¹ Mbhe Pilato yaamugega Yesu okumuchapa. ² Abhasirikare bharya bhakabhasya amahwa na bhakagakora engofira. Bhaitura eguru ya omutwe gwa Yesu na okumwibhohya engibho ya erangi ya ejambarau. ³ Bhakaaja kuweki na okugambho, "Uuwe omukama wa Abhayahudi! na kweki bhakamutema kwa amabhoko gabho. ⁴ Kweki Pilato akahuruka kibhara na okubha kirya abhantu, "Maha Mu reteri omuntu unu kubhenyu mumanye ega oni ntarora obhusarya bhobhonse musi yaye. ⁵ Kwa ego Yesu akahuruka kibhara, yaringa yebhoheri engofira ya amahwa na engibho ya ejambarau. Ng'o Pilato akabakerya, "Mumahe omuntu unu hanu! ⁶ Kwa ego eribhaga omusyengeri omukuru na abhakuru hanu bhanu rora Yesu bhatema ekituri na okugambha, "Mubhambhe, mubhambhe." Pilato akabhakerya, mumugege bhenyu bhene mugye okumubhambha, kwa okubha oni ntakurora obhusarya musi yaye." ⁷ Abhayahudi bhamukyukya Pilato, "Bhetu tuuna eriragiriryo, na kwa erira giriryo riyo arenderwa akwe kwa okubha weki yekorya okubha mwana wa Waryubha." ⁸ Pilato hanu yeegwa amang'ana gayo yagendererya okobhoha, ⁹ akasoha mu Praitorio kweki na okumukerya Yesu, "Uuwe orwiririha? Hata ego Yesu atamukyukya. ¹⁰ Kweki Pilato akamukerya, "Uuwe atakuhahira na oni?" Uuwe otamanyiri ega oni nina obhuturo bhwa okukuhatira na nina obhuturo bhwa okukubhambha?" ¹¹ Yesu akakyukya, "Otakabheri na egi nguru eguru yaani nyoora otaka herwe kureka eguru. Kwa ego, omuntu unu yandusya kuuwe yaana obhusarya bhuhene." ¹² Kurekana na eri kyukyo rinu, Pilato akenda okumuhatirira yeyagare, nawe Abhayahudi bhakatema ekituri bhakagambha, "Hanu oramuhatirire yegagare uuwe otari omusani wa Kaisari: kila unu areko rya okubha omukama arahahira ekiswanya kya Kaisari." ¹³ Pilato hanu yegwa amang'ana ganu, yamureta Yesu kibhara kweki akeekara kukitumbhi kya obhujibhya hasi harya hara manyikana ega esakafu, nawe ekiebrania harabhirikirwa gabhatha. ¹⁴ Orusiku rwa okuswemya orwa epasaka hanu rwahika, kumweya gwa ensa eya kasansabha. Pilato akabhakerya Abhayahudi, "Mumahe omukama wenyu ng'unu hanu!" ¹⁵ Bhakatema ekituri, "Murusye, murusye, mubhambhe!" Pilato akabhakerya, "Mubhambhe omukama wenyu?" Naho omukama wenyu?" Naho omusyengeri omukuru akakyukya. "Bhetu tutaana omukama naho Kaisari." ¹⁶ Ng'o Pilato yamurusha Yesu kubheki abhambhwe. ¹⁷ Nabho bhakamugega Yesu, nawe yaagya, agegeri omusalabha gwaye omwene mpaka hasi hanu habhiri kirwanga ekihanga kya omutwe, kuki Ebrania harabhirikirwa Golgotha. ¹⁸ Hayo ng'o bhamubhambha Yesu, hamwi nawe abhasaja bhabhiri oumwi orubhara runu na oundi orubhara runu, na Yesu hagati yabho. ¹⁹ Kweki Pilato akang'ora ekimanyi riryo na okukitura eguru ya omusalabha. Hayo hang'orwa: YESU OMUNAJARET, OMUKAMA WA ABHAYAHUDI. ²⁰ Abharu bha Abhayahudi bhaisoma kimanyiriryo kiyo kwa okubha hasi harya hanu yabhambhwa Yesu haringa hang'i na omugi. Ekimanyi riryo kiyo kyang'orwa kuki Ebrania, kukirumi na kukiyunani. ²¹ Kweki Abhakuru bha Abhasyengeri bha Abhayahudi bhamukerya Pilato, "Tiga okung'ora 'omukama wa Abhayahudi,' naho weki yagambha oni ng'o omukama wa Abhayahudi." ²² Nawe Pilato akabhakyukya, "Ganu mmariri okung'ora, ng'oreri." ²³ Kumweya gunu abhasirikare bhamara okumubhambha Yesu, bhagega