¹ Bhunu mobhubhumbhukuryo obhwa Yesu Kristu bhunu Waryubha yamuh na okubhorokererya abhakori bhaye amang'ana ganu garobhoke hang'i. Yakora hamanyikane okumutuma maraika waye kumukori waye Yohana. ² Yohana yarusya obhwimiriri bhwa kira ekintu kinu yarora okuhitira na engana ya Waryubha na kwa obhwimiriri bhunu bhwarusibhwa na kuhitira Yesu Kristu. ³ Yanonkwa unu arebhigirya kwa eriisi na barya bhonsego banu bharetegerera amang'ana aga obhuroti bhunu na okwikirirya kinu kyang'orwa muyo, kwa okubha omweya gwasunteri, ⁴ Yohana, ku masyengerero muhungati ganu garingi Asia. Eriruguto ribhe kubhenyu na omurembhe okurwa kuweki unu ariho, unu yabhangaho, na unu arija, na okurwa kumitima muhungati bhanu bharingi kubhukangati bhwa ekitumbhi kya obhukama, ⁵ na okurwa ku Yesu Kristu unu aringi omwimiriri owa obhuhene, omwibhurwa wa okwambha wa bhanu bhakwa na omukama wa abhakama wa ekyaro kinu, ku weki unu atuhanjiri, na weki yatutura kubhurabhu kureka kubhusarya bhwetu kwa amanyinga gaye, ⁶ yatukora okubha abhakama, abhasyengeri bha Waryubha na Taata waye kuweki okubha obhukuru na eginguru, koko na koko. Amina. ⁷ Maha, araja na amasaru; kira eriso tirimurora, hamwi na bhonsego bhanu bhamubhita. Na amakabhir gonsego aga ekyaro bharikura kuweki. Mbho, Amina. ⁸ "Eni nu owokwambha na obhutero aragambha omukuru Waryubha, "Weki unu ariho, na unu yaringaho, na unu araja, owa eginguru." ⁹ Oni, Yohana omuhiri wenyu na oumwi unu aresangan'ya hamwi na bhenyu kuhitira kwa omweya gwa okunya nkibhwa na obhukuru na obhuteremu obhukang'u bhunu bhuringi ku Yesu; nanga ndingi kwiginga rinu ritabhirikirwanga Patimo kwa okubha kwi eng'ana rya Waryubha na obhwimiriri kuhitira Yesu. ¹⁰ Naringa gati ya omutima kurusiku omukuru. Neegwa enyuma yani eriisi nkya eya ekitureri, ¹¹ eragamba, "Ngororya mukitabho ganu warora na ogatume ku masyengerero muhungati, okugya Efeso, okugya Smirna, okugya Pergamo, okugya Thiatira, okugya Sardi, okugya Philadephia na okugya Laodikia." ¹² Nkakyuka okumaha ni eriisi ryani unu yabhanga arahahira na oni, na hanu na kyuka narora ekinsongyo kuja egijahabhu kya egintara muhungati. ¹³ Hagati ya ekinsongyo kya egitara yanga arimo oumwi nkya omwana wa Adamu, yebhoheri enkyanju entambhi inu yahika insi ya amaguru gaye, na omuchipi gwa egijahabhu okwinara ekikubha kyaye. ¹⁴ "Omutwe gwaye na egintukya gyaye gyabhang egindabhu kyo, amakafu amarabhu kya ekitu, na ameso gaye gabhanga kya egindimi gya omururo. ¹⁵ Ebhitajiro bhyaye bhyaringa kya ekyumo kinu kyakutwa bhukong'u, ky ekyuma kinu kyamara okuhitibhwa hgati ya omururo, na riisu ryaye ryaringa kya eriisi rya amanji amaru ganu garagera kwa eginguru. ¹⁶ Yabhanga agwatiriri eginjota gyaye muhungati mukuboko kwaye okwa obhusaja na okurwa mumunwa gwaye gwanga na ekyogi kyaye ekiruru ekya obhogi bhubhiri obhusu bhwaye bhwanga bhwang'esa ng'esa kya obhurabhu bhwa omubhasu. ¹⁷ Hanu namurora mkagwa mumaguru gaye kya omuntu unu akwiri. Akatura okubhoko kwaye okwa obhuryo eguru waye agambha, "Otige kobhoha! Oni ndiwa okwamba na owa obhutero, ¹⁸ oni unu ndekara. Nanga nkwiri, nawe maha, ndekara koko. Na nina egifunguro egya oruku na egya mukyobho. ¹⁹ Kwa ego gandike ganu warora, ganu gariho bhono na ganu gariyorokya kwa okubha ya ganu. ²⁰ Kwa okubha inu yebhisa okuhitira eginjota muhungati ginu warora hagati ya okubhoko kwani okwa obhuryo, na kirya ekinsongyo kya ejahabhu ekya egintara muhungati: Eginjota muhungati mbha malaika bha bharya amasyengerero muhungati na ekinsongyo ekya egintara muhungati ngarya amsyengerero muhungati."