¹ Hanu enyangi ya pasaka yanga ikyari Yesu yanga amanyiri eribhaga ryaye ryokurwa mukyaro nakugya ku sowabho riikiri yanga akyahanjiri abhantu bhaye abhamkyaro. ² Na risambwa ryangariturirwe mtima mu Yuda Iskariote umwana wa Simoni kunyahara Yesu. Yesu. ³ Yesu yanga amanyiri okubha esowabho aturiri ebhintu bhyesego mumabhoko gaye kokubha yareka wa Waryubha na aragya wa Waryubha. ⁴ Yatiga bhyokrya akabharya hansi myendagyaye akahuruka kibhara akagega kuro akebhoa mwene. ⁵ Hanu yamara yatura amanji mwibhakuri akamba kubhogya amaguru abhahegrya bhayena kubheya kwe tauro yaye inu yanga yebhoheri omwene. ⁶ Yajaka Simoni Petro akamkrya, omukuru "urenda kunisabhya amiguru? ⁷ Yesu akamuhunjura rinu ndakora mtarimanyiri bhono ego, nawe muririmanya rundi." ⁸ Petro akamkerya oni utanyogye maguru gani Yesu akamuunjura hanuntakugye utaribha hamwi na oni." ⁹ Simoni akamkerya unisabhye maguru gani mbe hata mabhoko na mtwe gwani.'' ¹⁰ Yesu akamkerya wowose unu amari kuoga nawe amaguru gaye na abheri mjomu mubhigonsego bhenu mwabheri abhajomu nawe bhatari bhonsego. ¹¹ Kokubha yangamanyiri urya akimkyuka nkyo yagambi ega ighosego mtari bhajomu. ¹² Kuribhaga rinu Yesu yabhaogyanga maguru gabho na akamara akagega omwena gwaye na akaekara akabhakerya mumanyiri kinu nibhakoreri? ¹³ Mukambiri kira oni mwarimu na omukuru ayo mragansa mahene kokubha nigo ndingi. ¹⁴ Nyore oni ndimukuru na omwihigirya mbogerye amaguru genyu mwose bhakorere bharikiyenu ego. ¹⁵ Kwego mruji oni nkoreri monse ugende mkore kubharikyenyu. ¹⁶ Amaene ndabhakirya, omgaya atari mukuru okukira omkama waye, Nahunu atumirwe atari mkuru kukira unu amtumiri. ¹⁷ Hamu aragakore ganu amariri kunoukwa. ¹⁸ Ntakubhahairira bhenyu, kwa okubha ambamanyiri bhanu nabhasora, Nawe ndahaira ganu okubha amangorwa gature okukoreka. Hunu ararye omkate gwani yehemererye kung'ikira.' ¹⁹ Ndabhakerya rinu nkyari kutubhuka nohanu riritubhuka, mture okwikirirya ega, "NONI OMWENE" ²⁰ Mwikirirye ganu ndabhakerya, hunu aranyikirirya oni amwikirirye unu mtuuri nahunu amkirirye amariri kumwikirirya unu yatuma.'' ²¹ Eribhaga rinu Yesu yahaira ganu yanka bhukongo mumtima gwaye, yarora no kugamba, Ndabhakerya owumwi wenyu arikiuka. ²² Abhehigira bhaye bhakamahana, bhakarugura ni kwa rusumo ruha ahairi ganu. ²³ Bhanga mwisangiro rimuri omwi wa abhehigira bhaye yehegekeri kukikubha kyaye hunu. Yesu yanga ahaiyiri. ²⁴ Simoni Petro yambhurya omwihigira hurya na kugamba,"Tukerye arahaiirira owi" ²⁵ Omwihigira hunu yanga yehegekeri kukukubha kya Yesu akambhurya "Omkuru niwi?" ²⁶ Yesu akamuhunjura, "Ngumu nakato ngeje ekibhare kya omukate na kumuhana. "Hanu yatongia mkate yamuhana Yuda omwana wa Simoni Iskariote. ²⁷ Hanu yamara omkate erisambwa ryanusoa Yesu amkyerya "Kinu erenda kukora okikore bhwangu." ²⁸ Bhono atangao hunu yangamanyiri, kwaki Yesu yehairira eringana rinu kuwene. ²⁹ Abhandi abhakoranga kwa okubha Yuda yagwatanga ekibheti kye egihera, Yesu yanukyerya, "Kugura bhinu bhyanga uirendwa Mnyangi." hamwi arendwa arushe ebhitu kubhataka. ³⁰ Hanu yamara okugega omukate yahuruka kibhara bhwangu, yaringa bhutiku. ³¹ Hanu Yuda yangarwiriho Yesu yagamba bhono omwana wa Adamu agungirwe na Waryubha agungirwe kuweki. ³² Waryubha aramgunge mumwene wa kumgungya bhwangu. ³³ Abhana abhake nkyari nabhenyu hake, Mrantune, na kyego nakyerya abhayahudi. Henu ndagya, mtakutura ekuikayo. Bhano ndabhakerya mabhenyu. ³⁴ Ndabhahana eriragiriryo ryumwiga muhanjane kyege oni nabhahanja, monse mrenderwa mhanjane abhene kwa abheni. ³⁵ Kwa orusamo ruyo abhantu bharamaye ega bhenyu mbehigira bhani, hanu mrahanjane ki humwi humwi.'' ³⁶ Simoni Petro yamubhurya, omukuru oragyaha? Yesu akamukerya, "Hanu ndagya kwa bhono otakutura kunseta nawe urinseta rundi. ³⁷ Petro akamubhurya "Kwaki ntakuseta bhono ego? oni ndikwa kwa orusumo rwao. ³⁸ "Yesu akamuhunjura Je orakwa kwa orusumo rwu? Ikirirya ndakukyerya ega . Esarigoko etara ragure mara kasatu okyari kunyanga.''