¹ Yesu yagagamba amang'ana ganu; nawe akenura ameso gaye okorokererya murywire na akagamba, "Tata enkaga eikiri; omurere omwana wao okubha nawe akurere onse. ² Nkyaego wamuhana obhukuru eguru ya bhwonsego ebhyo mubhiri okubha abhaane obhuhoru bhwa nsiku gyonsego bharya bhonsego wabhahana. ³ Bhunu mbo obhuhoru bhwa eginsiku gyonsego; okubha bhakumanye uuwe, waryubha wa obhuhene na omwenego, na weki unu wamutuma, Yesu Kristu. ⁴ Nakurera mukyaro anu, na okumara omurimu gunu wa ng'ana nkore. ⁵ Bhono tata undere oni amwi na uuwe omwene kwubhu orubhurya nanganinabho amwi na uuwe okubha mukyaro okubhumbwa. ⁶ Nafunura erina ryaho kubhantu bhanu wang'ana mukyaro anu bhanga abhantu bhaho; nawe wang'ana oni nabho bharigwata eng'ana yaho. ⁷ Bhono bharamanya okubha kira ekintu kinu waang'ana oni kira rya kuuwe, ⁸ kumang'ana garya wamburya oni namara kubhana bhayo amang'ana gayo bhanu bhamuturung'ana na obhuhene bhakamanya okubha oni narwa owabho na bhakakumwa okubha uuwe ng'o wantuma. ⁹ Ndabhasabhira bheki ntakurora ekyaro okubha okubha bharya wang'ana kwa kubha bheki mbao. ¹⁰ Ebhintu bhyonsego ebhyani mbyao nabhirya bhinu warora uuwe mbyani; Nonse ndikumibhya okubha kubhiyo. ¹¹ Oni ntarimo kweki mukwaro, okubha bheki bharimo mukyaro, na oni bhono ndaaja kuuwe, tata omurabhu, obhakumye kwerina ryao rira wang'ana, bhetu okubha bhenyu bhonse mubhe na obhumwi kyaoni na uuwe nkyeego turingi na obhumwi. ¹² Anu nanga nabho, Nabharinda kwa erina rinu wang'ana; Nabharinda, na hatario hata oumwi wabho unuyabhura ataringi omwana wa amubhuri, okubha amang'oryo gabhe. ¹³ Bhono ndaaja kuuwe; okubha ndagaamba ganu mukyaaro okubha obhujomerwa bhwani bhubhe munsi yao uuwe omwene. ¹⁴ Mbaeri eng'ana yani; ekyaro kyabhaji mira kwa kubha bheki bhatari abhamukyaro, nkyaoni nkyeego ntari mukyaro. ¹⁵ Ntakubhasabhira ega, obharusye mkyaro okubha obhangararire na urya omusarya. ¹⁶ Bheki, bhatari abhekyaro nkama oni kyaego ntari ntari wa mkyaro. ¹⁷ Obhature abhakfu kuuwe omwene gati ya obhuhene, ering'ana ryaho ndyo aryabhuhene. ¹⁸ Wantuma mukyaro, naoni nabhatuma mukyaro. ¹⁹ Kwa orusumo ryabho oni omwene nderusya kuuwe kwa okubha na bheki bherusye kuuwe kwa obhuhene. ²⁰ Bhatari bhanu abhenego bhanu ndabhasabhira, okubha na bharya bharimukumya kuhitira ering'ana ryabho. ²¹ Kwa okubha bheki bhonse bhabhe na obhumwi, kya uuwe tata, oringi munsi yani na oni munsi yao. Ndabhasabhira kwaokubha bheki nabho bharatura okubha munsi wetu okubha ekyaro kiture okumanya okubha uuweng'o wantuma. ²² Obhukuru bhurya wang'ana oni, nabhahana bheki, okubha bhature okubha na obhumwi nkyabhetu kyaego turingi obhumwi. ²³ Oni munsi wabho, nauwe munsi yani, bhature okubha obhumwi, okubha ekyaro kimanye ga okubha uuwe ng'o wantuma, nokubhaanja, nkyaego uuwe wa ng'anja oni. ²⁴ Tata kirya wang'ana oni ndegomba ega, bheki okubha bhature okubha amwi na oni anundingi bhature okurora obhukuru bhwani, bhurya wang'ana: kwa okubha uuwe wang'anja oni hata okyari ku bhuumbwa obhuturo bhwa ekyaro. ²⁵ Tata omwene ebhintu, ekyaro kitakumanya uuwe, okubha oni nkumanyiri uuwe, na bhamanjiri ega, wantuma. ²⁶ Narikora erina ryao rimanyi kane kuuwe, na ndarikora rimanyikane okubha ribhe erianjwa okurwa kuweki wang'anja oni riture okubha munsi yaani na oni nture okubha munsi yabho."