¹ Mbakererye amang'ana ganu mutaaja okunyaharwa. ² Bharibhakurukya kibhara aha amasyengerero, eribhaga rirahike unuwonsego aribheta akimanya ega arakora emirimu emijomu ku Waryubha. ³ Bharibhakorera amang'ana gayo kwa okubha bhatamumanyiri tata na bhatamanyiri oni. ⁴ Ndabhakeerya amang'ana ganu naho hanu garihika okwi yorokya, murarura okugahituka na kyeego nabhakeerya obhuturo bhwaabho. Ndabhakeerya amang'ana ganu mbere kwa okubha twaringa hamwi na bheenyu. ⁵ Nyoora ndagya ku unu yaringa yantumiri nawe atariho gati kubheenyu unu aramburya, :oragya ha?" ⁶ Kyeego ngambiri amang'ana ganu kubheenyu musurumberi mumitima gyeenyu. ⁷ Kweego, ndabhakeerya obhuheene: mbujomu okubhatiga, kwani anu ntarekeho, omubhasimbi rya araaje kubhengu; hanu ndaagye ndimutuma kubheenyu. ⁸ Anu ariija omusimbiryu uyo ekyaaro kurikiri rya kumangana aga obhusarya kumang'ana aga heene na kung'ana eya okujibhya. ⁹ Ku eng'ana eya obhusarya, kwa okubha bhatanyikirirya oni, ¹⁰ kwa eng'ana ya heena, kwa okubha ndagya ku taata na mutarindora kweeki; ¹¹ na ku eng'ana eya obhujibhya kwa okubha omukama owa ekyaaro kinu yajibhibhwa. ¹² Niinago amaru aga okubhakeerya nawe mutagamanye bhoonwego. ¹³ Nawe, weeki, omutima gwa heene, ariija, aribhorokya obhuheene bhonsego; atariha hira kuhitira ku weeki omwene; nawe unu wonse wonse unu arigwa arigamba amang'ana gayo; ariganikira kubheenyu amang'ana ganu gariija. ¹⁴ Weeki arinkumya oni, kwa okubha arigega amang'ana gani na okugurarika kubheenyu. ¹⁵ Ebhintu bhyonsego bhinu yaanabhyo tata mbyaani; kweego, ngambiri ega omutima gurigega amang'ana gani arigorokya kubhe enyu. ¹⁶ Rikyaari ebhaga ekeego, mutarindora kweeki, na eribhaga ekeego murindora" ¹⁷ Abheehigira bhaaye abhandi bhakabhuranya, "aratukeerya eki, "ebhaga eke matarindora kweeki, na kweeki ebhaga eke murindora, neega kwa okubha ndagya ku tata?" ¹⁸ Kweego bhakagamba, nkintuki kinu aragamba, nkyaari ebhaga ekeego? tutamanyiri kyeego aragamba." ¹⁹ Yesu akabhamanya ega bhana enamba eya okumubhuurya, honse akabhakeerya, murebhurya abhene kyeego ngambiri, rikyaari ebhaga eke, mutarindora kweeki na ebhaga eke mundora? ²⁰ Mwikirirye, mwikirirye, ndabhakeerya, murikuura na okufumba, nawe ekyaaro kirijome rwa, murisurumbara nawe obhusurumbaru bhenyu bhuribha obhujomerwa. ²¹ Omukari arasurumbara hanu ararumwa obhusungu kwa okubha eribhaga erya okwibhura rihikiri; nawe hanu aramara okwibhura omwaana, hatakuhituka kweeki obhururu kwa okujomerwa ega areteri omwana kukyaaro. ²² Mwonse murasurumbara bhonoego, nawe ndibharora kweeki; na emitima gyengu girijomerwa na atariho unu aribharusya obhujomerwa bheengu. ²³ Orusiku ruyo mutarimburya eng'ana, mwikirirye, mwikirirye, ndabhakeerya murasabhe ryonse ryonse ku tata, arabhahane kwa eriina ryaani. ²⁴ Nabhono mutarasabha kyonse kyonse kwa eriina ryaani; musabhe mraha nwe naho okujomerwa kweenyu kubhe. ²⁵ Nahahiri na bheenyu obhugambi bhunu mutamanyiri, eribhaga ririhika hanu ntarihahira kigambo kinu mutarikimanya nawe ntaribhabhisa ku tata. ²⁶ Orusiku ruyo murisabha kwa eriina ryaani, ntakubhakeerya ega ndisabha ku taata kwa okubhakorera bheenyu. ²⁷ Kwa okubha taata omwene yaabhahanja kwa okubha mwang'anja oni na kwa okubha mwanyikirirya ega naareka ku taata. ²⁸ Nareeka kutaata naaja mukyaro, kweki ndareka mukyaro ndagya ku taata." ²⁹ Abhehigira bhaaye bhakamukeerya orarora bhono orahahira otakubhisa na otakuhahira kwa ebhireengyo. ³⁰ Bhono kumanyiri ega omanyiri amang'ana gonsego, etakwenderwa omuntu wonse wonse okubhuurye eng'ana kweego turekirirya ega orareka ku Waryubha. ³¹ Yesu akabhahunjura ega, bhono munyikirirye?'' ³² Maaha, eribhaga riraaja, heene rihikiri, hanu muranyaragane bhonsego na muraatige omwene. Nawe ntaringi omwene kwa okubha taata arihamwi na oni. ³³ Ndabhakeerya amang'ana ganu kuoni mubhe na omurembe. Mukyaaro muuna enyaako, nawe mihane enkoro, naakira ekyaaro.