¹ Wakati dikogo dasigana nawo, dadamba baharinyi, dikafika moja kwa moja muzi gwa kosi, na kesho yake dikafika muzi gwa rodo, na kufuma uko dikafika muzi gwa patara. ² Kupata meli iruwukaa kugenda Foirike, dajokie dikadamba. ³ kufika imbiri ya kisiwa cha kipro, dikaisiga luwande lwa kumosho, dikadamba hadi siria, diwika nanga katika muzi gwa Tiro, kwa sababu uko niko meli yakogo ipakuliwe shehena yake. ⁴ Baada ya kuwawona wanafunzi, dikakaia uko matuku saba. Wanafunzi awa wakamzera Paulo kuidia kwa Ngolo kwamba ye asawadie Yerusalemu. ⁵ Hata kutimiza matuku gaja, isi nikainga dikagenda redu. Wose andukumweri, na wakawawe na wana wawe, wadaisindikizie katika chia redu hadi dikafuma shigadi ya muzi. Kisha dikakaba magoti pwani, dikalomba, dikalagana kila umweri. ⁶ Dikajoka meli, uku nawo waauya mzinyi kwawo sena. ⁷ Hata kumeria charo chedu kufuma Tiro, dikafika Tolemai. Aja dalamusie wambari, na kukaia nawo kwa ituku jimweri. ⁸ Kesho yake daingie dikagenda kaisaria. Isi dikangia nyumbenyi kwa Filipo, mhubiri wa injili, akogo umweri wa waja saba, na isi dikaka andukumweri nae. ⁹ mundu uyu wakogo na wayi bana mabikira ambawo watabirie. ¹⁰ Baada ya kukaia uko kwa matuku kadhaa, ambawo watabirie. ¹¹ Ye wachee kwedu na akawusa mkanda gwa Paulo, kwa ugo wakifungie maguu na mikonu yake mweni na kudeda, "Ngolo wa kuela wadedie huwu," wayahudi wa Yerusalemu wadima mfunga mundu amiliki mkanda ugu, nawo wadima mkabidhi mikonunyi kwa wandu wa masanga." ¹² kusikira malago aga, isi na wandu wakogo wakiishi andu aja damsihie Paulo asajoke kugenda Yerusalemu. ¹³ Niko Paulo akajibu, "mbonyaa indoi, mdalila na kunichukanya ngolo yapwa? kwa maana niko tayari, siyo tu kufungwa, ela pia kufungwa uko Yerusalemu kwa ajili ya irina ja Mzuri Jesu." ¹⁴ Kwa wuja Paulo ndakundie kushawishiwa, dasigie na kudeda, "Basi makundo ga Mzuri gabonyeke." ¹⁵ Baada ya matuku aga, dawusie mifuko yedu na dikajoka Yerusalemu. ¹⁶ Baadhi ya wanafunzi kufuma kaisaria pia wanugane na isi. Wakamreda mundu uumweri awangwawa mnasoni, mundu wa kipro, mwanafunzi wakala, ambae dakee nae. ¹⁷ kufika Yerusalemu, wambari wadikaribishie kwa kuboirwa. ¹⁸ Kesho yake Paulo wagendie andukumweri na isi kwa Yakobo, na wagosi wose wakogo. ¹⁹ Baada ya kuwalamsa, wawanekie taarifa imweri baada ya imwi ya malago ambago Mlungu atendie miongonyi kwa masanga kwa kuidia huduma yake. ²⁰ Wakati wasikira ago, wakamtogola Mlungu, na wakamzera, "waona, mbari koko maelfu walinga waamini miongoni mwa wayahudi, wo wose wakona nia ya kuwada sheria. ²¹ Wagoriwa kuhusu we, kwamba udafundisha wayahudi waishi kati ya masanga kusigana na musa, na kwamba udawagoria wasawatahiri wana wawo, na wasanuge desturi ra kale. ²² Dapaswa dibonye