¹ Paulo wakawguwa umweri kwa umweri wandu waibaraza na kudeda, Wambni wapwa, naishi imbiri pa Mlungu kwa dhamira iboie hadi iji aha. ² Kuhani mbaha Ananaia awaamuru waja wasi mama auui nae wamkaba kinywa chake. ³ Niko Paulo akamzera,"Mlungu akukabaga we, ukute gwa viwa chokaa. Waka gukini hukumu kwa sheria, nawe waamuru ni kabwe kinyume cha sheria?" ⁴ Waja wakogo wasimama avui nae wakadeda, "Huwo niko umwanyiraga kuhani mbaha wa Mlungu?" ⁵ Paulo akadeda,"Wambari wapwa, nyi simanyiekwamba uyu ni kuhani mbaha . kwa kuwa yaandikwa, nduzungumza vizamie igu ya mtawala wa wandu wako." ⁶ Paulo kuwona kwamba luwande lumweri la ibaraza ni masadukayo na wamwi mafarisayo, akaapaza sauti na kudeda," Waambari wapwa, nyi na mafarisayo, mwana wa mafarisayo. Ni kwa sababu ihi namtegemea kwa ujasiri ufufuo gwa wafu nihukumiwaga nawo." ⁷ Kudeda aga, malumbano mabaha gakufumiria baina ya mafarisayo na masadukayo, na mkutano kugawanyika. ⁸ Kwani Masadukayo wadedaga ndakudae ufufuo, malaika wala ndakudae ngolo, ila mafarisayo wadedaga aga gose geko. ⁹ Gasra mbaha ikafumiria na baadhi ya waandishi wakogo luwande lwa mafarisayo wakakimsi kujadili, wakideda, "ndadiwonie chochose chizamie dhidi ya mundu uyu. Ni wada kama ngolo au malaika wadeda nae?" ¹⁰ Wakati kwafumirie hoja mbaha, mbaha wa majeshi waboie kwamba Paulo warashurwaga vipande ra wo, huwo akaamuru wanajeshi wasee ndonyi na kumwusa kwa ndigi kufuma kwa wajumbe wa ibaraza, na mreda ngomenyi. ¹¹ Kio chanugiria Mzuri wasimamie avui nae na kudeda, "usaboe, kwa kugora wanishuhudia pia katika Roma." ¹² Kuela, baadhi ya wayahudi wabonyie agano na kuwanga laana igu yawe weni: wadedie ya kwamba ndewajaga wala kunywa chochose mpaka wakamnuga Paulo. ¹³ Kwakogo na wandu zaidi ya arobaini ambawo wabonyie njama ihi. ¹⁴ Wakagenda kwa wabaha wa makuhani na wagosi na kudeda, "Dakiwika isiweni laanenyi mbaha, disaje chochose hadi dikamwaga Paulo. ¹⁵ Huwo idana ibaraza jimzere jemedari mbaha amrede kwenyu, kama kwamba mdaamua kesi yake kwa usahihi. Kwedu isi diko tayari kumwanga kabla ndechee aha." ¹⁶ Ela mwana wa dadie Paulo akasikira kwamba kwarikogo na njama, akagenda akangia ndenyi ya ngome na kumgoria Paulo. ¹⁷ Paulo akamwanga akida umweri akadeda, "muwuse ndawana uyu kwa jemedari, maana akanaidedo ja kumwogeria." ¹⁸ Basi akida akamwusa uja mdawana akamgenja kwa jemedari mbaha akamzera, Paulo uja mfungwa waniwangie akakunda nikuredie mdawana uyu kwako. Akona idedo ja kukugoria." ¹⁹ Uja jemedari mbaha akumwada kwa mkonu akakitenga naye mbai, na akamkotia, "Ni kitambo ki ukundi unigerie?" ²⁰ Mdawana uja akadeda, "wayahudi waja tana kukulomba umrede Paulo kesho ibarazenyi kana kwamba wakundi kupata habari rake kwa usahihi nanganyi. ²¹ Basi we usakubali kwa maana wandu zaidi ya arobaini wadamvizia. Wakifunga kwa laana, wasaje wala wasanywe mpaka wambwage. Hata ijiaha wako tayari, wakiwesera kibali kufuma kwako." ²² Basi uja jemedari mbaha akamsiga mndawana agende chia rake, baada ya kumlagiza "Usamgorie mundu wowose ya kugora waniarifu aga." ²³ Akawawanga maakida wawi akadeda watayarishenyi askari mia iwi kugenda kaisaria na askari wajoka farasi sabini, na wakama mikuki mia iwi, mwingaga zamu ya kadadu ya kio. ²⁴ Akawazera kuwika wanyama tayari ambae Paulo wadima mtumia na kumwus salama kwa Feliki Gavana. ²⁵ Akaandika barua kwa namna ihi, ²⁶ Klaudio Lisia kwa liwali mtukufu feliki, salamu. ²⁷ mundu uyu wawadiwe ni wayahudi wakafikia avui kumwaga, niko nikagenda andukumweri na kikosi cha askari nikamwokoa, kupata habari ya kugora ye ni raia wa kirumi. ²⁸ Nakundie kumanya kwa indoi wamshitakie, huwo nikamgenja ibarazenyi. ²⁹ Nikawona kwamba wakogo washitakiwa kwa ajili ya maswali ga sheria yawe, walandashitakiwe ilago jojose ja kustahili kubwagwa wala kufungwa. ³⁰ Kisha ikamanyikana kwapwa kwamba kokonjama dhidi yake, huwo kwa shwa shwa nikamduma kwako, na kuwalagiza wamshitakiaga pia warede mashitaka dhidi yake imbiri yako. Wakalagana." ³¹ Basi waja askari wakatii amri: wakamwusa Paulo wakamgenja Anti patri nakio. ³² Ituku januguria, maaskari wengi wakawasiga woja wajoka farasi wagende andukumweri nae, nawo wakawuja chia rawe ngomenyi yawe. ³³ Na wajoka farasi kufika kaisaria, na kumneka liwali ija barua, wakamwika Paulo imbiri yake. ³⁴ Nae liwali kusoma barua, akamkotia Paulo wafumie ijimbo ki, kumanya ni mundu wa kilikia, ³⁵ akadeda," Nikusikiriaga we wakacha waja wakushitaki," akaamuru awikkwe katika ikulu ya Herode.