¹ Idana Petro na yohana warikogowanaelekea katika ihekalu wakati gwa malombi saa kenda. ² Mundu fulani, kiwete tangu kuvalwa, werikogo ikichwalwa kila ituku na wakogo akitungurishigwa katika mjango gwa ihekalu guwagwaga mzuri, ili adime kulomba sadaka kufuma kwa wandu wakogo wakielekea ihekalunyi. ³ Kuwawona Petro na Yohana wadakaribia kuingiaihekalunyi, akawalomba sadaka. ⁴ Petro, akamkazia meso,andukumweri na Yohana,wadedie, "diguwe isi". ⁵ Kiwete awaguwa, akitazamia kuwokera kilambo fulani kufuma kwawo. ⁶ Lakini Petro akadeda,lakini chija nikanacho nifunyaga kwako. Katika irina ja Jesu kristo wanazariti, gendi". ⁷ Petro akiamwusa kwa mkonu gwake gwa kujo, na akamwusira igu,maraimweri magu gake na vifundo va maindi gake vikapata ndigi. ⁸ Akaburuka igu, mundu kiwete wasimamamie na akaanza kugenda, akangia ihekalunyi andukumweri na Petro na Yohana, akigenda, akiburuka, na kumtongola Mlungu. ⁹ Wandu wose wamwonie akigenda na kumtongola Mlungu. ¹⁰ Wakamanya kwamba ni muja mundu ambaye warikogo akika akilomba sadaka mjangonyi mzuri gwa ihekalu,wachurigue ni mshangao na kustaajabu kwa sababu ya chija cha fumiria kwake. ¹¹ Namna arikogo wawadiria Petro na Yohana,wandu wose kwa andukumweri wakakimbiria ukumbinyi guwangwaga gwa Sulemani,wakashangaa nanganyi. ¹² Petro kujiwoma iji, ye akawajibu wandu, "Enyi wandu waIsraeli, kwa indoi mdashangaa? kwa indoi mdaga elekeza meso genyu kwedu, kana kwamba dambomya uyu agende kwandigi redi weni au uchaji wedu?" ¹³ Mlungu waIbrahimu, na wa Isaka,na waYakobo, Mlungu wa Aba wedu, wamtukuza mtumishi wake Jesu.Uyu niye ambaye inyo mwamkabidhie na kumlega imbiri ya wushu gwa Pilato, japo ye warikogo waamue kumsigiraia huru. ¹⁴ Mwamlegie Mtakatifu na Eko na Haki, nabadala yake mkakunda mbwagaji asigiriwe huru. ¹⁵ Inyo mwambagie Mfalume wa binana, ambaye Mlungu wa mfufue kufuma kwa wafu -Isi da mashahidi gwa iji. ¹⁶ Idana, kwa imani katika irina jake, mundu uyu ambaye mwambonana kumanya,wabonyiwe kuwa na ndigiimani anbayo idadia kwa Jesu yamnekie ye afya ihi kamilifu imbiri yenyu inyo wose. ¹⁷ Idana, mbari, naichi kwamba mwabonyie katika ukelu, nika pia wabonyie vilongozi wenyu. ¹⁸ Ela malago ambago Mlungu wawagorie mapema kwa miomu ya walodi wose, kwamba uyu Kristo wadima wateseka, idana wagatimiza. ¹⁹ Kwa huwo, tubunyi na mgeuke, ili kwamba zambi renyu ridime kuinjigwa kabisa, kusudi riche nyakati ra kuburudika kufumana na kuwepo kwa Mzuri; ²⁰ na kwamba adime kumduma Kristo ambaye wateuliwa kwa ajili yedu, Jesu. ²¹ Ye niye ambae lazima mbingu rimbokere vilambo vose, ambavo Mlungu wadedie kala na kala kwa miomu ya walodi watakatifu. ²² Hakika Musa wadedie, 'Mzuri Mlungu wadima inua mlodi kama nyi kufuma katika mbari wenyu mwadima msikira kila kilambo ambacho wadima wagoria inyo. ²³ Yadima fumiria kwamba kila mundu ambae ndasikiraga kwa mlodi uyo wadimaangamizwa kabisa afume kati ya wandu.' ²⁴ Niyo, na walodi wose kufuma samweli na waja wanugiria baada yake, wadedie na watangazie matuku aga. ²⁵ Inyo ni wana wa walodi na wa ilagano ambajo Mlungu wajibonyie andu kumweri na wakawawa, kama andu adedie kwa Abrahamu, 'katika mbeu yako familia rose ra dunia ridimabarikiwa.' ²⁶ Baada ya Mlungu kumwinua mtumishi wake, wamdumie kwenyu kwanza, ili awabariki inyo kwa katika uwiwi gwenyu.