jha bhahide bhumahena kwa chera chikibhire chamaha. ¹³ Nipera hamure ejhe parongoro paa Chapanga. JHwichababicha irebhe hyoha kuichi, na parongoro jha Yecho Kristo, jhwakanenite chibhire kwere kwa Pontiho Pirato. ¹⁴ Itunje amure kwa ukamiripo panga machaka, hade ubhujha ghwa Bhambo ghwito Yecho Kristo. ¹⁵ Chapanga nakakicha ubhujha ghwake kwa ghwakate chahihe, Chapanga, mbaraghwa, rikakala njika, pwarume jhwitabhara, Bhambo jhwihongoza. ¹⁶ Njika chake hichi mirere na jhwitama katika rirangamuhe ghwanga hegharera abhijhe mundo jhwiweza kubhona wara jhwiweza kurora kwajhwene ibha hechima na huwejho ghwa mirere. Hamina. ¹⁷ Marobharere matajire katika hurimwengo ghongo bhakata kuroka, na nkota kutumahine katika utajire, ambagho chi ghwa uhakika. Barada jhake, bhipachwa au bhitakighwa kuntumikiha Chapanga ambahe atipatira utajire ghwohw ghwa kwere ila tihangane. ¹⁸ Marobharere bhibhihenga ghamha, bhajarike katika rihengo ryamaha, bhabhya bhakarimo, na utajhare ghwa kubhoha. ¹⁹ Katika ndera jhene nabhijhibhera nchinge ghwamaha kwa mambo ghajajho ila hena bhaweze kukamu mahicha hariche. ²⁰ Timoteho, n'dhende chabha pekihe jhihepuche na majhadirihano gha kipumbafo na mabichano ghina kukipenga ambayho kwa huwange bhinkema mataipwa. ²¹ Bahaze jha bhando kubhatangacha mambo agha. Ni nane bhikochite himane nema na ibhajhe pamonga najhwene.