¹ Kufika ituku ja Pentekoste, wose warikogo andu kumweri sehemu imweri. ² Gafla ikafumiria muungurumo kufuma mbingunyi kama upepo guboie. Ukaguchura nyumba yose wakogo wakaia. ³ Aho rika wafumiria chumi, kama chumi ra modo ragawanyika, rikakaia igu yawe kila umweri wawo. ⁴ Wose wakachurwa ni Ngolo mtakatifu na waanza kudeda kwa luga rimwi, kama uja Ngolo kandu wajalia kudeda. ⁵ Idana warikogo wayahudi warikogo wadaishi Yerusalemu, wacha Mlungu, kufuma kila isanga ndonyi ya mbingu. ⁶ Ngurumo iri kusikiriwa, ikundi ja wandu jikacha andu kumweri na wakika na wasi wasi kwa sababu kila mundu wasikire wakideda kwa luga yake mweni. ⁷ Waduae na kushangazwa, wo wadedie, "Loli, awa wose wadadeda siwo wagalinganya? ⁸ Kwa indoi isi dawasikira, kila umweri katika luga davalwa naro? ⁹ Waparthia na wamedi na waelamu, na awo waishi mesopotamia, uyahudi, na kapadokia, na katika ponto na Asia, ¹⁰ Katioka frigia, pamfilia, katika misri, na sehemu ya libya hata kirene, na wagenyi kufuma rumi, ¹¹ Wayahudi na waongofu, wakrete na waarabu, dawasikira wakiaria katika luga redu kuhusu kazi ra uweza gwa Mlungu." ¹² Wose warikogo waduwaa na kutatanishwa; wadedane weni kwa weni, "Ihi ikona maana ki?" ¹³ Ela wami wadhihakie wakideda, "Awa wachurwa kwa mvinyo mbishi." ¹⁴ Ela akakimsi andu kumweri waja ikumi na imweri, akapaza sauti, akawazera wandu wa Yudea na wose waishi aha Yerusalemu, iji jimanyikane kwenyu, sikirenyi kwa makini madedo gapwa. ¹⁵ Wandu awa ndewalewiwe kama andu mdhaniaga, sababu saa iri ni asubuhi saa idadu. ¹⁶ Ela iji jirikogo jadedwa kuidia kwa Mlodi Yoeli. ¹⁷ Ikaga katika matuku ga mwisho, Mlungu wadedie, nidedaga Ngolo wapwa kwa wandu wose. Wana wenyu na wai wenyu wadimafunya ulodi, wadawana wenyu wadimawona mgomo, na wagosi wenyu wadima lola ndodo. ¹⁸ Kwa wuja igu ya watumishi wapwa watumishi wapwa wa kinaka katika matuku ago, nidiaga Ngolo wapwa, nawo wadima tabiri. ¹⁹ Nibonyeraga maajabu igu angenyi na ishara ndonyi dunienyi baga, modo na mafusho ga mosi. ²⁰ Na iruwa jikaguswa kukaia kira na mweri kuwa baga, kabla ya kucha ituku ja ajabu ja Mzuri. ²¹ ikaia kwamba kila umweri ambaye ijiwangaga irina ja Mzuri wadimaokoka.' ²² Wandu wa Israeli, sikirenyi madedo aga: Jesu wa Nazareti, mwadamu wathibitishwa ni Mlungu kwenyu kwa matendo ga uweza na maajabu, na ishara ambaro Mlungu kuidia ye gadi gadi yenyu, kama inyo weni kandu mwiichi- ²³ kwa sababu ya mpango gwakusudiwa tangu imbiri, na maarifa ga Mlungu, wafunyigwe, na inyo kwa mkonu ya wandu wahalifu,mwamsulubishie na kubwaga, ²⁴ ambaye Mlungu wamwiinue, akainja uchungu gwa mauti gake, kwa sababu ndadimikie kwake kumilikiwa