indoi? Bila shaka wadima sikira kwamba we wacha. ²³ Huwo bonya chija isi dikuworiaga iji aha: diko na wandu bana ambawo wawika nadhiri. ²⁴ Wawuse wandu awa na ujitakase mweni andukumweri nawo, na uwashanie garama rawe, ili wadime kuara vongo vawe. Huwo kila umweri apate kumanya kwamba malago wagoriwa kuhusu we ni ga tee. Wadima jifunza kwamba we pia wanugaa sheria. ²⁵ Ela kwa habari ra masanga ambawo wakaia waumini, daandikie na kufunya malagizo kwamba wapaswa kujiepusha na vilambo vafunyigwa dhabihu kwa sanamu, na baga, kufumana na chija chanyorwa na wajiepushe na uasherati." ²⁶ Niko , Paulo wawusie womi, na ituku ja kawi, akajitakasa mweni andu kumweri nawo. Akangia ihekalunyi, kutangaza kipindi cha matuku ga kukitakasa, hadi sadaka ikufunyigwe kwa ajili ya kila umweri wawo. ²⁷ Matuku agosaba kujikia avui kudua, baadhi ya wayahudi kufuma Asia wakamwona Paulo Hekalunyi, na makutano wakazamiwa, na wakamnyoshea mikonu. ²⁸ Warikogo wakaba jogo, "Wandu wa israeli, disaidienyi. Uyu ni uja mundu awafundishaga wandu kila andu malago ambawo ni kinyume na wandu, sheria, na andu aha. Pia wawareda wayunani katika ihekalu na kureda najisi andu aha patakatifu." ²⁹ Kwa kugora mwanzoni wakogo wamwona Trofimo muefeso akika andukumweri nae mjini, nawo wadhanie kwamba Paulo wamredie ihekalunyi. ³⁰ Muzi gose gwakogo na taharuki, na wandu wakakimbia andu kumweri na kumwada Paulo. Wakamfunya shigadi ya ihekalu, na mijango mara ikarugwa. ³¹ Warikogo wakigeria kumwaga, habari ramfikie mbaha wa ijeshi ja walindiri kuwa Yerusalemu yose yachua gasia. ³² Mara iyo akewawusa askari na Jemedari akagukimbiria umati. Wakati wandu kumwona mbaha wa ijeshi na askari, wakasiga kumkaba Paulo. ³³ Kisha mbaha wa jeshi wakae avui nae na akamwada Paulo, na akaamuru afungwe minyororo iwi. Akamkotia ye na ni na wabonya indoi. ³⁴ Baadhi ya wandu umati wakogo wapayuka kilambo, ichi na wamwi chimwi. Kwa kugora jemedari ndadimie kuwagoria chochose kwa sababu ya rija jogo, akaamuru Paulo aredwe ndenyi ya ngome. ³⁵ Basi kufika ngazinyi, akawusigwa ni askari kwa sababu ya gasia ra umati. ³⁶ Maana umati wa wandu wamnugie na waendelee kukaba jogo, "mwinjenyi uyu!" ³⁷ Paulo akogo akiredwa ndenyi ya mgome, wamgorie mbaha wa majeshi, "Nadima kukugeria kilambo?" uja mbaha wa majeshi akadeda, "Je udadeda kiyunani? ³⁸ Je, we sie uja mmisri ambae awali walongozie uasi na wawusie magaidi elfu ina kireti?" ³⁹ Paulo akadeda, "Nyi na myahudi, kufuma muzi gwa Tarso ya kilikia. Nyi na raia wa muzi maarufu. Na walomba, mniruhusu niarie na wandu." ⁴⁰ Wakati jemedari kumneka ruhusa, Paulo akakimsi ngazinyi na akabonya ishara kwa wandu kwa mkonu gwake. Wakati kukogo na ukimya nanganyi, akaaria nawo kwa kihebrania. Akadeda,