¹ "Kubha malaika abha erisyengerereryo rya Efeso ng'orya." Ganu mang'ana ga urya unu aragwatirira eginjota muhungati kwa okubhoko kwaye kwa obhuryo. Weki unu aragenda kumweya gwa ekinsongyo kya egijahabhu gya egintara muhungati aragambhe ega," ² "Manyiri kinu wakora na ekintunyo kya ho ekya emirimu na obhuteremu bhukong'u na kwa ega otakutura kusangya nabho bhanu bharingi abhasarya, na wabasa gya bhonsego bhanu bharebhi rikira abhakori na kweki tibho na bharobhoka kuwa abhabhehi. ³ Manyiri agaranyirira na okuterema na wahitira aghandi kwa okubha kurina ryani otararosa kweki. ⁴ Nawe rinu ndyo ndarora kwa okubha watiga obhujomu bhwaho obhwa okwambha. ⁵ Kwa ego ohituke hanu wagwa wisasame na ukore amakowa ganu wakora kubhwambhiro, anu otesasamiri ndija kuuwe na okukurusya ekinsongyo kyaho okurwa ahasi waye. ⁶ Nawe uuwe una rinu, orajiimira ganu bharakora abhanikora bhagakora kya agani oni ndagajimira. ⁷ Nyora una okutwi, itegerera ganu omutima gurabhurya amasyengerero. Na kwa unu arakira ndimwi kiririrya okurya ebhyakurya kureka kumuti ogwa obhuhoru gunu guringi paradiso ya Waryubha. ⁸ Ku malaika wa erisyengerero rya Simirna ng'ora: "Ganu mang'ana ga urya unu aringi owa okwambha na obhutero unu yakwa na okubha omuhoru kweki." ⁹ "Manyiri obhunyankibhwa bhwaho obhutobhu bhaho (rawe uuwe ori mwami) na obhubhehi bhwa bhanu bharebhirikira abhayahudi (nawe tiego bheki ni syengerero rya erisambhwa). ¹⁰ Otige kobhoha okunyanki bhwa ganu gari kunyora. Maha! erisambhwa rirenda okubhesa abhake bhenyu mwibhohero munyore okusagibhwa, na murinyanka kwa eginsiku erikumi. Mubhe abhateremu kora okukwa, na ndabha na omutuho ogwa obhuhoru. ¹¹ Nyora uuna okutwi, itegerera omutima kya ego guragabhurya amasyengerero. Weki unu yahita atarinyora obhusarya bhwa oruku orwa kabhiri." ¹² "Kumaraika wa erisyengerero Pergamo ng'ora:" Ganu ngo arahahira weki unu yaana ekyogi ekya obhogi kinu kinu kii na obhogi bhubhiri. ¹³ "Manyiri anu orekara ahasi hanu kiringi ekitumbi kya obhukama kya erisambhwa. Okubha uuwe warigwata bhukong'u erina ryani, na ota yanga eimani yaho inu eringi kuoni, kwa eginsiku girya egya Antipasi omwimiriri wani, omuhene wani, unu yeetwa hagati yenyu, hayo ng'o erisambhwa rirekara. ¹⁴ Nawe nii na amang'ana make kukira agaho: una eyo abhantu bhanu bharagwata amehigiryo aga Balaamu, unu yehigiryo Baraki okuri bhira abha bha Israel, okubha bharye ebhyokurya bhinu bhyarusi bhwa ekimwenso ku masusano na obhusimbhe. ¹⁵ Kwa omweya guyo guyo uuwe wonse uuwe nabho abha ke bhabho bhana bharagwata amehigiryo aga abhanikorai. ¹⁶ Bhono isasama! Nyora otakora ego, ndaja bhwangu, na ndikora eriihe bhakong'u kubheki kwa ekyogi kinu kirareka mumunwa gwani. ¹⁷ Nyora uu na okutwi, itegerera kinu omutima gurabhabhurya amasyengerera. Unu arakira ndimuhana bhukongu bhwa irya omutuho gunu gwabhiswa niigo ndimuhana erigina rirabhu rinu ryang'orwa erina erihya eguru ya erigina rinu omuntu atakutura okuri manya atari weki unu yariturung'ana." ¹⁸ Ku malaika wa erisyengerero rya Thiatira ng'ora: "Ganu ngo amang'ana ga omwana wa Waryuba, weki unu aringi ameso gaye kya egindimu gya omururo na ebhirajiro nkya ekyuma kinu kyakutwa bhukong'u. ¹⁹ "Manyiri kinu wakoreri obhuhanje bhwaho na eimani ekong'e na obhuteremi bhwaho bhukong'u na kwa ego kinu wakora ego hang'i kukirya wakora kubhwambhiro. ²⁰ Nawe nii naryo rinu bhukong'u kuu we: Oramuteremera omukari Yezebeli unu arebhikira omuroti omukari. Kuramehi giriryo gaye arabhabhurya abhakari bhani okukora obhusimbhe na okurya ebhya murya bhinu bhyarusibhwa ekimwenso kwisusano. ²¹ Namuhana omweya ogwa okwisasama, nawe atariho okwisasama obhusarya bhwaye. ²² Maha! Ndimwesa kubhuriri obhwa amarweri na bhanu bharakora obhusimbhe na weki munyanko enduru, kwa ego bhesasame kukinu yakora. ²³ Ndabhatema abhana bhaye bhakwe na amasyengerero gonsego bhari manya okubha oni noni ndagamaha obhwi ganirirya na orunamba, ndihana kila omwi wenyu kuring'ana na amang'ana genyu. ²⁴ Nawe ku bhake bhenyu bhanu mwasaga Thiatira, kubhanu bhonsego bhatagwata erihigirajo rinu, na bhanu mutumanyiri abhake bhabhirikira ekirengyo kya erisambhwa, ndagamba kubhenyu, ntaritura eguru yenyu omujigo gonse gonse." ²⁵ Eng'ana yonse yonse, murenderwa mubhe abhanagya kuhikira anundija. ²⁶ Unu wonsego arakira na okukora kirya nakora kuhikira kubutero, kuweki ndimuhana obhukama eguru ya ebhyaro. ²⁷ "Ali bhakangatira kwa eng'imbho ya ekyuma, kya ebhitubha ebhya amatoto, aribha bhutura bhisinja bhisinja." ²⁸ Kya ego naturung'ana kureka kutaata wani, ndimuhana kweki enjota ya nyenkyo. ²⁹ Anu orabhe na okutwi itegerera kinu omutima gurabhurya amasyengerero.'