ni ye. ²⁵ Huwo Daudi adadeda kuhusu ye Namwomie Bwana daima imbiri ya wushu gwapwa, ye weko mkonu gwapwa gwa kujo huwo basi sisegurwa ²⁶ Kwa kuwa ngolo yapwa yakogo ma kuboima lumilwapwa gwaboirishiwe. Pia muwi gwapwa gwedi maisha katika ujasiri. ²⁷ Ndwisigaa nafsi yapwa igende kuzimu wala nduruhusu Mtakatifu wako kuwona uozo ²⁸ We wadhihilisha kupwa chiara bina na; wedime nibonya nichue kuboirwa imbiri ye wushu gwako; ²⁹ Mbazi, nadima kudeda kwenyu kwa ujasiri kuhusu aba wendu Daudi: ye wafaye na akarikwa,na ikaburijake jeko andukumweri na isi hata huwu linu. ³⁰ Huwo, werikogo nabii na wamenyie kugora Mlungu wapaie kwa kirawo kwake, kwamba wadimawika umweri katika uzao gwake kifumbimyi cha enzi. ³¹ Wagiwonie iji mapema, na akadeda kuhusu ufufuo gwa Kristo,'Wala nderikogo wasigwa kuzimu, walamuwi gwake ndaguvu ndie.' ³² Uyu Jesu- Mlungu wamfufue, ambaye isi wose da mashahidi. ³³ Kwa huwo,akika wanuigwa katika mkonu gwa kujo gwa Mlungu,na akiwa.wawakera ahadi ya Roho Mtakatifu kufuma kwa aba, ye wamimina ihi ahadi,ambaye inyo mdawona na kusikira. ³⁴ Kwani Daudi ndapaie kugenda mbingunyi, lakini akadeda, 'BWANA wadedie kwa Bwana wapwa, ³⁵ "Kaia mkonu gwapwa gwa kujo, mpaka nikawabonya adui wako kifumbi kwa ajili ya magu gako. ³⁶ Kwahuwo nyumba yose y6a Israeli na imanye kwa hakika kwamba Mlungu wabonya ye kuwa Bwana na kristo,uyu Jesu ambae mwamsulubishie". ³⁷ Idana kusikira huwo,wakakorwa katika ngoro rawe, waka mzera Petro na mitume mizima,"Wambari, dibonye wada?" ³⁸ Na Petro akawazera, "Tubunyi na Mbatizwe, kila umweri wenyu, katika irina ja Jesu Kristo kwa ajili ya msamaha gwa zambi renyu, na muwekeraa zawadi ya Roho mtakatifu. ³⁹ Kwanikwenyu ni ahadi na kwa wana wenyu na kwa waja wose weko kula,wandu wengi kadri Bwana Mlungu wedu kandu awawanga." ⁴⁰ Kwa madedo mengi washuhudie na kuwasihi; wadedie "Jiokoenyi mfume katika kivaziichi kiwiwi". ⁴¹ Niko wakayabokera madedo gake na wakabaatizwa,aho akaongezeka katika ituku ijo kama nafsi elfu idadu. ⁴² Wakaendelea katika mafundisho ga mitume na ushirikiano,katika kugubega mkate na katika malombi. ⁴³ Hofu ikacha igu ya kila nafsi, na maajabu mengi na ishara rikabonyeka kuidia mitume. ⁴⁴ Wose waaminie warikogo andukumweri na kuwa vilambo vawe kwa andukumweri, ⁴⁵ na wauzie vilambo na miliki rawe na kurigawanya kwa wose kulingana na hitaji ja kila umweri. ⁴⁶ Huwo ituku baada ya ituku waendelee wakiwa na ilengo jimweri katika ihekalu, na wabegie mkate kayenyi, nawashirikie vindo kwa kuboiwa na unyenyekevu gwa ngolo; ⁴⁷ Wamsifie Mlumgu na wakika na kibali na wandu wose.Bwana wawaomgoze ituku kwa ituku ambawo wakogo wakiokolewa.