¹ Kheki karora orwire oruya nhe kyaro ekiyha, khokumba orwire rokwamba nhe kyaro ekiya mbyamara kuita, ne nyanja etangao kyeki. ² Narora omugi omunene, Yrusalemu egya, ghunu gwaja ansi khurwa kuryire rya Waryubha, gunu gwaserenibha kyomwenga unu yajomibha kurusumo ryo kugya kumusaja waaye. ³ Negwa erisi rinene khurya kukitumbi kyo bukuru akgamba, "Omaye! emenyho yha Waryubha arimba amwi abhantu, nhaye arimenya amwi nabho, mbaribha nha Waryubha omwene aribha nabho na aribha Waryubha wabho. ⁴ Aryeya kira erisori okureka khumeso gabho, nha rutrimbao ruku kyeki, kugani rirya, khukura, nhobhururu, amaghana gha kare gaita. ⁵ Weki unuyarhigya yhekeri eguru yha khitubhi kyo bhukuru, "Yaagabha! ndakhora amangana gosego ghambee, amaya "Yhagamba," ng'orya rinu khokubha magyana maene nhan'gombuene." ⁶ "Yhamburya, mang'ana ghanu gharinga gaita! Oni Arfa nha Omega, bhambiro nhombutero. Khuonsego unhu arinyorha enyonta ndimuana embiywebho bhira endengo kumweya gyekiitu khinu kirasoa munkoro bya maji gho mbukuru. ⁷ Weki unuariturha arigega abhagana, nha ndimba Waryubha wayhe, wose aribha mwanawani. ⁸ Nawe okumbha kyego eringi khobhobha, bhanu bhatakukumya, abhabhiirirya abheti, ambasibhe, bhaturutubhi, abhasyengere bhe misusano, abhabii bhosego, hasii yabho eribha agati yhe nyanja yhomuriro gye kimbiriti gunu gurasabha rurhibha oruku rya kambiri." ⁹ Oumwi wamba maraika kasasabha yhaja kuoni, oumwi unu yaringa nhe gimbirha musasabha ganu gejura egighaka musasabha ghobhutero nha yhagabha, "Muuje anu ndikorokya omwegha omukari omwana weri goondi." ¹⁰ Khimwi akangega are agati yho mutima ghe kuku omunene nho mutambi nha yanyhorokya omugi omunene, Yerusalemu, gunu gureeka ansi kurya kuryire owa Waryubha. ¹¹ Yerusalemu gwaringa obhukuru, omuene bhya Waryubha, ombujomu bhae bharinga kyembhera, kyerigina rye kirore eriramburya yaspi. ¹² Ngwagha nhe ndighi enene etambi inu inhe embiseku ekumi nhembimbiri, amwi nha mba maraika ekumi nhembimbiri bhisekhu. Yeguru yebhiseku aringa ang'oribhe amarina ghamakabhiri ekumi nhagambiri ghabhana bha Israeli. ¹³ Orubhara rya kusikirya rubha gharigha ebhiseku ebhisatu orubharya ryokubhoko okuryo ebhiseku embisatu, orubharha ryokubhoko okumosi embiseku bhisatu nho rubhara rya kuturya rhubha mbiseku bhisatu. ¹⁴ Endigi yomugi garingao hobhurusa ekumi nhembiri, eguru waye yaringao na marina ekumi nhagambiri nhambaghaya ekumi nhambambiri nho mwana wegyondi. ¹⁵ Umwi yhairha naoni yaringa nhe kipimiro kye ghibho inuyakurwa kyo bhughesighesi ukubha epime omugi, ebhiseku bhaye na gindigi gyae. ¹⁶ Omugi khaturwa musi yhombutabhi bhaye gwaringa nobhuene kubhubharika bhaye, yhapima omugi kye kipimiro kye nghimbo, bhiku ekumi na bhibhiri kyo mbutambi (obhutabhi bhaye, ebharika yhae, yhaukana). ¹⁷ Bhurya bhurya yhapima endingi yhae, obhunene bhaye bharinga khubhutabhi bhokubhoko ekyara ekhitabhi rigana rimwi na mirongo ena nhena khu mbaatu (okubha nhe bhipimo bha maraika.) ¹⁸ Endigi yhagha ejengerye kya yaspi nho mugi khebhurabhu, kye kirorhe. ¹⁹ Egujho yhendigi yharigha ejomibhe nekyira erigina erigina erijomu. Rho khabha rhinu rhagya yaspi, rya khabhiri ryarigha yakuti samawi, ryakasatu ryarigha kalkedon, rya Kane zumaridi, ²⁰ rya khatanu sardoniki, rya khasansabha, rya muhugati krisoritho, rya munane zabarajadi, rya khenda yakuti rya manjano, rya hekumi krisoprao, rya hekumi na kyamwi rya hekumi na khabhiri emetisito. ²¹ Ebhiseku hekumi nhe bhibhiri gyariga ruru hekumi nhe bhiri khiro ekiseku gyakorha nhe ruru imwi orhuguyho ryo omugi ryarigha orujomu orurabhu, rhabha kye khirore ekirabhu. ²² Ntarora erishengero rhose rose musi omugi, okhu bha omukuru Waryubha unu arakhumibha eguru yha bhosego na omwana werighondi na risheghere ryaye. ²³ Omungi ghutendagha eryubha no mweri ukubha kumirika eguru yhaye hokubha obhukuru bha Waryubha bhamirikha eguru yhaye obhurabha bhaye omwana we ghondi. ²⁴ Ebharo bhirigenda khobhurabhu bhomugi ghuyo abhakuru bhekyaro bharireta obhujomu musi yhae. ²⁵ Ebhisekho ghaye ghitari syikya khumyha ghamubhasu, na bhutaribhao bhutiku arya. ²⁶ Bharireta obhukuru nhe ntugya muusi yhaye. ²⁷ Nha kitaribhao ekisyofu khinu kyirisoa muusi yhae. Okubha unu arikhora egana yose erha hesoni au khugye na atarisoa, okhubha bharya amarina ghabho ghaghoribha khumye ya gye kitabho kyo bhuoru kya omwana wa eng'ondi.