¹ Naanwa omwanzi kukorera nkya enyimbo okurengera. Niriambiwa "imuka orenge erisyengerero rya Waryubha na haokusyengerera, na bhanu bharasyengera muunsi waaye. ² Naho otarenga ahasi wa obhoori bhwa kibhara kibhara wa mwisyengerero kwaokubha bhahanwa abhantu bha mubhyaro bharigutaja omugi kwa eribhaga rya emyeri mirongo ena na ebhiri. ³ Ndibhahana abhemiririri bhani abhabhiri obhukuru bhwaokurota kwa eribhaga rya eginsiku 1260 bhabhe bhabhe amagunira." ⁴ Abhemiririri bhanu mmiti ebhiri gya emijaituni na ebhisonga bhibhiri bhinu bhinu bhimiriri kubhukangati kubhukangati bhwa omukuru wa ekyaro. ⁵ Nyoore omuntu wowonse atende okubhasarya abhasigu bhao. Wowonse unu arenda kubhasarya arenderwa okukwa kwenjira hinu. ⁶ Abhemiririri bhanu bhana obhuturo bhwa okubhoha erisaru embura etige kutwa kwibhaga rya rya obhurooti. Bhana amanaga ga okuswen'ya amanji okubha amanyinga nokutema ekyaro kwibhaga ryo ryonse anu bharende. ⁷ Kwibhaga rinu orinyoora bhamariri obhwimiririri bhwabho entyenyi hirya erareka mwituko rinu rinu ritana obhuteero arikora ebhiita obhwaru bhweabho aribhatama na okubheeta. ⁸ Emibhiri gyabho giriraara mumugi omukuru (gunu ekirengyo gurabhirikirwa Sodoma na Misri) anu omukuru wabho yeetwa. ⁹ Kuginsiku egisatu na nusu ahake kureka kubhasani bhabhantu kabira ekingambo nakiro ekyaro bharimaha emibhiri gyabho bhatarirusya ekibari okutura mumbiira. ¹⁰ Bhanu bhamenyeri kukyaro bharijomerwa kwa orusumo rwabho na okukiririrya okureterana omutuho okubha abharooti bhayo abhabhiri bhabhanyankya bharya bharinga bhamenyeri kukyaro. ¹¹ Kwibhaga rya eginsiku egisatu nanusu omwika gwa obhuhoru okureka ku Waryubha guribhasoha na murimirira kwa amaguru gabho obhobha obhunene bhuribhagwira bhanu bharabharora. ¹² Bharigwa erisi enene kureka murwire erebhakerya "muje enu" Nabho bharigya eguru wa orwire kwisaru, kwibhaga abhasigu bhaabho bhararora. ¹³ Kwibhaga riyo kuribhaho na omurigito na bhanu bharitigara abhahoru bharyo bhohi bhwa na okumuhana obhukuru Waryubha na murwire. ¹⁴ Maha agakabhiri gahita. Maha agasatu garaja bhwangu. ¹⁵ Maraika mhungati bhatema entureri yaye, na erisi enene gyesa murwire na okugamba "Obhukama bhwa mukyaro bhwamariri kubha obhukama bhwa omukuru weetu Kristu waye aritunga koko na koko." ¹⁶ Abhakaruka mirongo ebhiri na ena bhanu bharinga bhekeri kubhitumbi bhyakare kubhukangati bhwa Waryubha bhagwa abhene insi kumarobha, obhusu bhwabho bhwihinyiri insi bhonse bhamusyengera Waryubha. ¹⁷ Bhagamba, turarusya omikumo gyetu kuuwe omukuru Waryubha omutungi wa eguru wa bhyoonse unu oriho na hunu wangaho kwao kubha warusya omanaga gaho amahene na okombira okutunga. ¹⁸ Ebhyaro bhyajima rakini obhujibhya bhyaho bhwaje. Eribhaga rya hikiri kubhaku bhoonse okujibhibhwa na uwe okubhatuha abhagaya bhaho abharoti, abhekirirya na bharya bhana obhobha bhwa erina ryao bhoonse abhabhiri bhanu bhatakwisa ekintu na abhamanaga. Na eribhaga ryabho ryahikiri bhaokubhasarya bharya bhanu bhanga bharasarya ekyaro." ¹⁹ Bhoone erisyngerero ryo Waryubha murwire ryorokibhwa mwisandiko rya eriragano ryaye rinu ryeyurokya muunsi wa erisyengerero ryaye bhwaringaho obhurabhu, ekituri, ekituri kya egimesyo ekirigitira kya amarobha na amagina ga embura.