¹ Hena mojho ironge wazewaze hena katika nyakate ihika bahaze jha bhando nabhairekanhimane na kubyhe makine. Kujhokanikiha mojho ghwikoroha na mapundicho gha nchuka jhwipara kupundichwa ² katika uwange na unafike zamire hyabhe naibarika. ³ Nabhahibhibhari kutorera na kupokera hikuryegha ambajho Chapanga akaitenganiche itumike kwa chukurane miongone mwabhe bhibhiamine na bhina kwimanya kwere. ⁴ Kwa sababo kila kirebhe hambajho Chapanga aitengeniche ni chamaha kibhijhe hambajho tipokera kwa chukurane kistahire kunkanira. ⁵ Kwa sababo kitakachwa kupetera rirobhe rya Chapanga na kwa ndera jha kukuchura. ⁶ Anda namaghaweza mambo ghena parongoro pa n'ndongo, nabyha ntumiche jhwamaha ghwa Yecho Kristo kwa sababo kughaborecha kwa marobhe gha imane na kwa mapundicho ghamaha ambaho ghumaghafatite. ⁷ Rakine mikane rumoho rwa paduniha ambayho iparwa na bhakakeghe bhazehe. Badala jhake mijipunje mabhene katika utahuha. ⁸ Kwa mana mazoeze ghwa bhere ghifaha kandina, bare hutahuwa (natenda kukoma) mifaha chana kwa mambo ghoha, kutunja ahade kwa maicha gha hena na ghara ghajajho (Bhighi hika). ⁹ Ujhumbe ogho ni ghukuhaminiwa na hunastahire kujhekerwa kabicha. ¹⁰ Kwa kubhye ni kwa sababo ejhe tiranga na kuhenga rihengo kwa bidihe chana, kwa kubhye tikwete ujachire katika Chapanga jhwabhire ghome, ambahe ni mwokoze wa bhando bhoha, rakine hacha kwa bhibhiamine. ¹¹ Kugharonge na kughapundicha mambo agha. ¹² Mundo jhorajhora akatakuzaraha ukangombo ghwino. badara jhake, bhihapwano kwa bhoha bhibhiamine katika urongera, mwehendo, uparwa, uhaminifo na uchape. ¹³ Hede piniparakuhika, n'dhame katika kuchoma, katika kuhonya na katika kupundicha. ¹⁴ Nkota kuhipuhucha karama jhibhire nkate jhabhe, ambajho bhakapeki kupetera ujhumbe kwa kubhekera mabhoko na bhakeze. ¹⁵ Kughajhare mambo agha uhichi anda agha ila kukora kwino kubyhe zaire kwa bhando bhoha. Uzingatihe chana mwenendo ghwino na mapundicho. ¹⁶ N'dhame katika mambo agha, mana kwa kuhenga nahe namijikombora mabhene na bhara bhibhijhokanikanikiha.