¹ Anu amang'ana gayo gawa, Yesu akagya urubhara rwa Enyanja ya Galilaya, inu erabhirikirwa Enyanja ya Tiberia. ² Abhantu abharu bhamuseetanga kokubha bharora ebhika bhinu yakora kubharweri. ³ Yesu yatira eguru kikinsongyo kya enkuku akekara kuyo na abheigirya bhaye. ⁴ Enyangi, ya orusiku orukuru rwa abhayahudi rwanga ruhikiri ang'i. ⁵ Yesu anu yemukya ameso gaye eguru akarora abhantu abharu bharaja kuweki akakerya Filipo, Turagyeha okugura ebhyakurya abhantu bhanu bharye? ⁶ (Kwego Yesu yagamba ganu ku Filipo kokumusakya kokubha weeki omwene yanga amanyiri kinu arakore). ⁷ Filipo akamukyukya, kweki emikate gya amagana gabhiri gitanga giresa kuumwi umwi okunyora kabhara kakego. ⁸ Andrea, oumwi wa abheigirya bhaye omuiri wa Simoni Petro akamukerya. ⁹ Yesu arinho omumura anu yana emikate etanu na egiriswi ebhiri okubha ginu girakora ki kubhantu abharu bhanu?'' ¹⁰ Yesu akabhakerya, mubhekarye aabhantu ansi(ganga gariho amanyanki amaru ahasi arya). Kwego abhasaja bhanga ebhiku bhitanu bhakekara ansi. ¹¹ Kwego Yesu akagega emikate etanu girya akasabha akabha gabhira bharya bhanga bhekori kwekigo akabhagabhira eginswi okuring'ana kyego bhendanga. ¹² Abhantu anu bheguta akabhakerya abheigiribhwa, mukumany'e ebhibhaara bhya amasagyo bhinu bhisagiri kitaja okubhura kyokyonse.'' ¹³ Mbe, bhakakumanya nokwijurya eginsaho ekumi na ebhiri, ebhibhaara bhya emikate etanu gya engano ebhibhaara bhinu bhyatigwa na bhanu bharya. ¹⁴ Kweki anu abhantu bharora ekika kinu yakora bhakagamba mahone unu ng'o omuroti unu arija mukyaro. ¹⁵ Yesu anu yamanya okubha bhanga bharenda okumugwata bhamukore okubha omukama wabho, akeyaura kwego akagya munkuku weki omwene. ¹⁶ Anu yaika mugorobha abheigiribwa bhaye bhaketuma okugya kunyanja. ¹⁷ Bhakatira mubhwato bhanga bharambuka kugya Kapernaumu. (Ekisunte kyaringa kisoeri "Yesu yaringa akyeri kuunjuka kubheki. ¹⁸ Eribhagha riyo omuyaga omururu gwaringa gurauta enyanja garinga aragendererya okusarika. ¹⁹ Kweki abheigiribhwa bhaye anu bhanga bhatemeri egingai ekumi ebhiri netanu au makumi gasatu, bhakama Yesu aragenda eguru wenyanja okuika ang'i nobhwato kwego bhakobhoha. ²⁰ Nawe akabhakerya noni mutakobhoha. ²¹ Kweki bhanga bhesemerye okumugega mubhwato rumwigo obhwato bhukaika mukyaro ahasi anu bhagyanga. ²² Orusiku runu rwagendererya abhantu abharu bhomu bhoringa bhemiriri urubhaara rwa enyanja bharora bhutariho obhwato obhundi kasi ngurya Yesu na abheigiri bhwa bhaye bharinga bhataratiramo nawe abheigiribhwa bhaya bharinga bhagiri gyabho abhene. ²³ (Nyora garingaho amato agandi ganu ganga garwiri. Tiberia ang'i na ahasi anu bharya emikate eguru ya Yesu okurusya enkuma). ²⁴ Eribhaga abhantu abharu anu bhamanya okubha atari Yesu kasi abheigisibhwa bhaye bhanga erya bheki abhene bhatira mumato bhakagya Kapernaumu bharamutuna Yesu. ²⁵ Anu bhaja okumunyora orubhara orundi rwenyanja bhakamubhurya omwirigya wajarinu?'' ²⁶ Yesu akabha kyukya ega ndabhakerya murantuno oni kokubha mwarora ebhika. Nawe nkyego mwarya emikate nokwiguta. ²⁷ Mutige okukorera emirimu ebhyakurya bhinu bhira nyanuka kwego mukikorere emirimu ekya kurya kinu kiraguma koko kirya omwana wa Adamu arabhaane kokubha tata Waryubha yatura ekimanyiriryo eguru waye.'' ²⁸ Kwela bhakamukerye nkiya kinu turenderwa okukora nawe tukore emirimu gya Waryubha? ²⁹ Yesu akakyukya ginu ngyo emirimu gya Waryubha; okubha mumwi kirirye weki unu yandeta.'' ³⁰ Mbe, bhakamubhura nkimanyiri ryoki kinu orakore tonse tukimahe tukwikirirye? orakore ki? ³¹ Bhesemetu bharya ebhyukurya mukibhara kyego yang'orwa yabhahana emikate okurwa murwire bharye.'' ³² Kweki Yesu akakyukya mwikirirye atari Musa unu ya bhahanu omukate okunua murwire nawe ntaata wani ng'o yabhahora omukate gobhuhene okurwa murwire. ³³ Kokubha omukate gwa Waryubha ngurya gureka okurwa murwire nokuhana ekyaro obhuhoru. ³⁴ Mbe, bhakamukerya taata tuhane omukate gunu eribhagha