¹ Ekiyorokyo kyeyorokya murwire omukari hunu yakundikiribhwa na erabha omweri insi wa amaguru gaye eginjota ekumi nebhiri yaringa eguru ya omutwe gwaye. ² Yaringa arinda yaringa arakura kwa orusumo rwa okunya harika kwa okwibhura kubhururu bhwaokwibhura. ³ Ekyorokyo ekindi kyeyorokya murwire maha! yaringa ho enjoka enkangaru enene inu yaringa na emitwe muhungati amatira kumi, ryaringaho eritaji muhungati kumitwe gyaye. ⁴ Omukira gwaye gwaruta theruthi eimwi ya eginjota murwire naokugyesa insi mukyaro. Enjota yemirira kubhukangati bhwa omukari hunu yaringa ahikiri hang'i okwibhura okwibhura kwibhaga rya okumumira omwana waaye. ⁵ Yebhura omwana wekimura unu aritunga ebhyaro bhyoonse kwa enyimbo ya ekyuma omwana waye yasakwa eguru wa Waryubha kukitumbi kyaye ekyakare. ⁶ Omukari yakenyerera anu Waryubha yaringa asemerye kwa orusumo rwaaye bhature okuturibhwa kwa eribhaga rya eginsiku 1260. ⁷ Bhono bhwaringaho obhurwani murwire. Mikaeli na maraika bhaaye bhakarwana na enjoka hirya yoonse enene na maraika bhaaye bhoonse bhakarwana. ⁸ Naho enjoka etaringa na amanaga gaokwisa okutura rutaringaho kweeki orunamba rwa murwire kwa orusumo rwaaye na maraika bhaye. ⁹ Enjoka enene irya eyakare hunu arabhirikirwa erisambwa arang'ena ekyaro ekigima atarekerwa hansi mukyaro na maraika bhaaye bhakarekerwa hansi amwi nawe. ¹⁰ Nkeegwa erisi enene okurwa murwire bhoono obhuturibhwa bhujiri amanaga na obhukama bhwa Waryubha weetu na obhukuru bhwa Kirstu waye kwaokubha omusitakya abhahiri bheetu yakere rwa hansi hunu yabhasitaka ku Waryubha mubhasu na bhutiku. ¹¹ Yamutama kumanyinga ga omwana weng'ondi kung'ana ya obhwimiriri wabho kwaokubha bhatahanja bhukongu amamenyo gabho hata okukwa. ¹² Bhono mukiririrye bheenyu bhoonse bhanu murekara munsi waye. Nawe okubha kwa ekyaro na enyanja omusarya yetumiri ku bheenyu yejuribhwe na obhutindi obhwaru kwaokubha amanyiri ega yana ebhaga ekego. ¹³ Hanu enjoka yamanya ega yeeswa iinsi mukyaro yamuseeta omukari hunu yaringa yebhwiri omwana wa ekimura. ¹⁴ Nawe omukari yaanwa amabhibhi gabhiri ga ekikona ekinene kiture okwibhururu ka mpaka kuhasi hanu yasemibhwa kwa orusumo rwaye mukibhara ahasi hanu akaturiri okubhiika kweribhaga kuhasi hanu atakaturiri kuhahikira enjoka hiyo. ¹⁵ Enjoka yetira amanji okurwa mumunwa gwaaye nkya omusago agwa okusikya. ¹⁶ Erirobha ryaturya omukari, yakundukura omunwa gwaye na okugumira omusagu gunu yatuja enjoka okurwa mumunwa gwaye. ¹⁷ Enjoka ekamugeninya omukari onse akagya okukora ebhintu na obhwibhuri bhwaye bhoonse bharya bheregwa amaragiriryo ga Waryubha na okugwatirira obhwimiriri ku Yesu. ¹⁸ Enjoka ekemirira eguru wa omusenyigwa embarika wa enyanja.