¹ Oni ni mujabhubu wobhunu obhuhene, nomukuru wani omurimi we mijabhibhu. ² Kira erisha munsi yani rinurita kwibhura orusumo okukora obhurabhu kira erisha rinu rirebhura ararirusyao kokubha riture okwibhura bhukong'u. ³ Bhenyu mwabhari hangi bhwabheri bharabhu kokubha amang'ana gayo namara okubhabhurya. ⁴ Mwikare munsi yani, naoni munsi yenyu, kego erisha rinu ritakutura okwibhura eryene etigekubha gati yo mujabhibhu gayogonsego bhenyu, anumutari kara munsi yani. ⁵ Oni ndingi omujabhibhu; bhenyu mmasya unuarekara munsi yani naoni munsi yaye omuntu unu arebhura egiasumo njaru, kuokubha bira oni mutakutura okukora eng'ana yense yonse. ⁶ Anu erabhe omuntu onse onse asagiri munsi yani, aryeswa nkego erisya no koma, abhantu bharakumanya amasya okugesa gati yomururo, no kunyerera. ⁷ Anu murekare munsi yani, nkego amang'ana gani anugare kare munsi yenyu musabhe ryonse ryonse rinumurenda, nabhenyu murakorerwa. ⁸ Kwa ganu omukuru wetu yakumibhwa, kokubha rebhura amasumo maru kokubha mbeigira bhani. ⁹ Kego omukuru wani yampenda oni, nonse mba penderi bhenyu; mwikongererye gati yobhuhanje bhwaye. ¹⁰ Anumuragyate amaragiriryo gani, murekare gati yobhuhanje bhani kama kego nagwata amaragiriryo gomukuru wani nokwikara gati yobhuhanje bhwaye. ¹¹ Ngambiri amang'ana ganu kubhenyu kogo obhujomerwa bhwani bhubhe munsi yenyu na kweki obhujomerwa bhwanyu bhukoreke bhonsego. ¹² Rinu ndyo eriragiriryo ryenyu kokubha muhanjane bhenyu kwa bhenyu kego nabhahanja bhenyu. ¹³ Atario omuntu unu yana obhuhanje obhukuru okutiga bhunu, kwego arusye amaisya gaye korusumo rya abhasani bhaye. ¹⁴ Bhenyu mbasani bhani anumurakore garya ndabhatuma. ¹⁵ Ntakubhirikira abhagaya, kokubha omugaya atamanyiri kinu bharakora omukuru waye mbabhirikiri bhenyu abhasani, kwe go ndabhakarika amang'ana gonsego ga negwiri okureka kutata. ¹⁶ Mutansora oni, kege onina bhasora bhenyu nokubhatura kugya okubhura eginsumo, norusumo ryenyu runyore okwikara rinu riringi egaki kokubha rinu ryonse murasabha kutata kwerina ryani murahanwa. ¹⁷ Amang'ana ganu ndabhatuma, muhanjane kira omuntu na murikiaye. ¹⁸ Nekyaro anukirabhajimire mumanye ega munjimiri honi mukyari okumujimira weki. ¹⁹ Nawe mukabheri nekyaro, ekyaro kikabhapenderi nkama abhewabho; nawe kokubha bhenyu mutari bhe kyaro na kokubha mwabhasora okureka gati yekyaro korusumo runu ekyaro kirabhajimira. ²⁰ Muhitukenga ering'ana rina na bhakerya, omugaya atari omukuru okukira omukuru waye, anu bhanyankya oni, bhari bhatesa bhenyu; kego bhagwata amaragiriryo gani, bhakagwatiri agetu gonse. ²¹ Bharibhakorera amaragiriryo ganu gonsego kworusumo rwe rina ryaye kokubha bhatamumanyiri urya yanga yatumiri. ²² Nawe singa ntaja nokubha abhurya bhatige okukora obhusa nawe bhono bhatana omweya no bhusarya bhwabho. ²³ Unu aranjimira oni arajimira tata onse. ²⁴ Ekabheri ndakora emirimu munsi yabho inu atariho hata oumwi unu yaikora, bhaka bheri bhatana obhusarya; nawe bhono bhakora gonsego gabhiri bharora na bhanjimira oni no mukuru wani. ²⁵ Rinu rinu ryakoreka kwega eng'ana ehike rinu ryang'orwa gati ye riragiriryo ryabho: bharanjimira oni. ²⁶ Eribhaga omuorisya yajiri, unu ndimutumu kubhenyu okureka kutata, hunu ng'o omutima gobhukweri, unu arareka kutata, okumanyirirya. ²⁷ Bhenyu muraso erera kokubha mubheri hamwi nao ni kwambira orokwamba.