¹ "Wambari na aba wapwa, sikirenyi utetezi gwapwa nigubonyaga kwenyu ijiaha." ² Makutano kusikira Paulo akideda nawo kwa kiebrania, wakatulia. Akadeda, ³ "Nyi na myahudi, navalwa muzi gwa Tirso ieneo ja kitikia, ila napatie elimu katika muzi ugu, magunyi kwa Gamilieli. Nafundishiwe kulingana chia sahihi ra sheria ra aba wedu. Nyi niko na bidii ya Mlungu, kama inyo wose mko linu. ⁴ Nawatesia kwa chia ihi hadi kufwa, naka wafunga wami kwa waka na kuwadaga igerezanyi. ⁵ Hata kuhani mbaha na wagosi wose wadima kufunya ushahidi kwmba nawokerie barua kufuma kwawo kwa ajili ya wambari wakoo Domeski, kupwa nyi kudamba kugenda uko. Marikogo niwarede wandu Yerusalemu kwa chia ili wafungwe na kuadhibiwa. ⁶ Yafumirie kwamba aja rikogo nikidamba niko avui na Demeski, majira ga dime gafula nuru mbaha ikafumiria mbingunyi ikaanza kumiangamiza. ⁷ Nikagwa ndonyi na kusikira sauti ikinizera, 'sauli, sauli kwa indoi udaniudhi?' ⁸ Nikajibu, we nani, Mzuri?' Akanizera, 'nyi na Jesu mnazareti ambae we udaniudhi.' ⁹ Waja wakogo nanyi waionie nuru, ila ndawasikire sauti ya uja wadeda nanyi. ¹⁰ Nikadeda, 'Nibonye indoi, Mzuri? Mzuri akanizera, 'simama na ungie Dameski, uko wadima goriwa kila kilambo upaswaga kubonya.' ¹¹ Sidime kuwona kwa sababu ya mwangaza gwa nuru ija, niko nikagenda Dameski kwa kulongozwa ni mikonu ya waja wakogo nanyi. ¹² Uko nika kwana na mundu awangwaga Ananla, wakogo mundu awadie sheria na aheshimikaga imbiri ya wayahudi wose waishi uko. ¹³ Akacha kwapwa, akasimama imbiri yapwa, na kudeda, "Mbari wapwa sauli, upate kuona. kwa muda uja weni nikamwona. ¹⁴ Akadeda, 'Mlungu wa aba wedu wakusagua we upate kumanya makundo gake, kumwona uja akona hachi, na kusikira sauti ifumaa kinywenyi chake. ¹⁵ Kwa sababu wedima kaa shahidi kwake kwa wandu wose igu ya wagawona na kusikira. ¹⁶ Basi ijiaha kwa indoi udawaseria? Wikia, ubatizwe, ugende ogesha zambi rako, ukijiwanga irina jake,' ¹⁷ Baada ya kuwuya Yerusalemu, na nikogo nikisali ndenyi ya ihekalu, ikafumiria kwamba nikanekwa maono ¹⁸ Nikamwona akanizera, Hima wa fuma Yerusalemu shwa shwa, kwa sababu ndewa kubali ushuhuda gwako kuhusu nyi.' ¹⁹ 9Nikadeda, 'Mzuri, wo weni waichi nawafungie igerezanyi na kuwakaba waja wakuaminie katika kila isinagogi. ²⁰ Na baga ya Stephano shahidi wako ikidiwa, nyi pia nakogo nasimama avai na kukubali na nakogo nalindia nguwo ra waja wamwaga, ²¹ Ela wanizerie, Enenda, kwa sababu nyi nikudumaga ugende kula kwa wandu wa masanga." ²² Wandu wakamruhusu adede igu ya idedo iji. Ela baadae wapazie sauti na kudeda, "mwinje mndu uyu katika isanga kwa siyo sahihi aishi." ²³ Wakogo wakipaza sauti, na kudaga mavazi gawe na kudaga luvumbi igu. ²⁴ Jemedari mbaha akaamuru Paulo aredwe ngomenyi. Akaamuru akotiwe uku adakabwa mijeredi, ili ye mweni amanye kwa indoi wakogo wamkabia jogo namna ija. ²⁵ Hata wakogo wamfunga kwa luga, Paulo akamzera uja akida wasimama avui nae. Je! ni haki kwenyu kumkaba mundu mrumi na bado ndahukumiwe?" ²⁶ Uja akida kusikira madedo aga, akagenda kwa Jemedari mbaha na kumzera, akideda, "wakundi kubonya indoi? kwa maana mundu uyu ni mrumi." ²⁷ Jemedari mbaha akacha na kumzera, "Nigorie, je we ni raia wa Rumi?" Paulo akadeda, "He." ²⁸ Jemedari akamjibu," Ni kuidia kiasi kibaha cha magome niko nikapata uraia." Ela Paulo akamzera, "Nyi na Mrumi kwa kuvalwa." ²⁹ Basi waja wakotayari kugenda kumkotia wakainga na kumsiga wakati ugo gweni. Na Jemedari nae akaboa, kumanya kuwa Paulo ni mrumi na kwa sababu wafungwa. ³⁰ Ituku jinugirie, jemedari mbaha wakundie kuimanya iloli kuhusu mashtaka ga wayahudi dhidi ya Paulo. Huwo akamfungua vifungo vake akaamuru wabaha wa makuhani na ibaraza jose wakwane. Akamreda Paulo ndonyi, na kumweka gadi gadi yawe.