¹ Utekiriri omtima gwao okubha gati yeriyariko urekirirya Waryubha nikirirye kweki na oni. ² Gati yenyumba yatata wani kuna amekaro amaru gokyikara, nyore eta ng'a ego sing'a, nakubhurya, kokubha nda gya okukurera ahasi orusumo ryabho. ³ Nyore ndigya na okubhakorera ahasi ndija kweki okuha karabhisya owani, ahasi anundingi kweki monse mbheho. ⁴ Mumanyiri enjira ahasi anundagya. ⁵ Tomaso yamubhurya Yesu, "omukuru tutamanyiri ahasi oryagya bhona turatura okuhimanya enjira? ⁶ Yesu yamkerya, oni noni enjira, yo bhuhene na obhuhoru atario unu aratura okuja otata kokuhitira kuoni. ⁷ Nawe singa mwamanya oni singa mwamumanya natata wani kweki, kwambira bhonwego okugendererya mumanyiri na mumariri omurora weki.'' ⁸ Philipo yamkerya Yesu, tata, torokye tata, nego arabhe gesiri. ⁹ Yesu akamkerya, ntarabha hamwi nabhenyu kweribhagaritambi na okyari okumanya oni, Philipo? onse onsego unuyandora oni amuruji tata nigaki oragamba, torokye tata'? ¹⁰ Mutakukumya kokubha oni ndimnsi kutata, natata aringi mnsi mwani? amang'ana anundagamba kubhenyu ntakugamba kobhuseri bhwani omwene kweki weki tata unuyekeri mnsi mwani unu arakora emirimu gyaye. ¹¹ Munkumyi oni, kokubha ndingi munsi kutata, natata aringi munsi mwani, nakumirye oni kokubha yemirimu gyani bhukong'u. ¹² Mkumye, mkumye, ndabhakera, weki unu arangumya, oni kumirimu girya ndakora, arikora emirimu ginu kyeki, na arakore kweki emirimu eminene kokubha ndagya kutata. ¹³ Kyonsego kinu murasabha gati ye erina ryani, ndakora kokubha tata ature okukumibhwa gati yo, omwana. ¹⁴ Nyore mrasabhe ekintu kyonse kyonse gati yerina ryani, riyo ndikora. ¹⁵ Nyore murang'anje mrigagwata amaragiriryo gani. ¹⁶ Na ndisabha tata, onse aribhahana omutura ohundi ili kokubha ature okubhaha mwina bhenyu koko. ¹⁷ Omutima gobhurabhu bhekyaro bhutakura okutura okuturung'ana weki kokubha mtakurora, amwi okumanya weki. Kyego bhenyu, mu mumanyiri weki arekara hamwi nabenyu na aribha munsi mwenyu. ¹⁸ Nabhatege bhenyu abhene, ndihinda kubhenyu. ¹⁹ Kweri bhaga ritambi, ekyaro kitarindora kweki, nawe bhenyu mrandora. kokubha mmenyeri, nabhenyu mramenye kweki. ²⁰ Gati yorusiku ruyo mrimanya kokubha oni ndingi mnsi kutata, na kokubha bhenyu mringi mnsi mwani, na kokubha onindingi mnsi mwenyu. ²¹ Onse onse arekirirye amaragiriryo gani na okugaroka, ng'o oumwi unu yang'anjiri oni na onu yang'anjiri oni arihanjwa tata wani, na ndimhanja na ndiyorokwa oni omwene kuweki. ²² Yuda(atari Iskariote) akamkerya Yesu, "Omkuru kweki kirarobhoka kokubha oriyorokya omwene owetu na ntari kukyaro? Yesu, akamkerya, nyore onse onse, unu yang'anjiri, aigwate eng'ana yani tata wani arimhanja, naturija owaye naturikora emenyo yetu hamwi nawe.? ²³ Yesu, akamkerya, nyore onse onse, unu yang'anjiri, aigwate eng'ana yani tata wani arimhanja, naturija owaye natwikora emenyo yetu hamwi nawe. ²⁴ Onse onse onu atang'anji oni, hatakugwata amang'ana gani, eng'ana enu mregwa etari yani nwetata unu yantuma. ²⁵ Ng'agambiri amang'ana ganu kubhenyu eng'ana enu mregwa atari. ²⁶ Kweko ngo, mwasimbirya omtima omrabhu, gunu tata arimtuma kurina ryani, aribharagirirya amang'ana gonsego na aribhakora mhituke gonsego ganu nagamba kubhenyu. ²⁷ Omrembe ndabhahana omurembe yanu nabhenyu, ntakubhahana kyego ekyaro kirahurukya. Mtakora emitima gyenyu okwobha nenyanko, na obhobha. ²⁸ Mwegwa kyego nabhakerya, ndagya gyani na ndihinda kubhenyu nyore mkang'anjiri oni, ²⁹ mkabheri na obhujomerwa kokubha ndagya kutata, kokubha tata mkuru kukira oni. ³⁰ Ntahaire nabhenyu mang'ana maru, kokubha omkuru wekyaro kinu araja, weki atananguru eguru ooni, ³¹ nawe kokubha ekyaro kinyore ukumanya kokubha mhanjiri tata, arakora kinutata arantuma oni, kokubha kego yang'ana eriragiriryo mwimke, na tureke ahasi hanu.