¹ Kokubwa amang'ana ganu negegwa erisi enene we rikebha erinene riyabhantu bhamurwire rirahahira, "Hareruya obhuturiya, obhururu, neginguru bhi Waryubha wetu. ² Ojibhiya bhaye bhobhuene, kokubha yamjibhiye omusimbe omukuru unu yanyamura ekyaro kwo bhusimbe bhaye. Yakora ekisiyomba kya amanyinga gabhagaya bhaye enu weki yahitira omwene.'' ³ Kurwa kabhiri bhagamba "Hareruya engesi kurwa owaye konako." ⁴ Bhakaruka bhariya mirongo hebhiri nabhane ebhibhyimbwa bhinna bhakega nokusabha Waryubha unu yekeri kukitubhi kya obhukangati. Bhanga bharagamba, "Amina. Hareruya!" ⁵ Ng'o erisi rikareka kukitumbi kiyo bhukangati okuku miya Waryubha wetu, bhenyu abhagaya bhaye, bhonsego bhenyu bhanu mramsabha bhonsego bhanu mtanobhere ne ginguru." ⁶ Hayo ng'o negwa erisi kiye risi riya erikemba erinene riya abhantu kiye erisi riya okuhirira kwa amanji amaru, na kiya kubharagatana kiye enkubha eragamba, "Hareruya omukuru Waryubha wetu, omutungi heguru ya bhonsego aratunga. ⁷ Tujomerwe nokukiririya kuhana Waryubha obhukuru kokubha obhwega, obhwega nobhugeni bhwa mwana kondoo yahikiri nomwenga honse yahikiri." ⁸ Yekiriribwa kwibhohibhwa emienda giabhuguri gwukungesa ngesa. ⁹ Maraika akagamba weni ng'ora ganu bhanonkwa bhanu bhararikwa kubhwega bhwa mwana kondoo "Hego hego akankeriya ganu mang'ana ga bhuhene ga Waryubha" ¹⁰ Negama mumaguru gaye nkamusabha nawe akakeriya," Otakorego! weni ndimugaya murikiyo na bhahiri bhaho bhanu bhagwata obhwimiriri bhwa Yesu. Musabhe Waryubha kokubha obhwimiriri bhwa Yesu mumutima gwa bhuroti." ¹¹ Kwego nkarora orwire rufugukiri nakumaha garasi giagaho egindabhu nauriya yanga amutiririko arabhirikirwa muhene wobhuhene. Obhujibhya bho bhuhene bhokukora ebhita. ¹² Ameso gaye kiye endingasi yomubhiri neguru yomutwe gwaye yanang'ofura gyoobhukama njaru yana rina rinu ring'orwa eguru yendeko ritama nyikane na honse hose uri nawe omwene. ¹³ Yebhoha engibho enu yatobhekwa mumanyinga nerina riye rirabhirikirwa. Eringana riya Waryubha. ¹⁴ Abhasirikare bha murwire bhamusetanga eguru yefarasi endabhu, bhebho hibhwa egingibho giya obhuguri obhunene ndabhu na njomu. ¹⁵ Mumunwa gwaye gurarekamo omuyu omogi gunu gurasariya ebhiyaro nawe arabhakangatire enyimbo yekiyuma. Honse arataja ebhintu bhiamanji gomujabibu kobhururu obhunene bhwa Waryubha yatungo eguru ya bhonsego. ¹⁶ Honse angoribhwe eguru yegibho giye nakukisusukiye erina omutungi wa bhatungi NO MKURU WA BHAKURU. ¹⁷ Narora maraika yemiriri gatigati ye ryubha. Yabhabhirikira kurisi erinene ebhinyonyi bhiosego bhinu bhirebhururuka eguru, "Mje mwikuman'ye hamwi kubhi okunya ebhiku bhi Waryubha. ¹⁸ Muje muriye enyama ya bhatungi enyama ya abhasirikare, abhakuru. Enyama ya bhantu abhanene, enyama yefarasi na abhaturi bhe farasi, ne enyama ya bhantu bhonsego bhanu abheyagari na bhagaya, bhanu bhata kwendwa na bheginguru.'' ¹⁹ "Narora entienyi yomtungi hamwi na bhasirikare bhabho. Bhanga bheku meniye korusumo rokukora erirwana no ohumu i yangatiriri ne rijeshi rihabho. ²⁰ Entiyenyi yagwatwa no muroti waye wo bhubheyi, unu yakora ebhisusano anu yanga akiariho. Kiya ganu yakora yabhangena bhanu bhagega echapa yomutienyi na bharigamira erisusano riye, honsego bheswa bha kiyari bhahoru munyanja yo mururo. ²¹ Bhanu bhasaga bhetwa komuyu gunu gwarwa mumunwa go ohumwi unu yanga atiriri ku farasi. Ebhinyonyi bhi gonsego bhuriya amasagiyo ge mibhiri giyabho.