¹ Ela sauti, waendelee kudea vitisho hata kwa kifwa kwa wanafunzi wa Mzuri, wagendie kwa kuhani mbaha ² na kumlomba barua kwa ajili ya masinagogi uko Dameski, ili kwamba akampata mundu eko katika chia ija, ake mundu wa womi au muka, awafunge na kuwareda Yerusalemu. ³ Hata akidamba, yafumirie kwamba akifika avui na Demeski, gafula ikamwangaza kose kose nuru kufuma mbingunyi; ⁴ na ye akagwa ndonyi na akasikira sauti ikimzera,"sauli, mbona wamtesa nyi?" ⁵ Sauli akajibu, waani we Mzuri? Mzuri akadeda, "Nyi na Jesu uniuzi, ⁶ Ela inuka, ngia mjini, nawe wedima zerigwa gakupasa kutenda ⁷ Waja wandu wadamba andukumweri na sauli wakamnyama kima, wakisikira sauti, wasawone mundu. ⁸ Sauli akainuka katika isanga na kufungua meso gake, ndadimie kuona wamwada mkonu wakamreda mpaka Dameski. ⁹ Kwa matuku adadu ndawonaa, ndajaa wala ndanywaa. ¹⁰ Basi kwarikogo na mwanafunzi Dameski irina jake Anania, Mzuri wadedie na ye katika maono, "Anania." Na akadeda, "Ngowa, niko aha Mzuri. ¹¹ "Mzuri akamzera, "wukia ugende chia rako katika mtaa guwangwaa Nyofu, na katika nyumba ya Yuda na ugende kotia mundu kufuma Tarso awangwaa sauli, maana waduaga lomba; ¹² na wawonie katika maono mundu irina jake Anania akangia na kuwekea mikonu igu yake ili kwamba apate kuona. ¹³ Ela Anania akajibu, "Mzuri, nasikira habari ra mundu uyu kwa wandu wengi, kwa kiasi ki andu atendee gazamie watakatifu wa uko Yerusalemu; ¹⁴ Aha akona mamlaka kufuma kwa kuhani mbaha kumwada kila umweri ajiwangiga irina jako. ¹⁵ Ela Mzuri akamzera, "Genda, kwa maana ye ni chombo teule kwapwa, kuwusie irina japwa imbiri ya masanga na wazuri na wana wa israeli. ¹⁶ Maana niwawonyeraga geko mengi gampasaga kuteswa kwa ajili ya irina japwa". ¹⁷ Anania akagenda, akangia aja nyumbenyi, Akamwekea mkonu akadeda, mbari sauli, Mzuri Jesu, akufumirie katika chia wakati udacha, waniduma upate kuwona sena na uchurigwe Ngolo wa kuela. ¹⁸ Gafula vikagwa mesonyi kwake vilambo kama magamba, akapata kuwona, akasimama, akabatizwa, akaja vindo na kupata ndigi. ¹⁹ Akakaia andu kumweri na wanafunzi uko Demeski kwa matuku mengi. ²⁰ Wakati ugo gweni akamtangaza Jesu katika masinagogi, akideda kwamba ye ni mwana wa Mlungu. ²¹ Na wose wasikira washangaie na kudeda, siyo mundu uyu awanonie wose wajiwanga irina iji uko Yerusalemu? Na aha wachee kwa ikusudi ja kuwafunga na kuwagenja kwa makuhani." ²² Ela sauli wawezeshiwe kuhubiri na kuwabonya wayahudi warikogo wakika Dameski wachanganyikiwe na kuthibitisha ya kugora uyu ni ye Kristo. ²³ Baada ya matuku mengi, wayahudi wakabonya ishauri andu kumweri ili wambwage. ²⁴ Ela mpango wawaguka manyikana na sauli, wakamvizi mjangonyi mdime na kio wapate kumbwaga. ²⁵ Ela wanafunzi wake wamwusie na kio wakamzera kuidia ukutenyi, wakamsera ndonyi nguunyi. ²⁶ Na sauli kufika Yerusalemu wajaribie kukiunga na wanafunzi ela werikogo wakimboa. Wasasaidi kuwa ye ni mwanafunzi. ²⁷ Ela Barnaba akamwusa na kumgenja kwa walodi, Na akawaelekeza jinsi sauli kandu ambonie Mzuri chienyi na Mzuri andu adedie na ye, na jinsi sauli ahubirie kwa irina ja Jesu uko Dameski. ²⁸ Wakwane nawo wakingia na kufuma Yerusalemu. Akadeda kwa ujasiri kwa irina, ja Mzuri Jesu, ²⁹ akihosiana na wayahudi wa kiyunani ela wakigeria mara kwa mara kubwaga. ³⁰ Wakati mbari, kumanya ilago ijo wamwusa mpaka kaisaria na wamgenje mpaka Tarso. ³¹ Basi ikanisa jose katika uyahudi, Galilaya na samaria, jakogo na sere, na jikaagwa, na kusela katika hofu ya Mzuri na faraja ya Ngolo wa Kuela, ikanisa jikazogua kwa kuchurika idadi. ³² Kisha yafumirie Petro akogo akizunguluka uchuwande rose ra mkoa, akawaseria waumini wakaia katika muzi gwa Lida. ³³ Akamwona uko mundu umweri irina jake Ainea, mundu uyo wakogo kitandenyi miaka nane, maana wakogo waolola. ³⁴ Petro akamzera,"Ainea, Jesu Kristo akuboise, wikia na ukialie kitanda chako,"mara akawikia. ³⁵ Na wandu wose wakogo wakikaia Lida na shoroni kumwona mundu uyo, wakamgeukia Mzuri. ³⁶ Kwarikogo na mwanafunzi Yafa awangwaga Tabitha, ambajo jatafsiriwe kama "Dorcas" Uyu muka wachue kazi riboie na matendo ga rehema agabonyie kwa wakiwa. ³⁷ Yafumirie katika matuku ago akawawa na anafwa, kumsafisha wakamjosa chumba cha igu na kumtungurisha.. ³⁸ Kwa kugora Lida yakogo avui na Yafa, na wanafunzi wasikire kwamba Petro warikogo uko, wakaduma wandu wawi kwake, wakamsihi, "choo kwedu bila kusoriwa" . ³⁹ Petro akawikia na akaingia andukumweri nawo. kufika, wamridie katika chumba cha igu. Na wajane wose wasimamie avui nae wakilila wakibonyera ikoti na nguwo ambaro Dorcas wawashomee wakati akikaia andukumweri nawo. ⁴⁰ Petro akawafunya wose shigadi ya chumba, akakaba magoti akalomba, kisha akageukia muwi, akadeda, "Thabitha, wikia" .Akafusira meso gake na kumbpona Petro akaka ndonyi. ⁴¹ kisha Petro akamneka mkonu gwake ambusira, na kuwawanga waumini na wajane akawakabizi kwawo akika banana. ⁴² Ilago iji jikamanyikana yafa yose, na wandu wengi wakamwamini Mzuri. ⁴³ Ikafumirie Petro akakaia matuku mengi Yafa andukumweri na mundu awangwaa simoni, mboisa mirongo.