¹ Bhangu orusiku ryo kwabha ryewiki kukyairi ekisunte, Mariamu Magdalena akaja kubhiira akarirora erigina rirushibheo kubhiira. ² Kwego akeeha entesi kugya kwu Simon Petro na kumwigiribha ohundi unu Yesu yari ngaamuanjiri, akamubhurya, "Bhamugegeri omukuru mubhiira, nabhetu tutamanyiri enu bhamurerye." ³ Kimwi Petro namwiigiribha ohundi bhakauruka kugya kubhiira. ⁴ Bhosego bhakeena entesi kwa amwi omwigiribha oundi akecho entensi bhukongu kutiga Petro nakuika kubhiira hookwabha. ⁵ Akemirira na kimwi kumaamubhiira akarora esanda ereri, nawe atasoa munsi. ⁶ Kimwi Simon Petro nawe akaika akasoa munsi yebhiira, akarora ensanda ereri arya ⁷ ne kitabhara kinu kyaringa kumutye gware kitanga kireri amwi nagisanda girya nawe kyaringa agari ekyende. ⁸ Ng'o umuigiribha oundi anuyasoa muusi yabhiira, akarora na kukumya. ⁹ Okubha adi omweya gunu bharinga bhataramanya amang'oribha kubha yendwa Yesu ayuke kurwa kubhaku. ¹⁰ Kimwi bhaegiribha bhakagya hika wabho. ¹¹ Hata ego Mariamu yaringa yemiriri kubhiira arakura, anuyaringa aragendererya okukura akemirira awe akamaa ebhiira. ¹² Akarora bhamaraika bhabhiri bho bhusu obhurabhu bhekeri amwi oumwi kumutwe no undi kumaguru anu Yesu yaringa areri. ¹³ Nabho bhakamubhura, "Omukari kwaki urakura?" Wose akabhabhura, okubha bhamugegeri umukuru wani oni tamanyiri anubhamuteri," ¹⁴ Anu yamara kugabha gayo, yageuka na kumurora Yesu yemiriri nawe atamanya tokubha yanga Yesu. ¹⁵ Nawe, Yesu akamwabhia, "Mahi kwaki orakura? uratuna owi? "Nawe yamanyanga mutogi webustani akamubhurya" Mukuru, kama nuwe omugegeri bhurya anu omuteri, noni ndimugega" ¹⁶ Yesu akamubhura "Mariamu" Nawe akekyukya omwene na kumubhurya kwe kiaramu, "Raboni," kugabha "muigirya" ¹⁷ Yesu akamubhurya, "Otakuywa okubha ntaragya kutata, nawe ogende kubhairi bhani nakagye kugenda kutata unu nabhenyu tata wenyu, Waryubha wani na Waryubha wenyu. ¹⁸ Mariamu Magdalena akagya kubhabhura abheigiribha "Muruji omukuru," nawe amubhurirye amang'ana ganu. ¹⁹ Naanu yaika kumugorobha, orusiku ruyo, orusiku ryo kwabha yewiki, nebhiseku bhangabhisikiri ahasi abheigiribha bharinga kukobhaga nirya abhayahudi, Yesu akaja nokyi mirira agati yabho nokubha bhurya, "Obhuhene bhubhe kubhenyu" ²⁰ Anu yamara kugabha gayo akabhorokya amabhoko gaye ne gibharu gyaye bheigiribha anubhamurora omukuru bhakajomerwa. ²¹ Kimwi Yesu akamubhurya kyeki, "Obhuhene bhubhe kubhenyu kyego bhura tata yantuma oni, ego ego nonse ndabhatuma bhenyu." ²² Yesu anuyamara okugabha gayo akabhategera akabhabhura, mugege omutima omuhene. ²³ Wosewose mumwabhire obhusarya bhabhirya, nabharya muribhafungira bhafungirwa" ²⁴ Thomaso, oumwi wabhara ekumi na bhabhiri, unu yabhirikirya Didimas, atanga nabhegiribha bharikyae Yesu anu Yaja. ²⁵ Bharya abheigiribha abhandi bhakamubhura ebharika, "Tumuroji omukuru awe akabhabhura, "Okubha taruji engarama ye misumari agati yamabhoko gaye, nokutura ebhara bhani kugiyarama, nakutura okubhoko kyani kubharu gaye ntarikumya." ²⁶ Okubha egisiku munane abheigiribha bharinga eru kyeki, na Thomaso yaringa amwi nabho omweya gunu ebhiseku bharinga bhifungiri Yesu akemirira kumweya gyabho na akagabhe "Obhuhene bhubhe nabhinyu" ²⁷ Kimwi akabhabhura Thomaso, reta ekyara kyao na orore amubhoko gani: reta anu amabhoko gao na uture kubharu gyani wara otabha unu atakukumya akubha omukumya.'' ²⁸ Nawe Thomaso akekirirya na kumubhurya, "Omukuru wani na Waryubha wani," ²⁹ Yesu akamubhurya kubha unduji, okumirwe bhabharikiwa bheki bhanu bharakumya etarikurora. ³⁰ Kimwi Yesu yakora ebhorokero bharu ebhere yabheigiribha, ginu gita riga kung'oribho kumweya gye kitabho kinu; ³¹ nawe ginu gyang'oribha iri okubha muture kukumya kubha Yesu ng'o Kristu, mwana wa Waryubha, no kubha bhanu mura kumya mubhe na obhuhoru kumweya gwerina ryaye.