¹ Anu Yesu yamara okugamba amang'ana ganu, yemuka na abhehigira bhaye okugya mwituko rya Kedroon, hanu yaringa na omugunda, anu weeki na abhehigira bhaye bhakasoa muunsi waye. ² Bhoono yuudu urya yendanga okurira eniku yaamanya ahasi hayo, Nawe Yesu yaringa aragya ahasi ayo mara njaru yaringa na abhehigira bhaye. ³ Yuda onse anuyaringa anyorere erikemba rya abhasirikare abhani okurwa kubhakuru bha abhari bhakaja bharinga na egi ntara, egisiraha. ⁴ Yesu onse anu yaringa amanyiri kira ekintu kinu kyaringa kirakoreka eguru yaaye, yeyo rorya embere akabha bhurya, "Niwi unu muratuna" ⁵ Bhoonse bhakamukyukya, "Yesu Mnazareti" Yesu akabharerya, "oni noni," Yuda wonse unu yamurira eniku, yaringa yemiriri na abhasirikare. ⁶ Bhoono anu yamara okubhakerya, "oni noni" bhaunjuka enyuma bhakagwa hansi. ⁷ Kweki akabhabhurya, "Muratuna wi?" Bhonse bhakamukyukya "Yesu Mnazareti" ⁸ Yesu akabhakyukya, "Mmariri okubhakerya ega oni nooni bhono nyoore murantuna oni mutige abhandi bhanu bhagende." ⁹ Ganu garinga ega nho eng'ana ehike, harya yagamba, "Kubhanu wang'ana nta bhurya ata oumwi." ¹⁰ Nho Simoni Petro, hunu yaringa na empanga akamuseeta na okumugega okutwi kwa okuryo omugaya wa omusyengeri omukuru na eriina ryaaye omugaya uyo ryaringa Malko. ¹¹ Yesu akamukeerya Petro, "Unjukya empango yao kukibhikiro kyaye nkwaki nange okukinywee ra ekikombe kirya yang'ana taata?'' ¹² Mbe erikemba rya abhasirikare na abhasyengeri, na abhagaya bha abhayahudi, bhamugwata Yesu na okumubhoha. ¹³ Bhonse bhakamukangatya mpaka ku Anasi weeki yaringa muuru wa Kayafa, unuyaringa omusye ngeri omukuru kumwaka guyo. ¹⁴ Nho Kayafa unu yaringa abhaeri obhutongeri Abhayahudi ega yamwenderanga omuntu oumwi okwe kwa orusumo rwa abhantu. ¹⁵ Simoni Petro yamuseeta Yesu na ego ego omwihigira ohundi. Na omwihigira urya yaringa omanyikeeni kumusyengeri omukuru, onse akasoha amwi na Yesu kwibhehewa rya omusyengeri omukuru. ¹⁶ Nawe Petro yaringa yemiriri kibhara wa ekiseki Mbe omwihigira urya yaringa amanyikeeni kumusyengeri omukuru yahuruka kibhara akagya okuaira na omukari omugay unu yaringa ararinda ekiseku na okumusohya Petro munyumba. ¹⁷ Mbe omugaya unuyaringa ararinda mukiseeku, yamubhurya Petro, "Bhono uwe otari oumwi wa abhafuasi bha omuntu unu?" Nawe akagamba ntari oni." ¹⁸ Na abhagaya bharya na abhakuru bharinga bha yemirira ahasi arya, bhakomeri omururo kwao kubha kwaringa ho na embeho, kwego bharinga bharinga bharoota omururo bhanyore eribhirira Petro wonse yaringa nabho, arota omururo yemiriri. ¹⁹ Omusyengeri omukuru yamubhurya Yesu eguru ya abhehigira bhaye na amehigiryo gaaye. ²⁰ Yesu akamukyukya, "Nakikeerya adharani ekyaro, oni neigirya nsiku njaru mumasyengerero ahasi anu abhayahudi bharekumanirya. Nonse ntagamba gogonse kuganu