ryonsego.'' ³⁵ Yesu akabhakerya oni noni omukate gobhuhoru onsego unu araja kuhoni atakunyora bhusingiru na unu aranyikirirya atakunyora enyota kweki. ³⁶ Onyura nabhakerya ega munduji nawa mutekirirya. ³⁷ Bhonsego bhanu taata arang'ana bharija kuhoni na wowonse unu araja kuoni ntarimwesa kibhara kweki. ³⁸ Kokubha nikiri kurwa murwire etari korusumo rokukora obhuhanje bhwani nawe nkobhuhanje bhwa unu yandagirirya. ³⁹ Na bhunu mbo ubhuhanje bhwaye unu yandagirirya ega ntabhurya kora oumwi wa bhanu yang'ana nawe ndibhayukya orusi robhutero. ⁴⁰ Kokubha bhunu mbo obhuhanje bhwa taata wani okubha wowonse unu aramaha omwana nokumwikirirya anyore obhuhoru koko nose ndimu yukya orusiku robhutero. ⁴¹ Kweki Abhayahudi bhakamu surumbarira weki kokubha yaga mba, oni mukate gunu gweka kurwa murwire. ⁴² Bhakagamba unu atari Yesu omwana wa Yusufu unu esema bho na ng'ina wabho tumumanyiri? Ebheri egaki bhono aragamba Nikiri okurwa murwire?'' ⁴³ Yesu akabhakyukya akabhakerya mutakasurumbarirana bhenyu abhene. ⁴⁴ Hatariho omuntu unu araja kuoni unu atakurutwa na taata wani unu yandeta nose ndimujukya orusiko robhutero. ⁴⁵ Kokubha eng'orerwe mubharoti bhariigiribhwa na Waryubha wonsego unu aretegerera yeigiri okurwa kutaata araja kuoni. ⁴⁶ Atariho omuntu unu yamumaha taata nawe ng'unu yarwa ku Waryubha yamurora taata. ⁴⁷ Mwikirirye wonsego unu arekirirya yana obhohoru koko. ⁴⁸ Oni mukate gobhuhoro. ⁴⁹ Bhesemenyu bharya ebhyokurya mukibha nawe bhakwa. ⁵⁰ Gunu ngo omukate gunu guretu ma okurwa murwire. Kwego omuntu orye ahasi wago atakwa. ⁵¹ Oni mukate gunu guramenya gunu kweka okurwa murwire kwego anu omuntu ararye ahasi omukate guyo aramenya koko omukate gunu ndarusye mubhiri gwani kurusuno robhohoro bhwa mukyaro.'' ⁵² Abhayahudi bhakajima abhene kwa abhene na bhakomba okuha kananya bharagamba omuntu unu arature egaki okutuhana omubhiri gwaye tugurye? ⁵³ Kweki Yesu akabhakerya mwikirirye anu mutarye omubhiri gomwana wa Adamu nokugotomera amanyinga gaye mutakubha nobhuhoru mumibhwi gyenyu. ⁵⁴ Wowonse unu ararya omubhiri gwani nokugotomera amanyinga ganyana obhuhoru koko nose ndimu yukya orusiku robhutero. ⁵⁵ Kokubha omubhiri gwani nkyo kurya kya obhuhene na amanyinga gani nkinywebhwa kya hene. ⁵⁶ Wowonse unu ararya omubhiri gwani nokugotomera amanyinga gani arekara kuhoni nose kuweki. ⁵⁷ Nkyego taato wobhuhoru yandagirirya na kyego ntari kwe kisigo kya taata na wonse aramenya kwe kisigo kyani. ⁵⁸ Gunu go omukate gunu kureka okureka murwire etari kyego bhataata bharya bhakakwa wowonse unu ararya omukate gunu aramenya koko. ⁵⁹ Yesu yagamba amang'ana ganu mwisyengerero anu yaringa areigirya Kapernaumu eyo. ⁶⁰ Ng'o obhwaru bhwa abheigira bhaye bhegwa ganu bhakagamba rinu niigiryo erikongu niwi aratura okuriramira. ⁶¹ Yesu kokubha yaringa amanyiriga abheigira bhaye bharinga bhararisurumbarira ering'ana rinu akabhakerya nkwaki ering'ana rinu rirabhajimya.? ⁶² Kweki eribha egaki anu murimurora omwana wa Adamu anu arika okurwa enu yanga? ⁶³ Numutima go gurarusya obhuhoro omubhiri gutana obhuturo bhobhonse amang'ana ganu na gamba kubhenyu mutima na mbuhoru. ⁶⁴ Kuweki bhariho abhantu gati yenyu bhanu bhatakwiki rirya kokubha Yesu yambanya kubhwambiro unu atakutura okwikirirya na unu arimurira eniku. ⁶⁵ Akabhakerya kwekisigo kinu nabhakerya okubha atariho omuntu unu ataruta okuja kuhoni nawa ng'anu oranyore aherwe na Taata.'' ⁶⁶ Anu yamana gayo gonsega abheigira abharu bhahinde enyuma kweki bhatasorana nawe. ⁶⁷ Yesu akakerya ekumi na abhabhiri bharya monse murenda okugya? ⁶⁸ Simioni Petro akamukyukya omukuru tugye kuwi nawe uwe weki una amang'ana gobhuhora bhwa koko. ⁶⁹ Twikirirye nokumanyage uwe murabhu wa Waryubha.'' ⁷⁰ Yesu akabha kerya oni nta bhasora bhenyu na oumwi wenyu nisambwa? ⁷¹ Bhona yanga arahaira okwisimanga Yuda omwana wa Simoni Iskariote kokubha yaringa weki oumwi wabhurya ekumi na bhabhiri weki ng'o yamurira eniku.