egingibho gyaye na okugigabha. Makembha gane, kila omusirikare ekembha rimwi, 'ego ego na enkanju, bhoono enkanju irya etanga esyonerwi yanga efumirwi yonsego kurwa eguru. ²⁴ Kweki bhakagambha na bheki kwa abheki, "Tuti ge okwibharura, tuteme ekuura turore erabha yawi" Rinu ryarobhoka ering'orwa rihikibhwe, rirya riragambha bhagabhanya egingibho gyani na engibho yaani bharitemere ekuura.'' ²⁵ Abhasirikare bhakore amang'ana ganu, Ng'ina waye Yesu na omuhara wabho ng'ina waye, Mariamu omukari wa Kleopa na Mariamu Magdalena abhakari bhanu bharinga bhemiriri hang'i na omusalabha gwa Yesu. ²⁶ Yesu hanu yamurora ng'ina waye hamwi na omwihigira waye omuhanje bhakemirira hang'i, akamukerya ng'ina waye, "Omukari, Maha, rora omwana waho unu hanu." ²⁷ Kweki akamukerya omwihigira urya, "Maha, ng'unu hanu ng'ina wenyu." Kureka ensa iyo omwihigira urya akamugega okugya iika owaye. ²⁸ Hanu ryahwa riyo, omweya gunu Yesu yanga amanyiri ega gonsego gamariri okuhwa okuhikya amang'ore akagambha, "Ndarora enyonta." ²⁹ Ekintu kinu kyanga kijwiri esikikyaringa kiturirwi harya, kwa ego bhakatura erigodoro rinu ryanga rijwiri amanji amaruru eguru ya orurigi rwa ehisopo, bhakamuturira mumunwa gwaye. ³⁰ Nawe Yesu hanu yairabha iyo, akagambha, "Gahweri." Kwehe akahinhya omutwe gwaye, akamuhana enkoro yaye. ³¹ Kwa okubha arwanyo omweya gwa obhwiseremyo na kwa okubha emibhiri gitenderwa nga okutigara eguru ya omusalabha kumweya gwa esabhato(kwa okubhesabhato rwanga orusiku runu rurenderwa), Abhayahudi bhamusabha Pilato ega amaguru gabho bharya bharinga bhabhambhirwe gabhunwe, na kwa ega emibhiri gyabho giikibhwe. ³² Ng'o abhasirikare bhaja okubhura amaguru ga omuntu wa okwambha na owakabhiri unu yaringa abhambhirwe hamwi na Yesu. ³³ Hanu bhamuhikira Yesu, Bhamunyora amariri okukwa rumwi, nawe bhatabhuna amaguru gaye. ³⁴ Hata ego oumwi wa Abhasirikare akamubhita Yesu murubharu na eritimu na kimwi gakarwa amanji na amanyinga. ³⁵ Nawe unu yarora rinu akateng'ekya, no, okuteng'ekya kwaye nkwa obhuhene. Weki amanyiri kinu yagambha nkya obhuhene kweki na bhenyu mukumye. ³⁶ Amang'ana gabha ering'ana rirya rya amabhwa rimanye kubha, "Ritariho eriguha rya ye hata erimwi rinu riribhunwa." ³⁷ Kweki erigyorwa erimwi riragambha, "Bharimumaha weki bhanu bhamubhita." ³⁸ Kwa orusumo amang'ana ganu Yusufu wa Arimathaya, kwa kuwa yaringa omwihigiribhwa wa Yesu, nawe kwa obhugunyi kwa okubho bhobha Abhayahudi, yamusabha Pilato ega agugege omubhiri gwa Yesu. Kweki Pilato akamuhana omweya. Kweki Yusufu akaja okugurusyaho omibhiri gwa Yesu. ³⁹ Nawe Nikodemo unu kumweya gurya yamuseta Yesu bhutiku wonse akaja. Weki yareeta obhusangarya bhwa amaguta amarangasiru na undi, kubhuri bhwa endingo ya erigana rimwi. ⁴⁰ Kwa ego bhakagega omubhiri gwa Yesu bhakagubhoha munsanda ya ekitaani hamwi na garya amarange, kya ego yaringa orusumo rwa Abhayahudi kumweya gwa okubhika. ⁴¹ Ahasi hanu Yesu yabhambhwa yangaho ebhusitani, munsi ya irya ebhusitani yangamo embhihira enhya inu yaringa omuntu atarabhikwamo. ⁴² Kwa okubha rwanga orusiku rwa abhayahudi okwisereriya kwa Abhayahudi, na kwa okubha embhihira irya yanga hang'i bhakamura rya munsi yaye.