¹ Baada ya matuku asanu. Anania kuhani mbaha, baadhi ya wagosi na mdedaji umweri awangwaga Tertulo, wakagenda aja. Wandu awareda mashitaka dhidi ya Paulo kwa Gavana. ² Paulo kukimsi imbiri ya Gavana, Tertulo akaanza kumshitaki na kudeda kwa Gavana, "kwa sababu yako nikona sere mbaha, na kwa maono gako nikona sere mbaha, na kwa maono gako gareda mageuzi gaboie katika isanga jedu; ³ basi kwa shukrani yose dawokera kila kilambo achibonyaga, wasalam mheshimiwa Feliki ⁴ Lakini nisakukojese nanganyi, nakusihi unisikiriemadedo matineri kwa fadhili rako. ⁵ Kwa maana dapata mundu uyu mkorofi, na adasababisha Wayahudi wose kuasi dunienyi.Tena nikilongozi wa madhabahu ga wanazorayo.(zingatia: sehemu ya madedo ga mshololo ugu 24:6 ⁶ Na sena wajaribie kujikumba ihekalu unajisi huwa dikamwada;ndakuko katika nakala bora ra maandiko ga kala).(zingatia:mshololo ugu ⁷ Lisiasi, afisa, wachee na amvusa kwa ndigi mikonunyi kwendu, ndaguko katika nakala bora ra maandiko ga kala. ⁸ Ukamkotia paulo kuhusu malago aga, hata wadima kukifunza ni kilambo ki damshitakia?" ⁹ Wayahudi nawo wakamshitaki paulo, wakadeda kwamba aga malago gakogo loli. ¹⁰ Liwali kumpungia mkonu ili Paulo adede, Paulo akajibu "Naichi ya kugora kwa miaka mingi wakogo mwamuzi wa isanga iji, na niko na boirwa kukieleza nyimweni kwako. ¹¹ Na daima kuhakiksha kugora ndagaidie matuku zaidi ya ikumi na iwi tangu nijokie kugenda kuabudu Yerusalemu. ¹² Na kunidoka ihekalunyi sibiahame na mundu wowose, na sibonyie fujo katika makutano, wala katika masinagogi wala ndenyi ya muzi, ¹³ na wala ndawadimage kuhakikisha kwa mashtaka wagashtakiaga dhidi yapwa. ¹⁴ Ila nakiri ihi kwako, ya kugora kwa chia ija waiwangaga idhehebu, kwa chia iyo namtumikia Mlungu na aba wedu. Nyi na mwaminifu kwa gose geko sherienyi na maandiko ga walodi. ¹⁵ Niko na ujasiri guja gweni kwa Mlungu ambawo hata nawo wadeguweseria, kucha ufufuo gwa wafu, kwa wose wekona hachi na wasadae haki pia, ¹⁶ na kwa iji, nidabonya kazi ili nike na dhamira isadae hatia imbiri ya Mlungu na imbiri ya wandu kuidia malago gose. ¹⁷ Idana baada ya miaka mingi nacha kureda msaada kwa isanga japwa na zawadi ya magome. ¹⁸ Kubonya huwu, wayahudi fulani wa Asia wakanidoka ndenyi ya sherehe ya utakaso utakaso ndenyi ya ihekalu, bila ikundi ja wandu wala gasia. ¹⁹ Wandu awa ambawo yawapasie kukaia imbiri yako iji aha na idede chija weko nacho igu yapwa kama wakona idedo jojose. ²⁰ Au wandu awa weni na wadede ni ikosa ki wajiwona kwapwa nikisimama imbiri ya ibaraza ja kiyahudi, ²¹ isipokuwa kwa ajili ya kilambo chimweri na chideda kwa sauti nikisimama gadi gadi yawe, ni kwa sababu ya ufufuo gwa wafu inyo mdani hukumu." ²² Feliki wakogo wataarifiwa nicha kuhusu chia, na akagualisha mkutano. Akadeda," Lisia jemedari akacha kunu isi kufuma Yerusalemu nifunyaga maamuzi dhidi ya mashitaka genyu." ²³ Niko akamwamuru akida amlindie Paulo, ila ake na nafasi na hata asakaie mundu wakuwalegeshea wambuya wake wasamtaware wala wasamselie. ²⁴ Baada ya matuku kadhaa, Feliki akawuya na Drusila mkakawakogo myahudi, akaduma kumwanga Paulo na akasikira kufuma kwake habari ra imani ndenyi ya Kristo Jesu. ²⁵ Ila Paulo akogo akijadiliana nae kuhusu haki, kukaia na kiasi na hukumu ichaga, Feliki akapata hofu akajibu," genda kula kwa ijiaha, ila nikapata muda sena, nikuwangaga." ²⁶ Muda ugo gweni, wategemee kugora, Paulo wadima mneka magome kwa huwo wambangie mara nyingi akaaria nae. ²⁷ Ila miaka iwi kuida, Porkio Festo akakaia liwali baada ya Faeliki, ila Feliki wakundie kukipendekeza kwa wayahudi, huwo akamsiga Paulo ndonyi ya uangalizi.