¹ Nawe narora maraika aretuma okureka kwiryure akabha no rufunguro erituko rinu ritana obhutero omunyororo omunene mukubhoko kwaye. ² Yagwata erijoka, enjoka ya kare irisambwa, okumubhoha miaka kiku. ³ Yamwesa mwituko rinurita na obhutero, akaribhoha no kuriturira echapa eguru yaye, inu yaringeyo okokubha atange'na ebhwaro kweki miaka kiku anu giriwa. ⁴ Kyego anu ariatirwa yeyangareri kweribhaga riike. Kyego narora ebhitumbi bhya obhukama bhanu bhanga bhabhikariri na bharya bhanga bhaherwe obhukuru okujibhya bhurya bhurya narora o bhumwi bhyabharya bha bhuturya omwitwe kwo bhumiriri bhwa Yesu kumang'ana ga Waryubha. Bhanga bhakyari okusyengera entenyi ekisusano, na bhanga okugwata okumanyirirya eguru ya obhuturo obhusu bhwabho amwi okubhoko bhaja mubhuheru na omutungi hamwi Kristu kwe miaka kiku. ⁵ Abhaku bhanu bhasaga, bhataja mubhuhoru kumiaka ekiku anu naringa eweri bhunu mbo obhukungukurwa bhwa bho kwamba. ⁶ Omunokwa no murabhu no murabhu muuntu onse onse urya yagega amweya gati yobhukundu kurya bhokwamba! Omuku wakabhiri etana eginguru yabhantu kama bhanu. Aribhaho omusyengeri wa Waryubha wa Kristu na bhatungi naweki kumwaka marongo. ⁷ Kwemiaka egana anu erihika kubhutero, erisambwa rirakundukurwa mukibhohe kyaye. ⁸ Arigya kibhara okubhang'ena ebhyaro embarika ena kye kyaro Gogu na Magogu okubhareta amwi kobhuryani bharibha bharu kyomusenyi kyakunyanja. ⁹ Bhagya eguru kukyoro kinu kiring'eni ekyaro nawe bhenara kwibhuru rya bheekirirya omugi gunu guhanjirye, nawe omururo gukaja okurya kuryire na kumunyaara. ¹⁰ Erisambwa rinu ryabhangene, ryeswa munsi yenyanja inu eroka kye kibhiriti munu omuroti obhubhei bhanga bhamariri okweswa bharanya nkibhwa mubhasu no bhutiku. ¹¹ Nawe narora ekitumbi kyo bhutemi obhunene. Obhurabhu urya yekara eguru waye ekyaro na oryire ryakenya okurwa ahare okureka gati okubhaho kwaye, nawe bhatanga bhurio omweya gyabho okugya. ¹² Narora bhanu bhakwa abhahari bhanu bhatari bhanu bharenderwa bhemiriri gati ye kitumbi kyo bhukama ne bhitabho bhyakundukurwa kweki ekitabho kinu kya kundukurya ekitabho kyo bhuhoru yajibhibhwa kukirya kyang'orwa munsi we bhitabho, amage ndereryo ganu bhakora. ¹³ Enyanja yahurukya abhuku bhano bhaanga munsi yaye. Okukwa ne kyobho bhaharusha abhaku bhanu bharinga munsi yaye abhaku bhatojibhwa okuring'ana na kinu bhakora. ¹⁴ Oruku ne kyobho kyesya munsi munyanja yomururo. Unu muku wa kabhiri mu nyanja ya kabhiri. ¹⁵ Nyore erina ryaonse onse ritatuka okung'orya munsi ye kitabho kyobhuhoru, yesya munsi yenjanja.*