gabhiswa. ²¹ Nkwaki mwamburya? Mubhurye bhanu bhanyi tegerera eguru yakirya mgamba. Abhantu bhanu bhamanyiri kinu nagamba. ²² Yesu anuyamara okugamba ego, oumwi wa abhakuru unu yaringa yemiriri okamute ma Yesu na okubhoko kwaye akamara aka gamba, "Bhoono nigo eramwendera okumukyukya omusyengeri omukuru?" ²³ Yesu wonse akamukyukya, "Nyoore ngambiri ering'ana ryoryonse eribhibhi mbe obhe omwimiririri kwa orusumo rwa eribhibhi, nyoore mmukyukirye bhujomu nkwaki munteme? ²⁴ Nho Anasi yamuhira Yesu ku Kafaya omusyengeri omukuru abhoherwe. ²⁵ Bhono Simoni Petro yaringa yemiriri arota omururo omwene. Abhantu bharya bhakamubhurya." Bhono onse otari oumwi wa abhehigira bhaye? "Akanga aragamba "Oni ntari" ²⁶ Omugaya oumwi wa omusyengeri omukuru unu yaringa omuhiri wa omusaja urya unu Petro yamukata okutwi, yagamba, "Bhono otari uuwe unu nakurora nawe mumugunda?" ²⁷ Petro akanga kweki, Nahayo ensarigoko ekaragura. ²⁸ Nho bhakamugega Yesu ku Kayafa mpaka ku Praitorio yaringa nyeenkyo juri. Bheeki abhene bhatasoha mu Praitorio bhataja bhasarike na okurya epasaka. ²⁹ Bhono Pilato akabhagyako aragamba, "Nisitakyoki rinu rirabhanta kumuntu unu?" ³⁰ Bhakamukyukya na okumukerya, "Nyoore omuntu unu atakabheri omukori wa amabhibhi tutakamureteri kuuwe." ³¹ Pilato akabhakerya, "Mumugege bhenyu bhene mumujibhye okuring'ana na eriragiriryo ryenyu." Abhayahudi bhonse bhakamukerya, "eriragiriryo ritakutwiririrya bhetu okwita omuntu wowonse." ³² Bhagamba ganu nho eng'ana ya Yesu rihike, eng'ana inuyaringa amariri kugamba eguru wa amanga ga oruku rwaye. ³³ Mbe Pilato akasoha kweki Praitorio akabhirikira Yesu, akamubhurya; uuwe numukama wa Abhayahudi?" ³⁴ Yesu akamukyukya, "Bhono uwe oramburya kwa okubha orenda okumanya kasi kwa okubha abhandi bhakutumiri uuje umburye oni?" ³⁵ Pilato onse okamukyukya, "Oni ntari omuyahudi kasi etari?" Ekyaro kyao na omusyengeri omukuru mbo bhakureteri kuoni; uuwe okoreri ki? ³⁶ Yesu akakyukya; "Obhukama bhwani bhutari bhwa kyaro kinu, Nyoore obhukama bhwani bhukabheri bhwekyaro kinu abhagaya bhani bhakandwaniri nho ndusibhwe kubhayahudi. Bhuhene obhukama bhwani bhutakure ka anu" ahene. ³⁷ Pilato akamubhurya, "Bhonu uwe nuwe omukama?" Yesu akamukyukya; uuwe nuwe ora gamba ega noni omukama, kwaokubha ega oni nebhurwa na kwaokubha ega oni naja mukyaro mbe omwimiririri wa hene. Unu wowonse aribha wahene aretegerera erisi yani. ³⁸ Pilato akamubhurya, "Obhuhene niki?"onse anu yamara okugamba ku bhayahudi na okubhakerya "Ntakurora ryoryonse kumuntu unu. ³⁹ Bhenyu muna egimiira ginu giranyisa mmunsikurire omubhohwa oumwi kwibhaga rya epasaka. Bhoono murenda mmusikurira omukama wa Abhayahudi." ⁴⁰ Kweki bhakatema ekituri bhakagamba atari unu tusikurire Bharabha." Bharabha wonse yaringa omwibhi.