¹ Kwa abhaa malaika bha erisyengerero rya Sardi ng'ora: Amangana ga urya unu aragwatirira emitima girya muungati gya Waryubha na eginjota muungati. "Manyiri kinu okoreri orabha na omukumo gwa okubha eregwa. Nawe o kwiri. ² Imuka na onyooroshe ganu gatigara, nyoore garingi harigi okukwa, okubha ntagarora amakorwa gaho gamaraokuwa mumeso ga Waryubha wani. ³ Bhono hituka, garya wanyoora na okuugeegwa, gekirirye na okusabha. Nyoore anu otemuke, ndija nkyo omwibhi, na otarimanya ni bhaga kirinu ndija eguru yaho. ⁴ Nawe gario amarina make ego ga abhantu okureka Sardi bhanu bhatako n'ya egingibho gyabho, bharigenda amwi na honi, bhehoha egingibho egindabhu, okubha bharenderwa. ⁵ Urya aratura eribhohibhwa egingibho egindabhu. Niga ntari rirusyayo eriina ryae kureka kuhitira ekitabho kya obhuhoru, na ndiri ribhirikira erina ryaye mubhukangati bhwa tata wani, na mubhu kangati bhwa abhamaraika. ⁶ Orabhe na okutwi, itegerera omutima kyego gurabhurya amasyengerero." ⁷ "Kubhamaraika bha amasyengereryo ga: Kubhamaraika bha erisyengerero rya Phiradelfia, n'gora amang'ana ganu unu aringi omurabhu na obhuhene unu yana eginfunguro gya Daudi, arasikura na atario unu arasikaho, na atario unu arasikuraho atario unu aratura kusikura. ⁸ Manyiri kinu oramukorera. Maha, nakuturira mubhukangati bhwao omuryango gunu gwa sikurwa gunu atario unu aragutura okusika ho manyiri una bho ubhunagya bhukego. Naawe wari gwira ering'ana ryani okubha otaryanga ering'ana ryani. ⁹ "Maha bhonsego bhanu bharingi bha amasyengerero ga erisabhwa bharya bharagamba bheki mbayaudi na okubha bhatari. Okubha kwaye bhara ng'ena. Ndibhakora bhaje okusabha mubhukngti bhwa amaguru gaho, okubha bharimanya okubha ndikuhanja. ¹⁰ Kwa okubha obhikiri amaragiriryo gani obhuteremu ndikwangaria kweki kunkaaga gyao gya okusakibhwa kunu kuraja mukyaro konseko. Kubhasagya bharya bhonsego bharekara mkyaro. ¹¹ Ndija bhwangu gwaturira bhukong'u kirya kinu unakyo iri atabhao muntu wa kurigega eritaji ryao. ¹² Ndimukora weki unu arahita okubha engujo mwisyengerero rya Waryubha wani, na hatari rekamo kugya kibhara. Ndiryandika kuweki erina rya Waryubha wani, erina rya omugi gwa Waryubha wani (Yerusalemu erigya, gunu gureka hinsi kureka kurwire kuu Waryubha wani) na erina ryani erin'gya. ¹³ Weki unu yana okutwi, na yegwe kinu omutima guragamba ku masyengerero.' ¹⁴ Kubhamaraika bha erisyengerero rya Laodikia n'gora: Mang'ana gaye unu aringi amina, wa okuganyirira na omwimiriri omuhene, Omutemi eguru wa obhubhumbi bhwa Waryubha. ¹⁵ Manyiri kinu wakora okubha uwe otari bheo na okubha omururo, ndajomerwa okubha okyabheri wa embeho kasi omururo. ¹⁶ Hego kwa okubha uwe n'gwe ebhira bhira, otari mururo kasi mbheho, ndiku ongora oreke mumunwa gwani. ¹⁷ Kwa okubha oragamba, "Oni ndingi mwami, mberi na bhwami bhwaru na ntakwenda kirya kyonsego." Nawe otakumanya okubha uwe mutobhu bhukongu wakunyoherwa omutobhu na omuhoku na ekinabhi. ¹⁸ Itegerera kyego ndakutongera: Nugure kunsi erigina erirabhu rinu ryakorwa kwa omuriro, iri onyoore okubha obhutjiri, na egingibho egindabhu gya okung'esa ng'esa okubha wikundikirya uwe mwene na otorokya obhusuku bhwa ekinabhi kyao, na omuguta ga okwiyaka kumeso onyoore okurora. ¹⁹ Kyego unu n'ganjiri namworokererya nna kumwigirya kyego era ederwa okwikara okubha mbhe muhene na wisuhye. ²⁰ Nurore ndemirira kumuryang na kusikura. Urya onsego aregwa erisi ryani na okusikura omuryango, ndija na kusoha hika mwaye, na okurya ebhyakurya nawe amwi nami. ²¹ Weki unu arature, ndimuhana obhukweri bha okwikara hansi amwi na tata wani eguru wa ekitumbi kyani kya kare na kare. ²² Weki unu yana okutwi na yetegerere kinu omutima guragabhura amasyengerero.''