¹ Hanu gonseego gwaahwa naaroka maraika oundi ereetuma hansi okureeka murwiire. Weeki yaaringa na obhururo obhunene, na ekyaaro kyaarabha kwa obhuturo bhwaaye. Yaakua kwa eriisi eriinene, aragamba, "Ogwiiri ogwiiri, omugi omukuru Babeli! gubheeri ahasi anu amasaabwa gareekara, na hanu gareekara egiinkoro egimwaama na ahasi anu bhareekara abhakonu na ekinyonyi ekisaarya. ² Kwa okubha ebhyaaro bhyoonseego bhyaanywa ewaaini eya obhusiimbe bhwaaye bhunu bhwamureetera enyaako. ³ Abhaanangwa abha ekyaaro bhaakora obhusiimbe na weeki abhakori abheebhyaasara bha mukyaaro bhaamiha kwa eginguru gyaaye egya obhusumbe." ⁴ Kweeki nkeegwa eriisi okurwa murwiire riragamba ega, "Mureekeho abhantu bhaani, na mutakeesanga nya kumabhibhi gaaye, naho mutangoora abhatemwa bhwaaye bwonse bhwonse. ⁵ Obhusaarya bhwaaye bhweejura eguru kya orwiire, Waryubha yaga ituka amakorwa gaaye amabhibhi. ⁶ Mumuriihe keero yaariha abhandi, na mumunhe mara kabhiri kyeego yaabhakoreera; kukikoombe kinu yaasangan'ya mumusaanganirye kabhiri weeki. ⁷ Kyeego yeekumya omweene, na yeekara kwa obhusiimbe, mumuhane enyaago anjaru na obhusurumbaru. Kwaa okubha aragamba mumutima gwaaye, mkeri kya omukari owa omunaangwa ntarigarora kya oruku. ⁸ Kwego kwa orusiiku orumwi obhute mwa bhwaaye bhurimuri toheera: Oruku, amaomborezo, obhusiingiru. Bhirirunguribhwa na omuruuro, kwa okubha omukuru Waryubha yaana eginguru, na mmujibhya waaye." ⁹ Abhaanangwa abha mukyaaro bhanu bhaaara obhusiimbe na okujuura hamwi na weeki bharikuura na okumukoreera oruuku hanu bharirora engesi eya okurungura omubhiri gwaaye. ¹⁰ Bharimirira hare na weeki, kwa obhoobha obhwa okunyaarika kwaaye "ore, ore, ku omugi omukuru, Babeli, omugi ogwa egiinguru! orumwi ego obhujibhya bhwaaho bhuhikiri." ¹¹ Abhakori abheebhyasara abhamukyaaro mukuure na okukora omukuru rwaaye, kwa okubha atariiho na oumwi unu aragura ebhintu ebhyaaye kweeki. ¹² Ebhiintu ebhya jahabu, egiiheera, amagina ege giiheera ruru, kitani nzuri, ejambarau, hariri, enkangara na emiti gyoonseego ginu giranyuuka obhujomu, na ekintu ekya amatira geenjogu na ebhintu bhinu bhyaakorwa na emiti emijomu, eshabha, ekyuma, erigina. ¹³ Omudarasini, ebhiruungo, uvuumba na amagutwa ganu garanyuunka obhujomu obhubani ewaaini amaguta, obhusye obhujomu, engano, eging'ombe na egiing'ondi, efarasi na egiimatoka, na abhatumwa na eginkoro gya abhantu. ¹⁴ Emisuumo ginu weendanga kwa egiinguru gyaaye garwiiri kureka ku uuwe. Obhusimbe bhwao obhwa amaua bhwaarusibhaho, gatakutuuka kweeki. ¹⁵ Abhakori abheebhyaasa abha ebhintu bhinu bhanu bhaanyoora obhwaami kumeega gaaye bharimirira hare kureka kuweki kwa obhoobha obhwa obhururu bhwaaye, bharakuura na eriisi erya obhufumbi. ¹⁶ Bharagamba, "Ore, ore omugi omukuru gurya gweebhohibhwa kiitani enjomu, ejambarau, na enkangaru, na okupambwa na ejahaabu, na ebhintu ebhya obhweera na ruru!" ¹⁷ Kwiibhaga erya ensa eimwi obhwaami bhonseego bhukahwa na amwendedya owa emeeri na kira baharia, na bhoonseego abhamumanji, bhanu bharakora emirimu mumaanji, bheemiriira hare. ¹⁸ Bhaakuura anu bhaarora engesi eya okuruungura kwaaye. Bhaagamba, "Mugi guuha gurahuunkana na omugi gunu omunene?" ¹⁹ Bheensa amarobha eguru kumitwe gyaabho na bhaakuura, ameesori garahiita na okufuumba, "ore, ore muugi omunene Bhanu bhonseego bhanu bhaanga na egiimeri gyaabho mumanji Bhaangae na obhwaami bhaamiha kwa obhwaami bhwaaye. Kwiibhaga erya ensa imwi orasiikibhwa." ²⁰ Mujomerwe eguru kuweeki, orwiire bheeenyu abheekirirya, obhatumwa na abharooti kwa okubha Waryubha aritujibhya!" ²¹ Maraika oweeginguru yeenura eriigina nkya eriigina erinene erya okusyeera na akaryeesa munyaanja, akagamba, "Kunjira inu, Babeli, omugi omunene gararya gureeswa hansi na gutarirobhoka kweeki. ²² Eriisi rya ebhinanda, abhaana omuziki, abhabhini abha ekiroonge, na enkombi mutaribhugwa kweeki kubheenyu. ²³ Obhurabhu obhwa ekorobhohi bhutarimirika muunsi mwaaho. Erusi rya omukaruuka owa obhweenga na omukungu owa obhweenga mutaribhiigwa kweeki muunsi mwenyu. Kwa okubha abhakori abheemirimu bhariinga bhanaangwa bha ekyaaro, na ebhyaaro, bhaangeenwa kwa obhuturutumbi bhwaabho. ²⁴ Munsi mwaaye amanyiinga aga abharooti na abheekirirya garobhoka, na amanyiinga gonseego ga bhanu bhaakwa eguru kukyaaro."